¹ Hesu rehe jyvojava peteĩ cha ma hãndi mombohauemapo. ² Pytu japokava ryheva pyrỹ noheva porãmbagui mbotuichama opaite Hesu rehe jyrojavape, Harã japokavaporã mbava harã ñemano ipovi ³ Hara pente mbai Moises mbeuva katuã jajapo ñande kuikmbai ha reka taupe heko kang̃yrã, harã ñanderu japomba arykai tay Hesu Cristo rupi, mboy mba arykai kuimbai ho´o rãimi ko yvy ĩarẽ harã kyrã ñanderu katumba mombo porãmba Hesu ho´ope ajema ha´e japo porãmbava ⁴ iko verã hekopekavi ñandypy mba´e Moises mbeuva jurureva, ñande jaikoveama vẽrã ñandy ro´o(ñandypya) potavape harã pytu hekope jaiko veraĩ ⁵ Harãjyroja ijeva iko py´a potavaĩ, harã ikova pytu hekope heka mbyhory verã japovape ñanderupe ⁶ ñandy py´a potava rupi veru ñymano, harã ikova petu ipope kuerapo opaveama verã ikopo vy´ape(añeteape) verã ⁷ ñandy py a potava oñemoihe ñanderu, ñandy pyapotava ñyme ẽa ñanderu hynonde harã katuã(ikoijeheĩ) ⁸ harã ikova py´a potava rupi, katua mbyvya ñanderupe ⁹ Peranga pikoã pyndy py´a potava rupi, katua mbybya ñanderupe ¹⁰ tumpã ray oumba iko ñandypy arykai heramba ñandyrete mano opa porãmba hera pytu haikavi ikokatuve, Tumpã ray ñanymboikavira ¹¹ Ñanderu Tumpa pytu haikavi ñanymynguerajayva Tumparãray manombañandyra arykai mbyreivi katura hai myngurajype hai pyndyrete ta´ãveretaivi pytu kavi hese hai ikokatuve hai pyndypy ¹² hamerãnga shapishareta katuveama ñaĩ ñandypyapy potava porãmbavape. ¹³ Hoka ikokatuva pyape mbai pota porãmba ipope kaatupo manojykui pe pijukara pyndypyapy herã pyndyrekovairã ¹⁴ Opaite haire hejava hai Pytu haikaviva rejava hairetamba haire Ñanderuitr tay hai tajykuereta. ¹⁵ Mẽ´ẽhama´emperã peteĩ pytu haikaviveva pynymynguijeva pikoverã jokuerãnderã, me´ẽhape herã pytu haikaviveva piko verã Ñanderu Tumparay tajy hairã katu pererã: Nderanga cheruite ¹⁶ herã Pytu haikavivevambeukavi ñande pytuhaikavi ñande haiva Ñanderu Tumpa tay hai tajyrãrã. ¹⁷ Hãme ñande hai tumpa tayrã hai tajyretarã Ñanderu Tumpa me´ẽpo ko yvy kova ñande pevarã ñana´amporãrã, Tumpa ray ipopo ñai. Ñande jaikoporã ñairr. Tumpa ray heraperã hamerãmpo jaikove handikui Ñanderu tumpa haikavivape ¹⁸ Sheranga´amo haire ko hasa porãmba hai kovareta jahasañaiva, ha´eã hai mbaiva ñambivache hera hai ikova haikaviva hai ijyhechakaverãaaa ñande ñandy kovepe. ¹⁹ Opai Ñanderu Tumpa japovekua harõkavia´ẽ Ñanderu Tumpa tay hai ttajyreta heko heko kavi ijyheshakapo arãre ²⁰ Opava ÑAnderu Tumpa japova tũjavekua hasapove Haipo mbypy`avjy opaite Hai japovehuareta, (Apocalisis 21.1 ) Japova tujovekua ityha oñehundiverãmpe ha'ẽa hai potai Ñandẽru tũmpa mbijiche hague (Genesis 3,14 -19; 2 Pẽdro 3:10-13) ime'ẽjy hai katuva õpãpõ mbypy' ahuajỹ. ²¹ ñande ruitea japomva arykai pyrantava harã kuareta ikovarãimi ñymbai keikoivi hipityverã ñanderu tumpa ray haima tajyre oĩ handi pyranta'ẽ (ñypyherõ) haima ñanderuitea heko haikavi. ²² ñande ranga jaikua opaĩ ñanderuitea japo vekua ñypy ãhẽ'oĩ hãra hasa'asy pente taupe memby potava raĩmi. ²³ haeã hairetaĩvã, ñande ranga kyrãrã, ñande jarekovare ko pytu. meẽhava tynondeva raĩmi, ñandeteiva ranga ñaipy'ãnhe ñai ñaharõñairã ñande ruitea ray harã tajyrã hyrekorã, ñandy rete ñymondo jepeverã harã oho kaviverã. ²⁴ kova ñyharõvã rupi Hesu Kristo ñanymondoka jepeva, haima nyharõva kova haeranga heshava ñyharõva. Mvavara harõ terioĩ. Hypityverã mbaipotava hai. ²⁵ ko ñaharõ ñaivã ñande pente mbai heshamvava, heise kova ñaharõ ñai kirĩrĩ ryheve. ²⁶ harã pytu ñanymykyre'ỹ harã ñandy repy ñambijije verã ñandypya kangyva harã ñandyrepy ñaimbo'everã hekope kavi Ñande Ruiteape, haipotava rãimi haikavi shuvẽrãpe hameranga haipytu haikaviva jure ñandyrehe hei kavimva reheve. ²⁷ Ñande Ruitea heshakavi ñandy py'a pype harã hai kaukavimvaivara pytu hipitykase ñandypype. harã pytu haĩ kuakavi mbai vara mvyvy'a Ñande Ruiteape. ²⁸ joikuaa kavi jehushuva Ñande Ruitea raype haivi tajyreta hykovere hepy havipo shureta ñymvyhai kaiminte oho verã, harã hai henomva arykãi vãi tayrã hareka tajyrãverã. ²⁹ Ñande Ruitea haipotamva hai kuavape, ova vẽra tay Hesukristo ha'angã (heko kavipe), Hesukristo ranga iko tapisha penteva rãimi hapishare mbytepe. ³⁰ Hairã hai hekama pyvape, ma hai henove kuape, harã ikovaraimi johevape, hairã hai ikova raimi johevape; harã hai heko mvihimvi pevape. ³¹ marãrapo ja'e kyrã kovare kova mba'e kovape Ñande Ruite oĩ ñanendiverã mvavarapo katu oñemoĩ ñandyrehe. ³² Ñande Ruitea haihuamva arykai taỹiteape memvashu reta harã opaitea ñandepe, maraĩ rapo meẽa oĩ handia opaitea haire ñaiko tenvẽva. ³³ mvavarapo katu oñemoivaihe Ñande Ruitea ñonovekua retape, shara haiteimva heko johe shireta ³⁴ mvarapo katu juka shureta. Hesukristora, haiteiranga mvamano haire henda kuepe, harã hai puã jymva hai, harã hai vapy'ẽ Ñanderu Tumpa jijere, harã hai jurureẽ ñandyrehe. ³⁵ mvarapo harã mvaivarapo kyrã katu ñandypea Hesukristo jyhaihuvi: jyhasa asy, haima kyjekue, haima ñenupakuevi, haima ñymbahyivi, haima nanivi, haima nymoãvi, haima nymanovi. ³⁶ muyparaha rãimi Ñande Ruitea jykuatia heivape: ndyrehe ranga jukahamua arykoi opa arapeverã; harã yrapoha avisha rãimi yryrahaha irijuka vẽrãpe. (Salmos 44:22) ³⁷ opa kova mvaivai ñande jajepyhe Hesukristo ivi ñandyraihyrã. ³⁸ she ranga aikua kavi mvaetyite katu ñandype ava Hesukristo jyhaihuvi, hame ñymanoivi hame tykove, haima jokuehavape haima añaretape, haivi yvy iãrẽ õva harã ouverã ryhevare, haivi aña jokuevare, ³⁹ haẽã vateõva harã yvykuape õvã, haima haire pyranta katuã heky Ñande Ruitea jyhaihuvi, ijyhesha kamava ñandeja Hesukristo ivin.