¹ ಮಾ ರಕ್ಷಕಡಯಿನ ದೇವುದಿಂಚಾನು ಮಾ ನೀರಿಕ್ಷಿಕಿ ಆದಾರು ಮಾಯಿಂಡೆ ಕ್ರಿಸ್ತ ಯೇಸು ನಿಂಚನು . ² ನೆಮೀಸಪಡನ ಕ್ರಿಸ್ತ ಯೇಸುವಿನ ಅಪೋಸ್ತುಲು ಆಯಿನ ಪೌಲುಡು ನಂಬಿಕುಮು ವಿಷಯಮ್ಲ ನಿಜಮು ಕುಮಾರುಡಾಯಿನ ತಿಮೊಥಿಡುಕಿ ರಾಸೆದೆಮಂಟೆ ತಂಡ್ರಿ ಆಯಿನ ದೇವುಡಿ ಇಂಚಾನು ಕರ್ತುಡಯಿನ ಕ್ರಿಸ್ತು ಯೇಸುಯಿಂಚಾನು ನೀಕಿ ಕೃಪು ಕರುಣುಮು ಶಾಂತಿಮು ಆವ್ರುನಿ . ³ ನಾನು ಮೆಕೆದ್ಯೋನಿಕಿ ಪಾಯನಪುಡು ನಿವ್ವ ಎಪೆಸಲನೆ ಉಂಡ್ಕೊನಿ ಆನುಂಡಿನ . ⁴ ಮೀರು ಬೇರೆ ಉಪದೇಶಮ್ನಿ ಸೈಗುದ್ದಣಿ ಕಲ್ಪನಾ ಕತೆಲ್ಕಿ ಕೊನೆಮೊದಲ್ಲೆನಂಟೆ ವಂಶಾವಳಿಕೂ ಲಕ್ಷಮೂ ಇಗುಡ್ದನಿ ಆಜ್ಞಾಪಿಯಲ ಅನಿ ನೀಕ ಕಂಡಿತಮಾಯಿ ಸೊಪ್ಪಿನ್ ಪ್ರಕಾರುಮು ಇವ್ವುಡು ಸೋಪ್ಪುತಾನ್ರು ಆ ಕತ್ಲು ವಂಶಾವಳಿಲು ವಿವಾದಂಕಿ ಆಸ್ಪದಂ ಆಯಿನಾವಿ ವರತು ದೇವುಡು ನಿರ್ವಯಿಂಚನು ಕೆಲಸಂಕಿ ಅನುಕುಲ್ಮೂ ಆದುಲೇ . ⁵ ನಂಬಿಕೆನೆ ಮೂಖ್ಯಾಮಾಯಿಂದಿ ಶುದ್ದ ಹೃದಯಿಮು ಮಂಚಿ ಮನಸಾಕ್ಷಿ ಕಪಟಮೈನ ನಂಬಿಕ್ಮೂ ಅನೈಯಲ್ಪಟ್ಟಿಂಚ ಪುಟ್ಟಿನ ಪ್ರೀತಿನೆ ದೇವುಡು ವಾಕ್ಯ ಉಪದೆಶಮ್ನ ಗುರಿಯಯಿಂದಿ . ⁶ ಕೆಲುವುಲು ಈ ಗುರಿ ತಪ್ಪಿ ವ್ಯರ್ಥಮೈನ ವಿಚಾರಿಂಕಿ ತಿರಿಕೊನಾರು . ⁷ ಳು ಧರ್ಮೊಪದೆಶಕುಮು ಅವಾಲ ಅನುನ್ಡ್ರಿ ಮೀರು ಸೊಪ್ಪೆದಾನಿ ಮೀರು ದೃಡ ಮಾಯಿ ಮಾತ್ಲಾಡ ವಿಷಯಮ್ಲ ಆಡಿನಿ ಇಟ್ಟೆದಾನಿ ತಿಳಿಸೋಲಾಯಿಂಡ್ರಿ . ⁸ . ಧರ್ಮಶಾಶ್ತ್ರಮೂ ಮಂಚಿದಾನಿ ಬಲ್ಲಮು ಆಯ್ತೆ ದಾನ್ನಿ ದಾನುದ್ದೇಶುಮುಕಿ ತಪ್ಮಾಯಿ ಉಪಯೋಗಿಯಾಲು . ⁹ ಅಂಟೆ ಆದಿ ಅಧರ್ಮಿಲೋ ಅವಿದೇಯಲೋ ಭಕ್ತಿಹಿನುಲು ಪಾಪಿಷ್ಟಲು ದೇವುಡು ಭಕ್ತಿಲೆನೋಳು ಪ್ರಾಪಂಚಿಕಲು ತಂಡ್ರಿ ತಲ್ಲಿಲ್ ನಿ ಕೊಂಟುಳು ನರಹತ್ಯಂ ಸೋಸಳು ಜಾರಲು ಪುರುಷಗಾಮಿಲು ನರಮು ಜೋರಲು ಸುಳ್ಳು ಸೊಪ್ಪೋಡು ಅಭದ್ದಮು ಪ್ರಮದುಲು ಸ್ವಸ್ತು ಬೋದನಿಕಿ ಪ್ರತಿಕುಲ್ ಲ್ಮಾಯಿ ಬೇರೆಯವರುಂಡೆ ದಾನ್ನಿ ಸೇಸಳು . ¹⁰ ಇಂಕ ಅನೀತಿವಂತ್ಲು ಕಾಯಿ ಸೇಮಕಂ ಆಯಿಂದಿ ಅನಿ ತಿಳಿಸಿ ಉಪಯೋಗಯಿಲಾ . ¹¹ ಈ ಬೋದೆ ಭಾಗ್ಯವಂತುಡಯಿನ ದೇವುಡು ಮಯಿಮೆನಿ ಪ್ರದರ್ಶಿಯಿಂಚ್ಚೆ ಸುವಾರ್ತೆಕಿ ಅನುಸಾರಮಾಯಿಂದಿ. ¹² ಈ ಸುವರ್ತುಲು ಸೇವೆನಾಕಿ ಇಚ್ಚಿಂದಿ ನಾಕಿ ಬಲಂ ನಿ ದಯಾಪಲಿಂಚ್ಚಿನೋಡು ಮಾ ಕರ್ತುಡೈನ ಯೇಸು ಕ್ರಿಸ್ತುಡ ಮೊದ್ಲು ದುಷುಕುಡು ¹³ ಹಿಂಸುಕುಡು ಬಲತ್ಕಾರುಡು ಆಯಿನಾ ನನ್ನಿ ವಾಳು ನಂಬಿಗಸ್ತುಡನಿ ಎನಿಬಿಚ್ಚಿವಾಡ ಸೇವೆಕಿ ನೇಮಿಂಚಿಕಾಯಿ ನಾನು ವಾಡ್ಕಿ ಸ್ತೋತ್ರಂ ಸಲ್ಲಿಸ್ತಾನು ನಾನು ಅವಿಸ್ತಾಸಿಯಾಯಿ ತಿಲಿಕೂನ್ನ ಸೇಸಿದಾನಿಂಚ್ಚಿ ನಾಮಿಂದ ಕರುಣುಮು ಉಂಟಾಯೇ ¹⁴ ಮಾ ಕರ್ತುಡು ಕ್ರುಪುಮೂ ಅತ್ಯಧಿ ಕಮಾಯಿ ಉಂಟೆದಾನಿಕ ಕ್ರಿಸ್ತ ಯೇಸುಲ ಉಂದಿನ ನಂಬುಕುಮು ಪ್ರೀತಿನಾಲ ಉಂಟಾಯಾ ¹⁵ ಕ್ರಿಸ್ತು ಯೇಸು ಪಾಪಿಲ್ನಿ ರಕ್ಷಿಸಿದಾನಿಕಾಯಿ ಈ ಲೋಕಂಕಿ ವಚ್ಚಿ ಅನೆ ವಾಕ್ಯಮು ನಂಬೆತಕ್ಕದಾಯಿಂದಿ ಸರ್ವಾಂಗ ಕಾರ್ಯಾಕಿ ಯೋಗ್ಯಮಯಿಂದಿ ಆ ಪಾಪಿಲ್ಲ ನಾನೇ ಮುಖ್ಯುಡು ¹⁶ ಆಯ್ತೆ ಇಂಕುಮುಂದ್ರ ವಿದ್ಯಜೀವಮುಂಕಾಯಿ ಯೇಸುವಿಂದ ನಂಬುಕುಮು ಪೆಟ್ಟೋಲ್ಕಿ ವಾಡು ದಿರ್ಘಶಾಂತಮು ದುಷ್ತಂತಾಮು ಉಂಟಾಲಾನಿ ಕ್ರಿಸ್ತು ಯೇಸುಡು ಮುಖ್ಯ ಪಾಪಿ ಆಯಿನಾ ನನ್ನಿ ಕರುನೆಂಚ್ಚಿ ನಾಲ ನನ್ನ ಪೂರ್ಣಮು ದಿರ್ಘಶಾಂತಿಮ್ನಿ ಸೂಬಿಚ್ಚಿ ¹⁷ ಸರ್ವಯುಗಲಾ ಅರಸುಡು ನಿರ್ಲಯಡು ಅದೃಷ್ಯುಡು ಆಯಿನಾ ಒಕ್ಕಡೆ ದೇವುಡುಕಿ ಯುಗಯುಗಾಂರ್ತುಮ್ಲು ಮನಪ್ರಭಾವುನು ಉನ್ನಿ ಆಮೆನ್ ¹⁸ ಕೊಡುಕೈನಾ ತಿಮೊಥಿಯುಡಾ ನೀ ವಿಷಾಯಮ್ಲ ಮುಂಚುಮು ಉಂಟಾಯಿನ ಪ್ರವಾದುಲುನಿ ನಾನು ನೆನ್ಸ್ಕೊನಿ ನಿವ್ವ ಅವುಟುಂಚ ದೈರ್ಯಮು ಸಿಸ್ಕೊನಿ ಕ್ರೈಸ್ತಾಲು ದಿವ್ಯ ಯುದ್ದುಮ್ನಿ ನೆಡೆವಿಯಾಲಾನಿ ನೀಕಿ ಆಜ್ಞಾನೆ ಸೇಸ್ತಾನು ¹⁹ ನಂಬಿಕೆನಿ ಮಂಚಿ ಮನಸಾಕ್ಷಿ ಇಡುಕುನ್ನ ಪಡಕೋ ಕೇಲುವುಡು ಮನ್ಸ್ನ ಮಂಚಿ ಸಾಕ್ಷಿನಿ ತಳ್ಯಿಡ್ಸಿ ಕ್ರಿಸ್ತುಡು ನಂಬಿಕೆ ವಿಷಶೆಮ್ಲು ಹಡಗುಮ್ ಪೋಗ್ಲಿ ನಷ್ಟಮ್ ಪದೊಳಟಗ ಉಂಡಾಲು ²⁰ ಒಮ್ಮೆ ನಾಯಿನುಡು ಅಲೆಜ್ಸಾಂದರುಡು ಇಟ್ಟೋಳೆ ಉಳು ದೇವುಡು ದುಷಣನಿ ಸೋಗುದ್ದಾನಿ ನೆರ್ಸ್ಕೊನಾದ್ಗ ಉಡನಿ ಸೈನಾನ್ವುಡ್ಕಿ ಒಪ್ಪಿಸಿಸ್ತಿ