8 ^{1 2 3} 1.ಮೂರತೆವೂನ್ ಛದಾಯೆಜ ಕೋ ಖಾನೆರ್ ಚಿಜೇರ್ವಡಿ ಅಬ್ಬದೇಕಾ ಅಪ್ಪೆನ್ ಸೇನ್ ಗೇನ್ ಚಳಕಾಚ, ಗೇನ್ ಫೂ ಲಾವಚ. ಪ್ರೇಮ್ ಭಕ್ತಿ ನ್ ಬಡಾವಚ. 2.ಎಕ್ ಓನ್ ಅಸ್ಸಸೇನ್ ಮಾಲಂಕನ್ ಕೆಲತೋ ಉ ಮಾಲಂ ಕರ್ಲಜು ಉಜ್ಜಿ ಕಾಂಯಿ ಮಾಲಂ ಕದ್ಲಿದೋ ಕೋನಿ . 3.ಪಣ್ ಎಕ್ ಆದ್ಮಿ ದೆವೆನ್ ಪ್ರೇಂ ಕತೋ ಉ ಅದನ್ನ್ ದೇವೆ ಮಾಲಂ ಕರಚ. ^{4 5 6} 4.ಮೂರತೆವೂನ್ ಭೋಕನ್ ಚಡಾವಜೇನ್ ಖಾರೇರ್ ಕಾಣ್ ಕಜಕೋ ಕಾಂಯಿಕತೋ ಜಗೇಮಾ ಮೂರತೇವುಟಾಲ್ ಜನನ್ ದೇವ ಏಕಜ್ ತಮೆನ್ ಉಜೇಕ್ ದೇವ್ ಚೆನಿ ಕನ್ ಅಪನ್ ವಲಕಾಚಾ. 5.ದೇವ್ಕನ್ ಕೇರಾಯೇವಾಲನ್ ಪ್ರಭೂಕನ್ ಕೇರಾಯವಾಲನ್ ಘಣ್ ಛ. 6.ಅಸ್ಮಾನೆಮಾನ್ ಧಾತ್ರಿಪಾರ್ ದೇವ ಕನ್ ಕೇರಾಯೇ ವಾಳ್ ಛತೋ ಯಿ ಅಪನೇನ್ ಏಕೋಜ್ ದೇವ ಛ, ಉಜ್ಜಿ ಅಪನೆನ್ ಪ್ರಭೂ ಏಕಾಜ್ ಉ ಬಾಪ್ ಕಜಕೋಜ್ ; ದೇವ್ ಛ, ಉಜ್ಜಿ ಅಪನೆನ್ ಪ್ರಭು ಏಕಜ್ ಉ ಬಾಪ್ ಕ ಜಕೋಜ್ ; ಉಸೋಲಿನಿ ಅಗಡಿಯಾರೋ ; ಅಪಣ್ ಏಕ್ಲೋಜ್ ಪ್ರಭು ಬಲ್ಲಮಲೇಚಾ, ⁷ 7. ಪಣ್ ಸೇಮಾ ಈ ಗೇನ್ ಛೆನಿ ತೋದಾಸೆಕ್ ಅಬ್ಬೆಲಗು ಮೂರತೇವುನ್ ಧೋದೇರೆಚ. ಜೇರ್ವಾಸ್ ಓ ಖಾವಜಕೋ ಖಾವಚ ಜೆರ್ ವಾಸ್ ಉನ್ನೇರ್ ಮಣ್ಣೇರ್ ಗವಾಯಿ ಕಮ್ ಜೋರೇರೇರ್ ವೇನ್ ದಾಗೆನ್ ಪಾಲಚ. ^{8 9 10} 8. ಪಣ್ ಖಾನೆರ್ ಕಾರಣ್ ಅಪನ್ ದೇವೇರ್ ಮುಮ್ದಾಗ್ ಜಾಯೆನವೇರ್ ಕಾನ್ ಅಪನೆನ ಜಾದಾಕಾಮ್ಯಿ ಕಮ್ ಛೆನಿ ಖಾಧೆಜೇರ್ ಕಾನ್ ಅಪನೆನ ಜಾದಾಕಾಮ್ಯಿ ಛೆನಿ . 9..ಹನೂವತ್ತೋ ತಮೆ ಛಜಕೋ ಈ ಸ್ವತ್ರ್ಮತ್ರಾರ್ ಕಾನ್ ಕಮ್ ಜೋರೇವಾಲೇನ್ ಅದಂ ನಾವಜು ದೇಕಳೋ. 10.ಕಸ್ಸೆಕ ತೋ ಗೇನೆವಾಳೋ ಮೂರತೇರ್ ದೇವಲೇಮಾ ಖೇರಾಕೀರ್ ಹಾರಿಮಾ ಬೇತೋ ಜನಾ ಏಕ್ ಕಮ್ ಜೇರ್ ಛಜಕೋ ಮಣ್ಣೇರ್ ಗವಾಯಿವಆಲೋ ದೇಕತೋ ಲೇಲೇಚ ಕೋನಿ ಕಾಂಯಿ? ^{11 12 13} 11. ಜೇರ್ ವಾಸ್ ಕೇರ್ ಸಾರು ಕ್ರಿಸ್ತು ಮರೋಗ್ ಕೋ ಉ ಕನ್ ನಾಸ್ ವೇಜಾವಛ. 12.ಹನೂಭಾಯೂರ್ ಅದಮ್ ಪಾಪ್ ಕರೆಜೇರ್ ವಾಸ್ ಉನೇರ್ ಕಮ್ ಜೋರೇರ್ ಮಣ್ಣೇರ್ ಗವಾಯಿ ದುಃಖಪಾವ ಜೇರ್ ವಾಸ್ ತಮ್ ಕ್ರಿಸ್ಥುರ ಆಡಮ್ ಪಾಪ್ ಕರೆವಾಳ್ ವೇಜರೇ ಚೊ. 13.ಜೇರ್ ವಾಸ್ ಮಾರ್ ಖಾನೋ ಮಾರ್ ಭಾಯಿ ನ್ ಆಡಮ್ ವತ್ತೋ ಮಾರ್ ಭಾಯಿ ನ್ ಆಡಮ್ ನವಜು ಮ ಕಣ್ಣಾಯಿಜ್ ಮಾಸ್ ಖಾವುನಿ.