¹ ಮೀಲಾ ಯುದ್ದಲು ಕದಟಲು ಯನ್ನಿಂಕ ಪುತ್ತಾವಿ ಮೀ ಇoದ್ರಿಯಲಾ ಹೊರಡ ಭೋಗಾಶಲಿಂಕoನೇ ಕಾದೇ ² ಮೀಳು ಅದೇಶಿಸಿನಾ ಹೋಂದ್ಗುoಡಲುoಡಾಳು ಮೀಳು ಕೊಳೆಗಾರೈನಂತ ಪೊಟ್ಟ ಕಿಚ್ಚು ಪಟ್ಟೆ ಸಂಪಾದಿಸ್ನಾoಡವಿoಡಾಳು ಮಿಳು ದೇವಡುನ್ನಿ ಬೇಡುಗುನ್ನ ಕಾರಣo ಮೀತಿ ಎಮಿ ದೊರಕಲೇದು ³ ಮೀಳು ಬೇಡಾ ಬೇಡನೆದಾನ್ನಿ ಮೀ ಭೋಗಲಿಗಾನ್ ಉಪಯೋಗಸಲನಿ ದುರಾಭಿಪ್ರಾಯಂಪಟ್ಟಿ ಭೇಡನಾದಾನ್ನಿಂಕ ಮೀಕಿ ದೊರಕತ್ತ್ಲಿದು ⁴ ವ್ಯಬಿಚಾಂಲು ಮೀಳು ಇಹಲೋಕಸ್ನೇಹ ದೇವ ವೈರಿಅನಿ ಮೀಕಿ ತಿಲ್ಸಿಲೇದಾ ಲೋಕಾನಿ ಸ್ನೇಹಿತುಡು ಆವ್ವಾಲ್ ಅನೋಡು ⁵ ದೇವಡು ಮಾಲಾ ಲುಂಡಿಬಿಚ್ನಿ ಪವಿತ್ರಾತ್ಮಡು ಅಭಿಮಾನಂ ತಾಪಂನಿಂಕಮಾಗೊಸ್ಕರಂ ಅಂಬಲಿಸ್ತಾಡು ⁶ ಆ ತುಡು ಮಾ ಪೈನಾ ಅತಿಶಯ ಮೈನಾ ಕೃಪಾನಿ ಪೆಡ್ತಾಡು ದಾನ್ನಿಂಟಿ ದೇವಡು ಆಹಂಕಾರಿಲ್ನಿ ದಡ್ಡಿಸ್ತಾಡು ದಿನಗೈನಾ ಕೃಪೆನ್ನಿ ಅನುಗ್ರಹಿಸ್ತಾಡು ⁷ ಹಿಟ್ಲ್ಲಲುಂಡಗಾನಿ ದೇವಡಿಗಿ ಲೋಗಕಾಂಡಿ ಸೈತಾನುದ್ನಿದಚ್ಭಿಂಡಿ ವಾಡುಮಿಮ್ಮಲ್ನಿ ಲುಡ್ಸಿ ಪಾರಿಪತಾಡು ⁸ ದೇವಡು ಸಮೀಪಾನ್ಸಿರಂಡಿ ಆತುಡು ಮೀ ಸಮೀಪಾನ್ಸಿ ವಸ್ತಾಡು ⁹ ರೊಂದು ಮನುಲುಂದವಾಳ ಮೀ ಮನಸ್ಲಿ ನಿರ್ಮಲಸೆಸ್ಲಾoಡಿ ದುಃಖಚ್ಚಂಡಿಗೋಳಾಡoಡಿ ನವ್ವೆದಾನ್ನಿ ಲುದ್ದ್ಸಿಗೋಳಡoಡಿ ಸಂತೋಷನ್ನಿ ಲುದ್ಸಿಮನಂಗುoದಿನವಾಳುಕಾಂಡಿ ¹⁰ ಕರ್ತುಡಮುಂದ್ರ ಮಿಮ್ಮಲ್ನಿ ತಗ್ಗಿಬಿಚ್ಚಂಡಿ ಅಪ್ಡುವಾಡುಮಿಮ್ಮಲ್ನಿ ಪೈಕಿತೀಸ್ಗಾವಾಸ್ತಡು ¹¹ ಸಹೋದರಲೇ ಒಕ್ಕಳೋಕ್ಕಳ ನಿಂದಿಬಿಚ್ಚoದoಡಿ ಸಹೋದರುದ್ನಿನಿಂದಿಸ್ಸೆ ಅತ್ವ ತೀರ್ಪುಸೇಸ್ತ ವಾಡು ಧರ್ಮಶಾಸ್ತ್ರoವಿಶ್ಯಾಲಾ ತೀರ್ಪುಸೇಸಾವಾಡುಅಟ್ತಾ ಆಯ್ತಾದಿ ನುವ್ವ ಧರ್ಮಶಾಸ್ತ್ರoವಿಶ್ಯಲಾ ತಿರ್ಪುಸೆಸನುವ್ವ ನ್ಯಾಯಾದೀಪತಿ ಅನ್ಬಿಚ್ಚಂಟಾವ ಹೋರತು ದಾನಿ ಅನುಸರಿಚೋಡುಕಾದು ¹² ನ್ಯಾಯಾವ್ನಿ ವಿದಿಬಿಚ್ಚಿನಾ ನ್ಯಾಯಾಧಿಪತಿ ಓಕ್ಕದೇ ಆತುದ್ದೆ ಉಳಬಿಚ್ಚಾದಾನ್ಗಿ ನಶನಂಸೇಸದಾನ್ಗಿ ಶಕ್ತುಡು ಎತ್ಳುoಡದಾನು ನುವ್ವನೀ ನೆರೆವಾಡ ವಿಶ್ಯಾಂಲಾ ತೀರ್ಪುಸೇಸಾಕಿ ನುವ್ವ ಯಾವುಡು ¹³ ಈ ಪದ್ದು ಲೇನಾ ರೇಪು ಮನ್ನು ಇಟ್ಟ ಪಟ್ಟಣ್ನ್ಗಿ ಪೈಯಿ ಓಕ್ಕ ವರ್ಷoಲುoಡಿ ವ್ಯಾಪಾರoನಿಸೇಸಿ ಸಂಪಾಡಿಸ್ತಾ ಮು ಅನೊಳೆ ಇನಂಡಿರೇಪು ಎಮುಯ್ತದೋ ಮೀಕಿ ತಿಲಿಚಟಲ್ದು ¹⁴ ಮೀ ಜೇವಾಮಾನಮು ಎಟ್ಟದಿ ಮಿಳು ಕ್ವಾಂಚ್ಚು ಪದ್ದು ಕನ್ಬ್ಚ್ಗಾ ನ್ನಿ ಅಮಂಕ ಕಾಣಸುoಡ ಪಾತಾಳು ಪೋಗಳಕಾ ಲುಂಟಾಳು ¹⁵ ದಂಚಿ ಮಿಳು ಆಟ್ಲ್ಲಮಾಟ್ಲ್ಲನ್ನಿ ಲುದ್ಸಿ ದೇವಡು ಚಿತ್ತಮೈತೆ ಅನೂಮು ಬದುಕಿ ಈ ಕೆಲಸಮಿಕಾನಿ ಆ ಕೆಲಸಂನಿಕಾನಿಸೇಸ್ತಮು ಅನಿಸೋಪ್ಪಾಲ ¹⁶ ಇಟ್ಲ್ಲ ಸೋಪ್ಕುಂಡ ಮಿಳು ಅಹಂಬಾವಂನಿಂಕ ಹೊಗಳುಗಂಟಾಳು ಅಟ್ಟ ಹೊಗಳಲದಾನ್ನಿ ಸೆದ್ದಾದಿ ¹⁷ ಇಟುಡದಾನಿಂಕಾ ಮಾಚಿದಾನ್ನಿ ಸೇಯ್ಯಲಾನಿ ತಿಳ್ಸಿದಾನಿ ಸೇಗುoಡಲುoಡವಾಡು ಪಾಪನ್ಗಿಲೋಗ ಆoಡಾಡು