Chapter 3
1
ಮಿಮು ಮಾಕಿ ತಿರಿಗಿ ಹೋಗಳ್ಕೊನಕಿ ಪ್ರಾರಂಬಿಸ್ತಾಮು ?ಲೇದು ಕೆಲವುಲಿಕಿ ಕಾವಮ್ಗುಣ್ಣ ಪ್ರಕಾರಮು ಮೀಕಿ ಸೂಪಿಚಕ್ಕಿ ಯೋಗ್ಯತಾ ಪತ್ರಲು ಮಾಕಿ ಅಗತ್ಯಮು ?ಅಟ್ಲೇ ಇಂಥ ಪತ್ರಲು ಮಿಮಿಲ್ನಿಂಚ ಪಡಸ್ಕೊ೦ ಟಾಮು .
2
ಮೀಳೆ ಮಾಕಿ ಯೋಗ್ಯತಾ ಪತ್ರಲು ;ಆದಿ ಮಾ ಹೃದಯಮುಲಾ ಮಾಸಂದಿ ;ಆ ಪತ್ರಮು ಅಂದ್ರು ತಿಲುಚ್ ಗೂನಿ ಗೊತ್ತಾಳು ಅಂದ್ರೂ ಓತ್ತಾಳು .
3
ಕ್ರಿಸ್ತುಡೂ ಮಾ ಸೇಯಿನಿಂಚಾ ರಾಸಿಚ್ಚಿನಾ ಪತ್ರ ಮೈಯಿಂದಿನಿ ಪ್ರತ್ಯಕ್ಷಂಗ ಉಂಡಾದೀ .ಆದಿ ಮಸಿನಿಂಚಾ ರಾಯ್ ಲೇದು .ಜಿಮುಳ್ಳ ದೇವುಡ ಆತ್ಮನಿಂಚನೆ ರಾಸಿಂದಿ ;ರಾಯ್ ಪೇನ ಲೇದು ಮನುಷ್ಯ ಹೃದಯಮು ಅಲಿಗನಿಂಚಾ ಪೈನಾ ರಾಸಿಂದಿ
4
ಇಟ್ಲಾ ಭರವಸಮು ಕ್ರಿಸ್ತುಡೂ ಮೂಲಕಮು ದೇವಡು ಮುಂದ್ರ ಮಾಕುಂದಿ .
5
ಮಾಮುಲ್ನಿ ನಿಂಚ ಏಮೈನು ಉಂಟೈನಾದಿನ್ನಿ ತಿರ್ಮಾನಿಂಚ್ಕೊನಿಂಕ ಮಾ ಇಷ್ಟನ್ ಕಿ ಮಿಮು ಸಾಮರ್ಥ್ಯಲು ಕಾದು ಮಾಕುಂಡಾ ಸಾಮರ್ಥ್ಯಮು ದೇವುಡು ನಿಂಚನೆ ವಚ್ಚಿಂದಿ .
6
ಯಾಡು ಹೊಸಒಡಂಬಡಿಕೆಲು ಸೇವಕಡೈನಾ ಸಾಮರ್ಥ್ಯಮು ಮನಗಿ ಅನುಗ್ರಹಿಚ್ಚಿನಾಡು ,ಈ ಒಡಂಬಡಿಕೆಂ ಲಿಖಿತೆಮ್ ರೂಪಮುಲಾ ಕಾಗುಂಡಾ .ದೆವುಡಾತ್ಮ ಸಂಬಂದ ಮೈಯಿಂದಿ ಲಿಖಿತ ರೂಪ ಮೈನಾ ಒಡಂಬಡಿಕಮಂ ಮರಣಂ ಪುಟ್ಟಿಸ್ತಾರಿ ದೆವುಡಾತ್ಮಮು ಸಂಬಂದ ಮೈನಂದಿ ಜೀವಮು ಪುಟ್ಟಿಸ್ತಾದಿ .
7
ಮರಣಂ ಪುಟ್ಟಿಚ್ಚಿನ ನಿಯಮಸೇವೆಲು ರಾಯ್ ಪೈನಾ ಲಿಖಿತಮು ಅಕ್ಷರಲು ಆಧಾರಮುಂಡಾನು ಪ್ರಭಾ ಮುನಿಂಚಾ ಕೂಡು೦ಟಾದಿ ಆ ಪ್ರಭಾಮುನಿಂಚಾ ಮೋಶೆ ಮುಖಾನ್ಕಿ ವಚನ ಪ್ರಕಾರಮು ಕುಂದಿ ಪೋಯಟ್ಲಾ ಉಂಡಾನು.ಐನು ನಿಮಿತ್ತಮು ಇಸ್ರಾಯಲುಲ್ಲು .ಯಾಡು ಮಿಮಿಲ್ನಿ ಸೂಡುಕುಂಡಾ ಉನ್ನಾಳು .
8
ಇಟ್ಲೆ ಪೈನಾ. ದೆವುಡಾತ್ಮ ಸಂಬಂದಮೈನ ಸೇವೆಲೋ ಎಂಥೋ ಹೆಚ್ಚಂಗ ಪ್ರಭಾಮು ಹೊಂದಿನಟ್ಗ
9
.ಅಪರಾಧ ನಿರ್ಣಯಂಕಿ ಸಾದನ ಮೈನಾ ಸೇವೆಲೋ ಪ್ರಬಾಮು ನಿಂಚಯಿ ನೀತಿಗೆ ಸಾಧನಮೈನಾ ಸೇವೆಲೋ ಎಂಥೋ ಹೆಚೈಯಿಂದೀ ಪ್ರಭಾಮುಮು ಹೈನ .
10
.ಹೆಚ್ಚಾಯ್ ನಿಂಚಾ ಪ್ರಭಾಮು ಹೊಂದಿ ವಚ್ಚಿನಿಂಚಾ ಮೊದಲುಣ್ಣ ಪ್ರಭಾವಮು ದಾನ್ ಬಳಿಲಾ ಪ್ರಬಾಮು ಲೆಗುಟ್ಗ ಐ ಯಿಂದಿ .
11
ಲೇಗುಂಡಾ ಪೈಯಿಂದಿ ಪ್ರಬಾಮು ಮೈನಾ ಶಾಶ್ವತ್ ಐನಾ ಉಂಡಟ್ಟದಿ ಬಹು ಹೆಚ್ಚಂಗ ಪ್ರಬಾಮುಂಡಟಗ ಕವಾಲಿ
12
ದಾನಿಂಚ ಮೀಮು ಇಟ್ಲೆ ಭರವಸನಿಂಚಾ ದಾರಾಳಂಗ ಮಾಟ್ಲಾಡ್ತಮು .
13
ಮೀಮು ಮೋಶೆಯೇಟ್ಲ ಸೇಸೇಲೆ .ಗತಿಚಿ ಪೈನಾ ಅಂತ್ಯಮಂ ಇಸ್ರಾಯೇಲಲು ಕಣ್ಲಿ ಟನೀ ಸೂಡ ಗೂಡ ದಾನಿ ಯಾಡು ಮುಖಮುಂನಿ ಪೈನಾ ಮುಸುಕು ಎಸ್ ಕುಂಟು೦ ಡಾ .
14
ಐನು ಯಾಳ್ ಬುದ್ದಿ ಮಂದಮೈಯಿ ;ಈ ದಿನಮು ನಿಂಚಾ ಪಾತಿ ಒಡಂಬಡಿಕಮು ಪರಾಯಣಮು ಯಪ್ಪುಡು ಆದಿ ಕ್ರಿಸ್ತುಡೂಲಾ ಗತಿಚಿ ಪಾತೇಡನಿ ಯಾಳ್ ಗಿ ಪ್ರಕಟ ಮೈಯಿ .
15
ದೀ ನಿಂಚಾ ಮುಸುಕು ಸೀಸೆ ನುಂಡ ಉಂಟಾದಿ .ಈ ದಿನಮು ನಿಂಚಾ ಮೋಶೆ ಡು ಗ್ರಂಥ ಪರಾಯಣಮು ಐನಪ್ಪುಡು ಮುಸುಕುಮು ಯಾಡು ಹೃದಯಂ ಮುಲ ಇಚ್ಚಿನಪುದು .
16
ಯಾಡು ಹೃದಯಂ ಸೈನಾ ಕರ್ತುಡೂ ತಟ್ಗಿ ತಿರುಕೊನಪುಡು ಆ ಮುಸ್ಕಮುಸಿಸೆಸ್ತಾದಿ .
17
ಆ ಕರ್ತುಡೂ ದೆವುಡಾತ್ಮಡೇ ಕರ್ತುಡೂ ಆತ್ಮುಡು ಯೋಳಉಂಡಾಡು ಯಾಳಿಗಿ ಬಿಡುಗಡೆ ಉಂಡಾದೀ .
18
ಮಿಮಂದ್ರಾ ಮುಸುಕು ಸಿಸನಾ ಮುಖಮುನಿಂಚಾ ಕರ್ತುಡಾ ಪ್ರಬಾಮು ದರ್ಪಣಂಲಾ ಕಾನ್ಮಡಿಸ್ತದಿ ಅಟ್ಲೇ ದ್ರುಷ್ಟಿಚೂಳ್ ಕಿ ಪ್ರಬಾಮು ಹೆಚ್ಚಾನ ಪ್ರಬಾಮು ದಾನ್ನಿಕಿ ಪೋತಾದಿ ಆ ಪ್ರಬಾಮು ಸ್ವರುಪಮು ಆಯ್ತಂದಿ ಇದಿ ದೇವಡಾತ್ಮ ನಂ ಕರ್ತುಡಾ ಪೋನಿ ಅನುಸಾರ ಮೈಯಿಂದಿ .