¹ ಮಾ ಮಗನೇ ನೀನು ಕ್ರಿಸ್ತ ಯೇಸುಡು ಮ್ಲಾ ವುಂಡೆ ಕೃಪೆಯಿಂಚ ಬಲಹೊಂದ್ಕೋಡಾವು ² ನಾಇಂಚ ಅನೇಕ್ಮು ಸಾಕ್ಷಿಲಾ ಮುಂದ್ರ ಇನಿನ ಉಪದೇಶಂ ಅನ್ನಿ ಇತರಲ್ಮುಕಿ ಬೋದಿಂಚ ಶಕ್ತಡಾಯಿನ ನಂಬಿಗಸ್ತಾನಿ ಮನುಷ್ಯುಡುಕಿ ಒಪ್ಪಿಯ್ಯ ³ ಕ್ರಿಸ್ತ ಯೇಸುವಿಕಿ ಒಳ್ಳೆ ಸೈನಿಕುಡ್ಲಾಕ ನಾಜೋತ್ಲ ಶ್ರಮೆಯನ್ನಿ ಅನುಭವಿಯಿ ⁴ ಯುದ್ದುಲೋ ಪಾಯೇ ಸೈನಿಕುಡು ಲೋಕುಮು ವ್ಯವಹಾರಲ್ಲಾ ಸಿಕ್ಕಿಕೊಕುನ್ನ ತನ್ನಿ ಸೈನ್ಯಲ್ಲಾ ಸೇರ್ಸ್ಕೊನೋಡ್ನ ಮೆಚ್ಚಿಚ್ಚೆದಾನ್ನಿ ಪ್ರಯಾಸ್ಮು ಪಡ್ತಾಡು ಕದ ⁵ ಇದ್ಕಾಕುನ್ನಯೋಳು ರಂಗಸ್ಥಳಂಲ್ಲಾ ಎದುರಾಳಿ ಜೋತ್ಲಾ ಹೋರಾಡೆನಪ್ದು ನಿಯಮನಿ ಪ್ರಕಾರ್ಮು ಯುದ್ದಂ ಉಂಟೆ ವಾಡ್ಕಿ ಜಯಮಾಲ್ಮು ದೊರಕಲೇದು ⁶ ಬೇಸಾಯಿಕಿ ಹುಟ್ಟಿವಳಿಲ್ಲಾ ಮೊದಲನೆ ಭಾಗಂ ಕಷ್ಟಂ ಸೇಸ್ತಾಳ್ಕಿ ದೊರಕುತ್ತಾದಿ ⁷ ನೀನು ಸೋಪ್ಪಿದನ್ನಿ ಯೋಚನಂ ಸೇಸಿ ಕರ್ತುಡು ಅನ್ನಿದಾಂಟಲ ನೀಕಿ ವಿವೇಕವನ್ನಿ ದಯಪಾಲಿಸ್ತಾಡು ⁸ ಸಚ್ನೋಳ್ ನೋನಿಂಚ ತಿಸ್ಕೋಡು ದಾವಿದಡು ವಂಶ ವಾಡು ಆಯಿನ ಯೇಸು ಕ್ರಿಸ್ತುನನ್ನಿ ಜ್ಞಾಪಕಂ ಸೇಸ್ಕೋ ಇದಿ ನೀನು ಸೋಪ್ಪಿನಾ ಸುವಾರ್ತೆ ⁹ ಇವುಟ್ಲುಲ್ಲಾ ನೀನು ಕಷ್ಟವನ್ನಿ ಅನುಭವಿಯಿ ದುಷ್ಕರ್ಮಿನಿ ಅಟ್ಟ ಸಂಕೊಲೇಂಕ ಕಟ್ಟೋಡಾಯಿನಾನು ಆಯ್ತೆ ದೇವುಡು ವಾಕ್ಯಲೋ ಒಂದನ್ಮು ಲೇದು ¹⁰ ದೇವುಡು ಆರಚ್ಚಿಚ್ಕೊನಿ ವಾಡು ನನ್ನಿ ಕೂಡ ಕ್ರಿಸ್ತ ಯೇಸುವಿನಿಂಕಮ್ಲಾ ರಕ್ಷಣೆಯನ್ನಿ ನಿತ್ಯ ಪ್ರಭಾವನ್ನಿ ಸಹಿತಮಾಯಿ ಹೊಂದಾಲನಿ ನೀನು ವಾಡ್ ಕೋಸ್ಕರಂ ಅನ್ನಿನು ತಾಳ್ಮೆನಿ ಇಂಟಾನು ¹¹ ಈ ಮಾಟ್ಲ ನಂಬತಕ್ಕದಾಯಿಂದಿ ಎಮಂಟೆ ನೀಮು ವಾಡಜೋತ್ಲ ಸಚ್ಚೆ ಉಂಟೆ ವಾಡ ಜೋತ್ಲ ಜೀವಿಸ್ತಾಮು ಸಹಿಸುಮಾಯಿನುಂಟೆ ವಾಡ್ ಜೋತ್ಲ ಅಳ್ತಾಮು ¹² ಯೇಸುಕಿ ಜನಲು ಕಾದು ಅನಿ ಸೋಪ್ತೆ ವಾಡು ನಲ್ಕಿ ತನ್ನ ಜನಲು ಕಾದು ಅನಿ ಸೋಪ್ತಾಡು ¹³ ಅಪನಂಬಿಗಸ್ತುಡು ಆಯಿನುಂಟೆ ವಾಡು ನಂಬಿಗಸ್ತ ಆಯಿಂಡಿನಾ ವುಂಡೆ ತನ್ನ ಸ್ವಭಾವಲೋ ವಿರುದ್ದಮಾಯಿ ಎಮೀ ಸೇಸೋಡ್ ಕಾದು ¹⁴ ಸಂಗತಿಲನಿ ಸಭೆಲ್ನಿ ವಾಡ್ಕಿ ಜ್ಞಾಪಕರೋ ಎತ್ಕೊರಾವಲ ಅಡ್ಗೋಳ್ಕಿ ಕೆಡ್ನಿ ಉಂಟಾಸೇಸೆದೆ ಹೊರತು ಯಾವ ಪ್ರಯೋಜ್ಮುದಾನಿ ರಾನಿನ ವಾಗ್ವಾದಲನಿ ಸೆಯುಡ್ಗಣಿ ವಾಡ್ಕಿ ದೇವುಡು ಸನ್ನಿಧಿಲ್ಲಾ ಖಂಡಿತ್ಮಾಯಿ ಸೊಪ್ಪು ¹⁵ ನಾ ದೇವುಡು ದೃಷ್ಟಿಕಿ ಯೋಗ್ಯಮಾಯಿ ಕಬ್ಬಿಚ್ಚಿಕೊಂಟಲೋ ಪ್ರಯಸ್ಮು ಸೇಸು ಅವಮಾನಲೋ ಗುರಿನಿ ಆಯೂಲೇದ್ನಿ ಕೆಲಸಂನಿ ವಾಡು ಸತ್ಯಮು ವಾಕ್ಯವನ್ನಿ ಸರಿಯಾಯಿ ಉಪದೆಶಿಸಿಂಚಾಡು ಆಯುಂಡು ¹⁶ ಪ್ರಾಪಂಚಿಕ್ಮು ಆಯಿನಾ ಆ ಹರಟೆ ಮಾಟ್ಲಾಕಿ ಮನಸ್ಸು ಇಚ್ಚೋಳು ಅಪಾರಮಾಯಿ ಭಕ್ತಿ ಹೀನರಾಯಿಂದಿ ¹⁷ ವಾಡು ಮಾಟ್ಲ ಕೊಳಕು ಹುಣ್ಮು ರೀತಿಲ್ಲಾ ಹರಡ್ಕೊಂಟಾದಿ ವಾಡ್ಕಿ ಹೂಮೆನಾಯಡೂ ಪಿಲೆತಡೂ ವುಂಡಾರು ¹⁸ ವಾಡು ಪುನರ್ತಾನ್ಮು ಆಯಿಪಾಯೇ ಅನಿ ಸೋಪ್ಪುತಾ ಸತ್ಯಮು ಭ್ರಷ್ಟರಾಯಿಂದಿ ಕೆಲುವುಡು ನಂಬಿಕೆನಿ ಕೆಡಿಚ್ಚಿವಾಡು ಉಂಟೆ ¹⁹ ವಾಡು ದೇವುಡು ಸ್ಥಿರಮಾಯಿನಾ ಅಸ್ತಿವಾರನ್ನಿ ನಿಲ್ಸ್ತಾದಿ ದಾನ್ಕಾಪೈನಾ ತನ್ಕೋಳು ಯೋಳೆನೆದಿ ಕರ್ತುಡು ತಿಳ್ಸ್ನಾಡನೆದೇನೂ ಕರ್ತುಡು ನಾಮನ್ನಿ ಸೋಪ್ಪಿನಾ ವಾಳು ಅಂದ್ರು ದುರ್ಮಾಗತನವನ್ನಿ ಇಡ್ಸಿ ಡಾಲನಿ ಲಿಪಿನಿ ಉಂದಿ ²⁰ ಪೆದ್ದ ಗೃಹಲ್ಲಾ ಬೆಳ್ಳಿ ಬಂಗಾರನಿ ಪಾತ್ರುಲುಕಾಕುನ್ನ ಮಾನಿನ ಪಾತ್ರುಲು ಉಂಟಾವೆ ಇವಿಲ್ಲಾ ಕೆಲುವುನ್ನ ವತ್ತಮಾಯಿನಾ ಎಲ್ಗುಕು ಕೆಲುವುಲು ಹೀನಮಾಹಿನಾ ಎಲ್ಗುಕು ವಚ್ಚಾಡು ²¹ ಇಟ್ಟುoಡೆದಾಯಿ ಒಕ್ಕಡು ಹೀನ ವಡತೆನಿ ಉಳ್ಳವಾಳು ಸಹವಾಸ್ಮುನಿ ಇಡ್ಸಿ ಶುದ್ದಮು ಸೇಸ್ಕೊಂಟೆ ವಾಳು ಉತ್ತಮವಾಯಿನಾ ಎಲ್ಗುಲೋ ಯೋಗ್ಯಮಾಯುಂಟೆದಾನಿಕಿ ವಾಡು ದೇವುಡು ಸೇವೆಕಿ ಪ್ರತಿಷ್ಟಿತುಡು ಆಯಿನಾ ಯಜಮಾನುಡುಕಿ ಉಪಯುಕ್ತುಮು ಅಯುಡು ಸಕಲಮು ಸತ್ಕ್ರಿಯೇಲನಿ ಸೇಸೆಲೋ ಸಿದ್ದಮಾಯನೂ ಇಸ್ತಾಡು ²² ನಾ ಯೌನಮ್ನು ಇಚ್ಚೆಲ್ಕಿ ದೂರಾಯುಂಡ ನೀತಿನಿ ವಿಸ್ವಾಸನಿ ಪ್ರೀತಿನಿ ಮಲ್ಲಿ ಸಮಾಧನನಿ ಸಂಪಾದಿಸ್ಕೊಲೋ ಶುದ್ದಂ ಹೃದಯನಿ ಉಳ್ಳವಾಳಾಯಿ ಕರ್ತುನನ್ನಿ ಬೇಡ್ಕೊಂಡ್ರಿ ವಾಡು ಸಂಗಡಲೂ ಪ್ರಯಸ್ಮಾನ ಸೇಸು ²³ ಮೂಡರ್ನಿ ಬುದ್ದಿನಿಲೆದುನಿ ವಿಚಾರಲೂ ಜಗಳಲೂ ಕಾರಣ್ಮು ಆಯಿಂದಿ ಅನಿ ತಿಳಿಚಿ ಇವಿ ಗೊಡವೆನಿ ಪೋವೊದ್ದು ²⁴ ಕರ್ತುಡು ದಾಸುಡು ಜಗಳ್ನಿ ಲೇದನಿ ಕಾರಣ್ಮು ಆಯಿಂದಿ ಅಂದ್ರು ವಿಷಯ್ಲ್ಲಾ ಸಾಧುವುನಿ ದಾನ್ಕಿ ಬೇದಿಸ ಪ್ರಣೆನುಡು ಕೆಡ್ನಿ ಸಹಿಸಿಗನಿ ವಾಡು ಎದುರಿಚ್ಚೋಳೋನಿ ನಿಧಾನಿಂಕ ತಿದ್ದುವಾಳ್ನಿ ಆಯುಂದಿ ²⁵ ತಿರ್ಗಿಚ್ಚಿ ಸತ್ಯದ ಜ್ಞಾನನಿ ವಾಳ್ಕಿ ಇಸ್ತಾಡು ²⁶ ಸೈತಾನಾಡು ಊರ್ಲಿಕಿ ಬುದ್ದಿವರಾಯಿನಾ ವೂಳೂ ಒಕ್ಕವೇಳೆ ತಪ್ಪಿಚ್ಕೊನಿ ದೇವುಡು ಚಿತ್ತವನ್ನಿ ಅನುಸರಿಚ್ಚಿಲೋ ಸ್ವಸ್ಥ ಚಿತ್ತರಾಯಿಂದಿ