1 She Juan ahesha mb'e hesha ha verã (señal) tivishava arace: 7 ou vateivi jokueava, rahava 7 ñunũpã apahea haima opa ikokovarã; opa jyve Ñanderu Tumpa poshy. 2 Haira ahesha pẽnte yvasu ĩta verava rãimĩvã jihiava tata rỹheve hairã hymbeype ñymbo' y õvã hai mymba jepyhe vekua, hareka hykovere harã mymbare papaha 666 re harã ipopere opa imere reta Ñanderu Tumpa arpareta. 3 Haira haireta pyrahe Ñanderu Tumpape jokuava Moises jypyrahe hareka Avisharay pyrahepe heireta mbivasheambava, haikaviva rijapovekua nde hai sheru, nde hai mbivasheambava, nde ndyrapereta ãñete haira haikavi, de hai opa tentareta rĩngareko hea. 4 Mbarapo kijeã ndyhevi, ñymby vetea po nde hai heko kavi'i haira opaite tẽntare oupo nymbyuete verã heshauerã nde rĩpirimbivache hekope kavi. 5 Kouaivima she Juan, ãma'ẽ haira ahesha jypea Ñanderu Tumpa hoouasu hairãnga hai jaijeshajy verãpe vate. 6 Hairã õhẽ 7 araivi jokueva Ñanderu Tumpa hentaivi ñymandeva kamisa jiruva hẽndyvape haima pitiarereua hẽndyua hareka pory pẽnte kua jokuakaitaueca mashiava, haire ĩmere 7 ñunũpa kañymahea. 7 Hairã pẽnte hoka ũrundy te'ãkue mbuteiui me'ẽhãshu 7 araivi jokueava 7 ya itavera mashiava tynyhẽvã Ñanderu Tumpa poshykue hairãnga ko ĩmeiteri ĩare ara ñymbaty vasu vera haira hareka ara ñymbaty vasu verape varãi. 8 Haira Ñanderu Tumpa hentavãsũ opatynyhe Ñanderu Tumpa himbipekue tatãtĩ hareka Ĩmbaretekue mba'ety ishe verã ndei opa iko Tumpa hoo vasupe ikopeve 7 ñunũpa veruva ĩpope, 7 Tumpa jokueva.