¹ ಸಭಾದ್ಯಕ್ಷುಡು ಉದ್ಯೋಗುಮುನಿ ಪಡ್ಸ್ಕೊವಾಲನಿ ಉಂಡೆ ಮಂಚಿ ಕೆಲಸಮ್ನಿ ಅಪೇಕ್ಷೆಚ್ಚೋಡು ಅಯ್ನಾಡು ಅನೆ ಮಾಟ ನಂಬೇದಿ ² ಸಭಾದ್ಯಕ್ಷುಡು ದೋಷುಮು ಅರೋಪುಮು ಲೇನೋಡು ಒಕ್ಕು ಪೆಂಡ್ಲಾಮ್ ಉಂಡೋಡು ಮದ್ಯಮುನಿ ತಾಗೆ ಆಸಕ್ತಿ ಲೇನೋಡು ಜೀತೆಂದ್ರಿಡು ಮಾನಸ್ತುಡು ಅತಿಥಿ ಸತ್ಕಾರುಮು ಸೇಸೋಡು ಬೋದಿಚ್ಚೆ ದಾಂಟ್ಲ ಪ್ರವೀಣುಡು ಆಯುಂಡಾಲ ³ ವಾಡು ತಾಗಿ ಜಗಳ್ಮು ಸೇಸೋಡು ಕೊಟ್ಟೋಡು ಅವುಂಡುಗುಡು ಸ್ವಾಸ್ತಿಕುಡು ಕೃತರ್ಕ ಸೇಸಲೆಗೋಡು ದ್ರವ್ಯಮು ಆಸೆ ಲೇನೋಡು ಆಯುಂಡಾಲ ⁴ ಪೂರ್ಣಮು ಗೌರವಮಿಂಚಿ ವಾಳ್ ಬಿಡ್ಡುಳ್ಳಿ ಅಧಿನುವಿಲ್ಲ ಪೆಟ್ನೋನಿ ಸ್ವಂತ ಇಂಟೂಲ್ನಿ ಭಾಗ ಆಳೊಡು ಆಯುಂಡಾಲ ⁵ ಸ್ವಂತಮು ಇಂಟ್ಟೋಳ್ಳಿ ಆಳೆದಾನಿಕಿ ತಿಳಿಲೆನೋಡು ದೇವುಡು ಸಭೆನಿ ಎಟ್ಟ ನದ್ವಿಸ್ತಾಡು ⁶ ಕೊತ್ತಾಗ ಸಭೆಲ ಸೇರ್ಕೊನುಂಡೋಡು ಆಯುಂಡ್ಗದ್ದು ಅಟ್ಟೋಡಾಯ್ತೆ ಉಬ್ಕೋನಿ ಸೈತಾನುಡುಕಿ ಪ್ರಾಪ್ತಮಾಯಿಂದಿ ಶಿಕ್ಷ್ಮು ವಿದಿಕಿ ಒಳ್ ಪಾಡ್ತಾಡು ಇದ್ಕಾಕುನ್ನ ⁷ ವಾಡು ಅಕ್ಟಾರೋಳಿಂಚಿ ಮಂಚ್ಚೋಡು ಅನ್ಬಿಕೊನುಂಡೊಡು ಆಯುಂಡಾಲ ಲೇದಂಟೆ ನೀರ್ದುಕಿ ಗುರಿಯಾಯ್ತುಡು ಮಲ್ಲಿ ಸೈತಾನುಡಿನ ಉರ್ಲಿಲ ಸಿಕ್ಕಿ ಪಡ್ತಾಡು ⁸ ಅದೇ ರೀತಿಮ್ಲ ಸಭೆನಿ ಸೇವಕುಲು ಗೌರವಮು ವುಂಡೊಳು ಆಯುಂಡಾಲ ⁹ ವಾಡು ರೊಂಡು ಮಾಟನೋಳು ಮದ್ಯನಿರತುಲು ನೀಚುಮಲಾಭಮ್ನಿ ಅಪೇಕ್ಷಿಸೋಳು ಅಯುಕುನ್ನ ನಂಬುಂಡೊಳ್ಕಿ ಪ್ರಕಟ್ಮಾಯುಂಡೆ ಸತ್ಯಾರ್ಥಮ್ನಿ ಮನಸ್ಸಾಕ್ಷಿಯಿಂಚ ನಡ್ಕೋನೋಳು ಆಯುಂಡಾಲ ¹⁰ ದ್ಕಾಕುನ್ನ ವಾಳು ಪರೀಕ್ಷಿಂಚಿ ಪಡೋಳಾವಾಲ ಅಮಿಂದ ವಾಳ್ ಮಿಂದ ಯೋಳು ಕಪ್ಪೆ ಮೊಮುಂಡ್ ಪೋತೆ ಸಭೇನೆ ಸೇವುಕುಲು ಉದ್ಯೋಗುಮುನಿ ನಡ್ಬಿಯಿನಿ ¹¹ ಅಟ್ಟೆ ಸಭಾ ಸೇವಕಿಲು ಆಯಿನ ಆಡೋಳು ಗೌರವಮು ವೂಡೋಲಾಯುoಡಾಲ ಚಾಡಿನಿ ಸೋಪ್ಪೋಳು ಆಯ್ಕುನ್ನ ಅನ್ನಿ ವಿಷಯಮ್ಲ ನಂಬಿಗಸ್ತುಲಾಯಿ ವುಂಡಾಲ ¹² ಸಭಾ ಸೇವಕುಲು ಒಕ್ ಪೆಂಡ್ಲಾಮು ವುಂಡೊಳು ವಾಳ್ ಬಿಡ್ಲುನಿ ಇoಟೊಲ್ನಿ ಭಾಗ ಆಳುಂಡೊಲಾಯುಂಡಾಲ ¹³ ಸಭಾ ಸೇವಕುಲಾಯಿ ಭಾಗ ಕೆಲಸುಮು ಸೇಸೋಳು ವಾಳ್ಕಿ ಮಂಚ್ಚಿ ಪದವಿನಿ ಕ್ರಿಸ್ತ ಯೇಸುಲ ವುಂಡೆ ನಂಬುಕುಮು ಸಂಬಂದ್ಮಾಯಿ ಜಾಸ್ತಿ ದೈರ್ಯಮುನಿ ಸಂಪಾದಿಚ್ಚೊಟ್ಟರು ¹⁴ ಜಲ್ತಿ ನೀ ಜೋತ್ಕಿ ವಸ್ತಾನನಿ ನಾಕಿ ನೀರಿಕ್ಷೆವುಂಡಾದಿ ¹⁵ ಆಯ್ತೆ ಒಕ್ ವೇಳ್ ನಾನು ತಡ ಮುಸೇಸ್ತೆನು ಜೂಡು ಸ್ವರುಪ್ಮಾಯಿಂದಿ ದೇವುಡು ಸಬೇಯಿಂಚ್ಚಿ ನಡ್ಕೊನೆ ಬೇಕಾಯಿಂದೆ ರೀತ್ಮು ನೀಕಿ ಗೊತ್ತವಲನಿ ರಾಸ್ನ ಆ ಸಭೆ ಸತ್ಯುಮ್ನಿ ಸ್ಥಂಭುಮು ಆದಾರುಮು ಆಯಿಂದಿ ¹⁶ ದೇವುಡು ಭಕ್ತಿಕಿ ಅಧಾರಮು ಆಯುಂಡೆ ಸತ್ಯಾತಮು ಗಂಬೀರ್ಮಾ ಯಿಂದಿ ಅನೇದಾನಿಕಿ ಮಾಮಂತ ಒಪ್ಕೊಂಟಾಮು