¹ ದೇವುಡು ಮುಂದ್ರ ಮಲ್ಲಿ ಜೀವಿಸು ವಾಳ್ಕಿ ಸಿಚ್ಕೊಳ್ಕು ನ್ಯಾಯಮು ತಿರಿಸ್ಕೊಲೋ ವಚ್ಚಿನಾ ಕ್ರಿಸ್ತ ಯೇಸುಡು ಮುಂದ್ರ ವಾಡು ಪ್ರತ್ಯುಕ್ಷುಮುನಿ ಪೈನಾಲೂ ವಾಡು ರಾಜ್ಯನಿ ಪೈನಾವ ಆಣೆಪೇಟ್ಟಿ ನೇನು ನೀಕಿ ಖಂಡಿತ್ಮಾಯಿ ಸೋಪ್ಪಿನಾ ಎಮಂಟೆ ² ದೇವುಡು ವಾಕ್ಯವನ್ನಿ ಸೊಪ್ಪು ಅನುಕುಲ್ಮಾಯಿನ ಕಾಲಂಟಲಯ್ಮು ಅನುಕುಲ್ಮುಮು ಲೇದನಿ ಕಾಲಂಟ್ಲಾದು ದಾನ್ಲಾ ಆಸಕ್ತ ತ್ಮು ಆಯುoಡಾಲ ಪೂರ್ಣಮು ದಿರ್ಘಶಾಂತಿ ಇಂಕ ಉಪದೆಶಂ ಸೇಸ್ತಾ ಖಂಡಿಸು ಗದರಿಸು ಎಚ್ಚರಂ ಸೇಸು ³ ಎಂದ್ಕಂತೆ ಜನಲು ಸ್ವಸ್ತ ಬೋದನೆಯನ್ನಿ ಸಹಿಸ್ಮು ಲೇದು ಕಾಲನಿ ವಸ್ತಾಡು ದಾನ್ಲಾ ವಾಳು ತೀಟೆಕಿ ಕಿವಿಗಳ್ಕಿ ಉಳ್ಳವಾಳು ವಾಣ್ಲ ದುರಾಸೆಕಿ ಅನುಕುಲ್ಮಾಯಿನಾ ಅನೇಕ್ಮು ಉಪದೆಶಕರನಿ ಪೆಟ್ಟಾಡು ⁴ ವಾಳು ಸತ್ಯಬೋದನೆಕಿ ಕಿವಿಗೊಲೋದು ಕಲ್ಪನಾಥೆಲನಿ ಅಡ್ಗೊಲೋ ಪೋತಾರು ⁵ ಆಯ್ತೆ ನಾ ಅನಿ ವಿಷಯಲನಿ ಸ್ವಸ್ಥಚಿತ್ತವಾಯಿಂಡು ಶ್ರಮೆಯನ್ನಿ ತಾಳಿಕೋ ಸೌವಾರ್ತಿಕನ್ಮು ಕೆಲಸನಿ ಸೇಸು ನೀಕಿ ನೇಮಿಸಿವುoಟೆ ಸೇವೆನ್ನಿ ಲೋಪ ಲೇದನಿ ನಡೆಸು ⁶ ಎಂದ್ಕಂಟೆ ನಾನಂತೂ ಇಪ್ಡೆ ಪಾನದ್ರವ್ಯಮಾಯಿ ಅರ್ಪಿತ್ಮು ಆಯಿಂದಿ ಉಂಡ್ರಿ ನೀನು ಪಾಯ ಪಾಯ್ಬೇಕಾಯಿನಾ ಸಮಯಮು ಸಮೀಪಿಕಿ ವಚ್ಚಿಂದಿ . ⁷ ಹೋರಟವನ್ನಿ ಸೇಸ್ನಾನು ನನ್ನಿ ಜಟನಿ ಕೊನೆಗಾಣಿಚ್ನಾನು ಕ್ರಿಸ್ತು ನಂಬಿಕೆನಿ ರಕ್ಷಿಸಿ ಇಂಟಾನು ⁸ ನೀತಿವಂತುಡುಕಿ ದೊರಕೆ ಜಯಮಾಲೆನಿ ಮುಂದ್ರ ನಾಕಿ ಸಿದ್ದಮಾಯಿಂದಿ ನೀತಿಯುಳ್ಳ ನ್ಯಾಯಧಿಪತಿ ಆಯುಂಡಾಲ ಕರ್ತುಡು ಆ ದಿನಲ್ಲಾ ನಾಕಿ ಇಸ್ತಾಡು ನಾಕಿ ಮಾತ್ರಂ ಲೇದು ತನ್ನಿ ಪ್ರತ್ಯಕ್ಷತೆಯನಿ ಪ್ರೀತಿಸುಡು ಅಂದರುಕಿ ಇಸ್ತಾಡು ⁹ ನನ್ನಿ ದೇಗ್ರುಕಿ ಜಲ್ದಿ ವಚ್ಚೆದಾನ್ಕಿ ಪ್ರಯತ್ನಂ ಸೇಸು ¹⁰ ಎಂದ್ಕಂಟೆ ದೇವುಡು ಇಹಲೋಕ್ಮುನಿ ಪ್ರೀತಿಚಿ ನಲೀ ಇಡ್ಸಿ ಥೆಸಲೋನಿಕಲೋ ಪೋತಾಡು ಕ್ರೈಸ್ತುಡು ಗಲ್ಯಾತ್ಯದಾನಿ ತೀತದು ದಲ್ಮಾತ್ಯದಾನಿ ಪೋತಾರು ¹¹ ಲೂಕುಡು ಮಾತ್ರುಮು ನನ್ನಿ ಜೋತ್ಲ ಉಂಟಾಡು ¹² ಮಾರ್ಕುಡು ಅನಿ ಸಂಗಡಲು ತೋಡ್ಕೊನಿ ರಾ ವಾಡು ನಾಕಿ ಸೇವಕಿ ಉಪಯುಕ್ತುಮು ಆಯುಂಡೆದಾನಿಕಿ ತುಕಿಕುಡು ಅನಿ ಎಫೆಸಿಕಿ ಪೋತಾಡು ¹³ ತೊಲವಲ್ಲಾ ನೀನು ಕರ್ಪನುಡು ಜೋತ್ಲಾ ಅನಿ ಇಡ್ಸಿ ವಸ್ತಾ ಪೈನಾ ವಸ್ತ್ರನಿ ಪುಸ್ತಕಲನಿ ಮುಖ್ಯಮಾಯಿ ಚರ್ಮನಿ ಕಾಗದ್ಮುಲುನಿ ಸಿಸ್ಕೊನಿ ರಾ ¹⁴ ಕಂಚುಗರಾಯಿನಾ ಅಲೇಕ್ಸಾಂದ್ರಡು ನಾಕಿ ಬಹಳ್ಮು ಕೆಡ್ನಿ ಸೇಸಿಂದಿ ಕರ್ತುಡು ವಾಡು ಕ್ರುತ್ಯಕಿ ಸರಿಯಾಯಿ ವಾಡ್ಕಿ ಪ್ರತಿಫಲವನಿ ಇಚ್ಚಾಡು ¹⁵ ನ ಸಹ್ಮು ವಾಡು ವಿಷಯಮ್ಲ ಎಚ್ಚರ್ಮು ಆಯಿಂದಿ ವಾಡು ಮಾ ಮಾಟ್ಲುನಿ ಬಹಳ್ಮು ಆಯಿ ಎದ್ರುವಿಪ್ಚೆ ¹⁶ ನೀನು ಮೊದ್ಲ ಸಲ ಪ್ರತಿವಾದಂ ಸೇನ್ನಪ್ದು ಯೋಳು ನನ್ನಿ ಅಕ್ಕಡ ಆವ್ಲೆದು ಅಂದರೂ ನಲೀ ಕೈ ಇಡ್ಸಿ ಇದಿ ವಾಡು ಲೆಕ್ಕಲೋ ಸೇಲ್ಚಿಕುನ್ನ ವುoಡ್ನಿ ¹⁷ ಆಯ್ತೆ ಕರ್ತುಡು ನನ್ನಿ ಜೋತ್ಲ ನಿಲ್ಪಿಡಿ ನಲೀ ಬಲಪಡಿಚಾಡು ನನ್ನಿ ಮೂಲಕ್ಮು ಸುವಾರ್ತೆಲನೂ ಸಂಪೂರ್ಣಮಾಯಿ ಸೋಪ್ಪಿನಾ ಅನ್ಯ ಜನಲು ಅಂದರೂ ಸೋಪ್ಪೋಳುನೂ ಸೇಸೋಡು ಇದಿ ಕಾದಂಟೆ ವಾಡು ಸಿಂಹಕ ನೋರ್ ನೋನಿಂಚ ತಪ್ಪಿಚ್ಚೆ ¹⁸ ನೀನು ಯಾವ ದುಷ್ಕ್ರುತ್ಯುಂ ಅನಿ ಸೇಸಿಂಕ ಕರ್ತುಡು ನೀನು ಕಾಪಾಡಿ ತನ್ನಿ ಹತ್ತಿರಮು ಪರಲೋಕ್ಮು ರಾಜ್ಯಲೋ ಸೇರಿಸ್ಕೊಚ್ಚಾಡು ಯುಗಯುಗಾಂತರ ನ್ಲಾನೂ ವಾಡ್ಕಿ ಸ್ತೋತ್ರಂ ಆಮೆನ್ ¹⁹ ಪ್ರಿಸ್ಕಳಿಡಿಕು ಅಕ್ವಿಲನಿಕೂ ಬನೆಸಿಪೊರಡು ಗೃಹಲಾಂದರಿಕು ವಂದನ್ಮು ಸೊಪ್ಪು ಎರಸ್ತಡು ಕೊರಿಂಥಲ್ಲಾ ನಿಲ್ಪಿಡೆ ²⁰ ತ್ರೋಫಿಮುಡು ಅಸೌಖ್ಯಂ ಆಯಿಂದಿ ವಾಡ್ಕಿ ಮಿಲೇತಲ್ಲಾ ಇಡ್ಸ್ತಿ ಚಳಿಗಾಲಲೋ ಮುಂಚ್ಮು ವಚ್ನಾಡ್ಕ ಪ್ರಯತ್ನ ಸೇಸು . ²¹ ಯುಬೂಲಡು ಪೂದೆಯಡು ಲೀನಡು ಕ್ಲೌದ್ಯಡು ಮಿಕ್ಕಿದ ಸಹೋದರನ್ನಿ ನೀಕಿ ವಂದನ್ಮು ಸೋಪ್ಪಿಂದಿ ²² ಕರ್ತುಡು ನಿನ್ನಿ ಆತ್ಮು ಸಂಗಡ್ನಿ ಕೃಪೆಲೂ ಮೀಲ್ ವುoಡ್ನಿ