24
1
2
3
1. ಪಂಚ್ ದಾಡದೇರ ಪಚ್ಚ ಮೊಟ್ಟೊ ಯಜಕ್ ಅನಾನಿಯಾಸಭರ್ ಮೊ ತುಮ ಧೋದ್ಸೆಕೆನ ತೆತುರ್ಲ್ಯಾನಾಮೆರೋ ವಕೀಲೇನ ಬಲಾಲಾನ ಪೌಲ್ಳುಪರ ಸುಬಿಡಾರ್ನ್ ಧಾವೋ ಘೆಲೆ
2. ಪೌಳುನ ಬಲಾಏಜೆರ ಪಚ್ಚ ತೆತುರ್ಲ್ಯಾ ಓರ ಉಪರ ಧಾವ ಘಲೇನ ಸುರುಕರಂ ಹನೂ ಕೋ ಶ್ರೀಮಾನ್ ಘನಮೆರೋ ಫೆಲಿಕ್ಸ್ ತಾರ್ವಡಿತಿ ಹಮೆನ ಘನೋ ಸಮಾಧಾನ ಪಾರೆಚ ತಾರ್ ಸಂಜಾವಾಣಿತಿ ಈ ದೆಶೆರ ಜೇನ್ನ ಸೆ ಧರಾತಿ
3. ಸೆ ಜಾಗೆಪರ ಅಚೋ ಭಲಾಯಿನ ವೆರೋಜೆತಿ ಹಂ ಈ ಕಾಮೆಮನ ಪುರೋ ದಲ್ಮೆತಿ ಮಾನಾಚಾ
4
5
6
4. ಪನ್ ಟುನ ಘನೋರಾಜ ಕರಾಏನ ದಲ್ಮ ಹಂ ಕಜೆವಾಟೆನ ದಯಾಕರಣ್ ಸಾಮಲನು ಕಣ್ ಪೋಚಾಚಾ
5.ಈ ಮನಕ್ಯಾ ಮಾತೋ ದುಕಾದೇವಾಲೋನ ಧಾರತಿಪರ ಯೂದು ಲ ವಸ್ರೆಜಕೋ ಹಯರ್ಕ್ ಜಾಗೆಪರ ಉನೆಮಾ ಗಡ್ ಬದ್ ಕರೆವಾಲೋನ ನಜರೆತೆರ ಮತಮೆರ ನಾಯಕೆರ ನಯೇ ನಯೇ ಡಕಾಯೋ
6. ವಾಜ್ಜಿ ಈ ದೇವಲೇನ ಭುರೋಕರೆನ ಕೋಸಿಸ ಕಿದೋ ಜೆತಿ ಏನ ಹಂ ಪಕದೆ.
7
8
9
7. ಜನಾ ಪೌಜೆರ ಸದರ್ ಲೂಸಿಯಾ ಎನ್ ಜೋಬರ್ರಿತಿ ವಿನ ಹಮಾರ್ ಹಾತ್ತಿ ಚಿಡಾಲೇನ ಎಪಾರ್ ಧಾವೋ ಘಲೆವಾಲ್ ತಾರ್ ದಾಂಯಿ ಆಯೆನ ಅಜ್ನ್ಯಾದಿನೋಚ
8. ಏನ ತು ನೆವ ಕರ್ಸ್ತೋ ಹಂ ಇಪಿಎರ ಘಾಲಮ ಲೇಕೋ ಈ ದೋಶ್ ಸೆ ಸಾಸ್ಕ ಲಬ್ಬರ ಕ ಇತಿಜ ಮಾಲಂಕರಲೆವಾಸ್ ಕಣ್ ಕೆ
9. ಜನಾ ಯೂದುಲ ಈ ಖಬರ್ ಸಾಸಿಜ ಕಣ್ ಕೆನ ಓ ಉ ದೋಶ್ ಪದಾವಜೆಮ ಭಲಗೆ
10
11
12
13
10. ಸುಭೆದಾರ ಪೌಲುನ ತು ವಾಟೆಕರೆವಾಸ್ ಕಣ್ ಸ್ಯೆಗಿದೋಜನಾ ಉ ಹೋತತೋ ಕೋಕೋ ತು ಘಂ ವರಸೆತಿ ಈ ದೆಶೆರ ಜೇನ್ನ ನೆ ವೆರ ನಾಯಕ್ವೆನ ಚಿ ಕಣ್ ಮಾಲಂಕರೆನ್ ಮ ಹಿಮಂತೆತಿ ಹೋತೋ ವಾದಿಕರುಚು
11. ಮದೇವೆ ರ ಅರಾಧಾನಾ ಕರೆವಾಸ್ ಏರುಸೇಲ್ಮೇನ ಜಾನ್ ಬಾರೆ ದಾದ್ ಅತ್ರಜ ವೆಮ್ಮಿಚ ಕಣ್ ತು ಮಾಲಂಕಾರ್ಮೆವಾಸ
12.ವತ್ತಾ ದೆವಳೇಮ ರೆದ ಸಸಾಬೆತ ವಾದಿಕಿದೋ ದೇವಲೇಮ ರೆದಷೆ ರೆಮಾರೆದ ಮಕೆರೀ ಸೊಬ್ಯಾಟ್ ವಾದಿಕಿದೋ ಜೆನ ಕೋನಿ ಜೇನ್ರ ಮಲಾವ್ ಭಲೋಚುಕಣ್ ಎದಿತೆಕೋನಿ .
13.ವಜ್ಜಿ ಎ ಅಬ್ಬಾ ಮಾರ್ ಉಪರ ಪದಾ ರೆಕೋ ದೋಶೇನ ಸಾಸ್ ಕೆನ ತೂನ ಡಕಾಲೇರ ವೇಣಿ
14
15
16
14. ಎಕ್ಕೆನ್ ಅತ್ರಾಜ್ ತಾರ್ ಮುಮ್ದಾಗ್ ಮಾನುಚು ಉ ಕಾಮ್ಯಿಕತೋ ಎ ನವ್ವೋ ಮಾತಂಕಜಕೋ ವಾಟೆರ್ವಡಿತಿ ಮಹಮಾರ ವಾದ್ ಬುದೇರ ದೇವೇನ ಧೋವಾಲೋಚು ಧರ್ಮಶಾಸ್ತವಾಡಿತಿ ಎನ್ ಭಕ್ತಿ ಡಾರು ಗರಂಧೆಮ ಲಕ್ಮಲೇಜಕೋ ಕೋ ಸೆ ಖಬರೇನ ಮಾನುಚು.
15. ವಜ್ಜಿ ನಿಯತೆಡಾರೆನನ ಬಾನಾ ನಿತೆಡಾರೆನ ಜಿವ್ಯಾಏರೂ ವಜ್ಜ ಕೆನ್ ಎ ದೇವೇಮಾ ಭರೋಸಮಲ್ಲಮ ಲೇಜೆರ ನಯೇ ಮ ಸದಾ ಭರೋಸಾ ಮಲ್ಲಲೋಚು
16. ಎರ್ವಡಿತಿ ದೇವೇರ ಬಾರೆಮಾನ ಮನಕ್ಯಾರ ಬಾರೆಮ ಮ ಮನಾದೋಶಿ ಕಣ್ ಗವಾಯಿ ಕೆರ ದಲ್ಮ ಮನಹಮೆಷಾ ರೇನುಕಣ್ ಹೇವಾ ಕ್ರೆರೋಚು
17
18
19
17. ಧೋದ್ಸೆಕ ವರಸೆರ ಪಚ್ಚ ಮ ಮಾರ್ ಖಾಸ್ ದೆಶೆವಾಲುನ ಧರ್ಮೆರ ಪಿಸಾನ ಲಾಏನನ ಕಣಿಕ್ಯಾನ ಹವಾಲ್ ಕರೆನ ಆಯೋ
18.ಮ ಶುದ್ದ ಕರೆವಾಲೋವೆನ ಓನ ಹವಾಲ್ ಕರೋಜನಾ ಮಣ್ಣ ದೆವಳೇಮ ದಿತೆ ಮಾರ್ ದಾಮ್ಯಿ ಜನ್ನೇರ ಮಾಲಾವ ವೆತ್ತಿಕೋನಿ ಗದಬ್ಯಾಡ್ ವೆತಿ ಕೋ ನಿ
19.ಮನ ದಿತೋಜಕೋ ಏಷ್ಯಾ ಮಲ್ಕೆತಿ ಆಯೆಜಕೋ ಧೋದ್ಸೆಕ್ ಯೂದುಲೆ ರ ; ಮಾರ್ ಉಪರ ಉನೆನ ಕಾಮ್ಯಿ ಟುಯಿ ರತ್ತೋ ಓಜ ತಾರ್ ಮುಮ್ದಾಗ್ ದೋಷ ದಾಲೆನ ಎತ್ತ ಆಯೆರವೆತ್ತಿ
20
21
20. ಛೆನಿಜೆರ ವಾಸ್ ಮಮೊಟ್ ಸಭಾರ್ ಅಂಗ್ ಹುಬೊಜನ ಮಾರೆಮ ಸೊಮ್ಮೊರ್ ಛೆನಿಜೆನ ದಿತೆವಾತೋ ಏಜ್ ಕೆದ
21.ಮ ಎನೆರ್ ವಚಚ್ ಹುಬ್ರನ್ ಜಿವ್ಯಾಏರ ಬಾರೇಮ ಈ ವಗತ್ ತ್ಮಾತಿ ಮನ ನೆವ್ ವೆರಿಚ ಕಣ್ ಕಲ್ವರಿ ಮಾರೋ ಜೆರ ಸವಾ ದುಸರೋ ಕಾಮ್ಯಿ ಕೆಸಕೆನಿ ಕಣ್ ಕೋ
22
23
22. ಫೆಲಿಕ್ಸ್ ಕ್ರಿಸ್ತುರ ವಾಟೆ ನ ಧೋದ್ಸೆಕ ಮಾಲಂಚಕೋ ರಾತೋಯಿ ಉನೆನ ಸಿಪಾಯಿರ ಸರ್ದಾರ್ ಲೂಸ್ಯಾ ಅವಜೆರಪಚಚ್ ತ್ಮಾರ್ ಖಬರೇಮಾ ನೆವ ಕರುಚು ಕಣ್ ಕೆನ್ ವಿಚಾರ ಕರೆರ ಧಾಮ್ಮಿನೋ.
23. ಜನಾ ಉ ಸಿಪಾಯಿರ ಸದರೆನ ಪೌಲ ಕಾವಲಿಮ ರೇಣು ಪಾನ್ ಉ ಚುತನ್ ರೆದ ಓನ ದೇಕೆನ ಆಯೇವಲೂನ ಓರ ಖಾಸ್ ಜನೇಮ ಕೇನಿ ಆಡೋ ಕರಣುಕೋನಿ ಕಣ್ ಅಜ್ನ್ಯಾದಿನೋ
24
25
24. ಧೋದ್ಸೆಕ ದಾದೆರ್ರ್ ಪಕಾಹ್ಚ ಪೆಲಿಕ್ಸಯೂದುಲೇವಾಲ್ ದ್ರುಸಿಲಮ ನಾಮೇರ ಖಾಸ್ ಫರೆವಾಲೀರ ಸಾತ್ ಅನಾ ಪೌಲೂನ
ಬಲಾಮಮ್ಗಾನ್ ಕ್ರಿಸ್ತು ಯೇಸುಮ ವಿಷವಾಸ್ ಮೇ ಲೇರ್ವಡಿ ಉ ಕೋಜಕೋ ಕೋ ವಾತೆನ ಸಾಮಲೆ
25. ಪೌಲು ಅಚ ನಿಯತ್ ದಯಾ ಮುಂಡಾಗ್ ಆಯೆರ ನೇವೇರ ವಿಚಾರ ಉನೆರ ಖಬಾರೆಮಾ ವಾಟೆಕರೋಜನಾ ಫೆಲಿಕ್ಸ ಘನೋ ಚಮ್ಮ್ಕನ ಓನ ಸದ್ಯಾ ತು ಜೋ ವಗತ್ ಮಲಜನಾ ಪೆಲಿಕ್ಸೆ ಘನೋ ಚಮ್ಮ್ಕನ್ ಓನ ಸದ್ಯಾ ತು ಜೋ ವಗತ್ ಮಳಜನಾ ಟುನ ಫರನ ಬಾಲಾವುಂಚು ಕಣ್ ಕೋ
26
27
26. ವಜ್ಜಿ ಓನ ಪೌಲುತಿ ಪಿಸಾ ಮಳಿಏಕಣ್ ಭರೋಸ ಓನ ವೆತ್ತಿಜತಿ ಓನ ಘಡಿಘಡಿ ಬಲಾನ ಓರ ಸ್ಬಶ್ ವಾಟೆಕಟಾರ್ ರ
27. ದಿ ವಾರ್ಸ್ ಫರಾಯೋ ಜೆರ ಪಚಚ್ ಫೆಲಿಕ್ಸೆಕ್ರ ಜಾಗೆನ ಪೋಕಿರ್ಯಾ ಪೆಸ್ತ ಆಯೋ ಫೆಲಿಕ್ ಯೂದುಲೇರ ಪ್ರಿಮೇನ ಕಾಮಾಲೆನುಕಣ್ ಅಸಾತಿ ಪೌಳುನ ಹನುಜ ಖ್ಯೆದೇಮ ಚೋದಂ ಗೋ