¹ ಒಕ್ಟಿ ದಿವಸ್ಮ್ಲ ಪೆತ್ರ್ದು ಯೋಹನ್ಲು ಮದ್ಯ್ನಂ ಮಿಂದ ಮುಡು ಗಂಟ್ಲಿಕಿ ಸೆಸ ² ಪ್ರಥನಲ್ಕಿ ದೇವಲ್ಮ್ನ್ಕಿ ಪೋಥನಪ್ದು,ಪುಟ್ಟ ಕುಂಟನಿನಿನ ಒಕ್ಟಿ ಮನುಶ್ಯ್ದ್ನಿ ಯೋರು ಪಥಕನಿ ಒಚಿ ³ .ದೇವಲ್ಮ್ಳುಲೋಗ ಪೈನಪುದು ಭಿಕ್ಷದ್ಗದಿ ವದ್ನಿ ದೇವಳಮ್ಲ್ ದೆಗ್ರ ಸುಂದೆರ್ಮೈನ ವಕ್ಲಿ ದೆಗ್ರ ದಿನ್ಮು ಕುಚೆಬೇದಸ್ಥುಂಡಿ . ವಡು ದೇವಳಮ್ಲೋಗ ಪಥನ್ನುಪ್ದು ಪೆತ್ರನಿ ಯೋಹನಿನಿ ಸೂಸಿ ಭಿಕ್ಷೆನೀ ಇಯಲ ಅಣಿ ಅಡಗಿ ⁴ ಪೆಥ್ರಣಿ ಯೋಹನೆದ್ರ್ನಿ ವದ್ನಿ ಸೂಸಿರು. ಪೆಥ್ರಣಿ -ಮಮುಲ್ನಿಸುಡಿ ಅನೆ . ⁵ ವಾಳು ವಡ್ನಿಂಕ ಎಮದ್ರು ಸೆಕ್ಥಡಿ ಅನ್ಕೊನಿ ವರ್ನಿ ಜ್ಞಾನಪಥಿ ಸುಸೇ ಅಪ್ದು ಪೆಥ್ರದು ಎಂಡಿ ಬಂಗರ್ಮು ನಾ ಜೋಥ್ಲ ⁶ ಲೆದು,ನಾ ಜೋಥ್ಲ ಉಂಡೆಡಿ ನಿಕಿ ಇಸ್ಥ. ನಜರೆತುಡ ಯೇಸುನಮ್ಲ ಲೆಸಿ ನಡು ಅಣಿ ಸೋಪಿ ವಡ ಕುಡಸಿಥ್ನಿ ಪತ್ಕೊನಿ ಲೆಪೆ . ⁷ ಆ ಕ್ಷನ್ಮ್ಲ ವಡ ಕಲ್ಕಿ ಹಿಮ್ದ್ದಿಕಲ್ಕಿ ಬಲ್ಮೊಚ್ರೆ; ವಡು ಹೇಗ್ರಿ ನಿನ್ಚ್ಕೊನಿ ನೆಡ್ಸೆ ನೆಡ್ಸ್ಥ ⁸ ಹೆಗ್ರ್ಥ ದೆವ್ದ್ನಿ ಕೊಂಡ್ಸ್ಥ್ಳು ವಾಲ ಜೋಥ್ಲ ದೇವಲ್ಮ್ನಕ್ಕಿ ಪಾಯ. ⁹ ವಡು ನೆಡ್ಸ್ಥ ದೇವದ್ದ್ನ್ನಿ ಕೊಂಡ್ಸ್ಥ ಉಂದದ್ನಿ ಜನ್ಲು ಸೂಸಿ ವಿಡು ದೇವಲಮ್ಲ ¹⁰ ಸುಂದ್ರಮಿನಕ ವಕ್ಲಿಲ ಕುಚಿಕೊನಿ ಬಿಕ್ಷೆಮ್ದ್ಗಿನೀ ಗುರ್ಥ್ಪೋಥಿ ವಲ್ಕಿ ಸಂಬ್ವದಿನ್ಸಿದಕಿ ವಿಸ್ಮ್ಯಿಪೊಂಡಿ ಜಾಸ್ತಿ ಬೇರ್ಗರಯ್ರಿ . ¹¹ ಸೋಲೋಮನತ್ಲ ಪೆರುಉಂಡ ಮಂತ್ಪ್ಮುಲಾ ಪೆಥ್ರದು ಯೋಹನಲು ಜೋಥ್ಲ ಆ ಬಿಕ್ಷ್ಕಡು ಉಂಕ ನಿಥ್ಕೊನಪ್ದು , ಅಶ್ರ್ಮ್ಯಿ ಆ ಜನ್ಲು ವಾಲ ಜೋಥ್ಲ ಗುಪ್ಮ್ಪ್ಮೈ ಪರ್ಹೊಚ್ರಿ . ¹² ಪೆತ್ರ್ನು ದನಿ ಸೂಸಿ ಜನ್ಲ್ಕಿ -ಎಸ್ರೆಲ್ಜನ್ಮೆ ,ಮಿರು ಯೆಂತ್ಕಿ ದಿಂಕಿ ಅಷೆರ್ಮ್ಪಥ್ದು ? ಮಿರು ಮಾ ಪೈನ ಕಂಡಳು ಪೇಟಿ ಮಿರು ನನ್ಮ್ನಿ ಸುಸೆದೆನ್ತ್ಕಿ ? ನಾ ಶ್ಕ್ಥಿಲ ಕಧು ಅಮಿಟ್ಗ ದೇವಬ್ಕ್ಥಲಾಕಾದು ವಿದ್ದ್ನಿ ನೆಡಳನಿ ಸೇಸ್ಮ್ನಿ ಬವಿನ್ಚದ್ರಿ . ¹³ ಮಾನಾ ಪೆತ್ರುಲಿನ ಅಬ್ರ್ಹಮು ಇಸಾಕು ಯಕೊಭುನ ದೆವಡು ತನಿ ಸೆವಕ್ನಿ ಯೇಸುನಿ ಮಹಿಮಪಡಿರ್ಸಿ.ಮಿಲಂಥ ವಡ್ನುನೀ ಪೋಟಿಚ್ರು ;ಅಮಿಟ್ಗ ಪಿಳತುಡು ಅತ್ಹ್ದನಿ ಹಿಡಿಬೇಲಿಯಲ ನಿರ್ನ್ಸೈನಪ್ಪ್ದು ಅತ್ಹ್ದನಿ ಒದೂಅನ್ರಿ . ¹⁴ ಮಿರು ಪರಿಶ್ದ್ನು ನಿಥಿವನ್ತ್ಳು ಅಹಿನ ಮನುಷ್ಯನಿ ಒದ್ದುಹನಿ ಸೋಪಿ ಕೊಲೆಗ್ರ್ಮೈನ ಒಕ್ದ್ನಿ ಹುಡಿಸ್ಪೆತ್ಲಾ ಬೇಡ್ಕಣಿ ಜಿವದಿಕ್ಮಿನ ಸೋಮ್ಪೆಬಿಚ್ನರು . ¹⁵ ಅತ್ಹ್ಯೇ ದೇವಡು ಅತ್ಹ್ದನಿ ಸಚಿಪೈಂದ ಒಕ್ರ್ಲಾ ಲೆಪಿಚೆ ; ಈ ವಿಸ್ಮ್ಲ ಮ್ಮೆ ಸಕ್ಷಿಲು . ¹⁶ ಮಿರು ಸುಸ್ಯ್ನ ಮಿಕಿ ಗುರ್ತ್ಮಿನ ಈ ಮನುಶಿಯನ್ನಿ ವಸಿಯದಂಕಿ ಅತುಡ ಪೆರ್ಲ ಪೆಟ್ನ ನಮ್ಬೇಕ್ಮು ಕರ್ನಿಂದಿ; ಆ ಪೆರೇ ಬಲ್ಮ್ಪಫ್ದೆ .ಅಡ್ತ್ಹೊತ್ನಿಕ ಉಂಟ್ಮಿನ ನಮ್ಬಿಕೆಮಿ ವ್ದ್ಕಿ ಮಿ ಅಂದ್ರು ಮುಂದ್ರ ಅನ್ಥಕ್ಷೆಮ ಎಚೀ . ¹⁷ ಸೋದ್ರ್ಲೇ ,ದಂತ್ಲ, ಮಿರು ಆ ಕರ್ಮ್ನಿನೀ ತಿಳೆಸ್ಕೊಂಡ ಸೇಶ್ರೀನಿ ಅಣಿ ತಿಳ್ಚುಂದೆ ;ಮಿ ಅದಿಕರ್ಲು ಥೆಲಿಲೆದುಕೊಂಡ ಸೇಸ್ರಿ . ¹⁸ ಅಥೆ ದೇವಡು ವಡು ನೆಮಿಚಿನ ಕ್ರಿತ್ಶುಡು ನಪ್ಪಯಾನುಭಾವಿಂಚಿ ಸಯಲನಿ ಅಂತ ಪ್ರವದಿಲ ಮತ್ಲ ಮುಂದ್ರೆ ಸೇಪ್ಪಿನ ಮತ್ಳು ನೆವೆರ್ಸೆ . ¹⁹ ದನಿಚಿ ದೇವಡು ಮಿ ಪಪ್ಲ್ನಿ ಅಲಿಸೆಸೆಥ ಆಟೇ ಮಿರು ಪಚಥಪಮ್ಪಡಿ ಅತ್ದು ಕಡೆಕಿ ತಿರಿಕೊಂದ್ರಿ ²⁰ .ತಿರಿಕೊಂದ್ರೆ ದೇವಡ ಸನಿದಲ ಪುನರುಥ್ಮಿನ ಕಲ್ಮಲಾ ಒಚಿ ಅಥಡು ಮಿಕಿ ನೆಮ್ಕಮಿನ ಕ್ರಿಸ್ಥುದಿನ ಯೇಸುನಿ ಅಮ್ಪಿಚಿಂದಿ. ²¹ ಅಯ್ತೆ ಸಂಸ್ಥ್ನಿ ಸರಿಸೆಸಿನ ಕಲಮು ಒಚೆ ತ್ನ್ಕಂಗ ಪರ್ಲೋಕಂಲಾ ಆ ಕ್ರಿಸ್ತುನಿ ಸ್ಥನ್ಮ್ ಇಂದ್ಲ.ಆ ಕಲ್ಮ್ಲಂ ವಿಶ್ಮೈ ದೇವಡು ಪುರ್ವಮುಲೌಂದ ವಡ್ನಿ ಪ್ರವದಿಲ ಮತ್ತಲ ಸೇಪಿಸೆ . ²² ಮೊಶೆಡು ಸೇಪಿನೆಮಂತ್ತೆ -ದವಮ್ದಿನ ಕರ್ಥ್ದು ನನ್ನು ಬೇರ್ರ್ಪದಿಸ್ಕೊನಿ ಮಿಲಾ ಸೋದ್ರ್ಲ ಹುನ್ಕಹೊಕ್ದು ಪ್ರವದಿಮಿನೀ ಮಿಕಿ ಏರ್ಪಡ್ಬೇಸ್ಥನು ²³ .ಅತ್ದು ಮಿಕಿ ಸೊಪ ಮತ್ಲ್ನಿ ಅಂತ ಮಟ್ಲ್ಕಿ ಶೋಲಿನಳ ಆ ಪ್ರವದಿಮಿನ ಮಟ್ಲ್ನಿಏನಕುಂದ ಪ್ರಥಿಯೋಕದು ಮ ಜನಲೋಗಲಿಂಚ ಸಂಪುರ್ಮೈ ನಷ್ಮೈಥಳು ಅನಿ. ²⁴ ಇದಕಕುಂದ ಸಮುವೆಲ್ದು ವಡ ಅಮ್ನಿಂಕ ಹೊಚ್ಹೀ ಪ್ರವದೆನೆಸೇಸಿ ಉಂಡ ಅಂತ ಪ್ರವದಿಲು ಸಹಮಿ ಎಪ್ಪದ್ದು ದೆವಸ್ಲ್ಮ್ಲವಿಶ್ಮ್ಲ ತಿಳ್ಬೇಸ್ಲಿ . ²⁵ ಮಿರು ಪ್ರವದಿಲ ಶಿಷ್ಯಲಾ ದೇವದಿನ ಮಾ ಪಿತ್ರುಲಾ ಸಂಗದ್ಗ ಸೇಸಿಕೊನೈನ ಒಪಮ್ನ್ದಂಕಿ ಭದ್ಯಲು ಇನಲು .ಅತ್ಹ್ದು ಅಬ್ರ್ಮಂಕಿ -ನೀ ಸಂಥಥಿನಿ ಮುಲ್ಕ್ಲ ಭುಲೋಕುಮ್ಲ ಅಂತ ಕುಲ್ಮನ್ಲ್ಕಿ ಅಷಿರ್ವದ್ಮೈನ್ತುಂಡಿ ಅಣಿ ಸೊಪ್ಪಿ ಆ ಒಪಂದುಮನೀ ಸೇಸ್ಕನ್ಲ್ಕದ . ²⁶ ಅಪ್ದು ಮಿಕೈಯೇ ದೇವಡು ತನಿ ಸೇವಕ್ದ್ನಿ ಏರ್ಪಡ್ಸೆಸೆ ಇತುದುದೈನ ಮಿಳ ಪ್ರಥಿಯೊಕಲು ವದ್ವ್ದ ಶೆಡ್ಡನೆದ್ಥಲ್ನಿಚಿ ತಿರ್ಗ್ಪೆತ್ತಿ ಅಷಿರ್ವದಿಳನಿ ತ್ದ್ನಿ ಅಮ್ಪಿಚೆನದು ಅನಿ ಸೊಪ್ಪೇ .