¹ Jute, motlhanka wa Modimo, morwa rraagwe Jakoba, go botlhe ba ba biditsweng, baratiwa mo go Modimo rara, ba ba boloketsweng Jeso, ² A boutlwelobotlhoko, kagiso le lerato di okediwe mo go lona. ³ Bakaulengwe, le fa ke ntse ke dira maiteko a go le kwalela ka poloko ya rona,ke ne ka tshwanelwa ke go le kwalela ke le gwetlha go lwa ka thata le lwela tumelo e e roletsweng badumedi botlhe ka gangwe. ⁴ Ka gore batho bangwe ba ngwangwaeletse mo go lona. Bao ke batho ba ba kgethetsweng katlholo. Ke batho ba ba senang bomodimo ba ba fetolelang tshegofatso mo makgaphileng a senama., ba ba itatolang monngarona le Morena wa rona Jeso Keresete. ⁵ Jaanong ke eletsa go le gakolola, le fa le kile la bo le itse thata gore Modimo o golotse batho go tswa kwa lefatsheng la Egepeto, mme erile morago a neyeletsa ba ba neng ba sa dumele. ⁶ Le baengele ba ba neng ba sa kgone go thsegetsa maemo a bone a taolo,ba ba tlogetseng manno a bone aa tshwanetseng, Modimo o ba beile mo dikeetane ka bosakhutleng, mo lefifing, ba emetse letsatsi le legolo la katlholo. ⁷ Go tshwana le Sotoma le Gomora le ditoropo tse di dikologileng, ba ba ineetse mo go tsa tlhakanelo dikobo, ba ngoka dikeletso tse e seng tsa tlholego. Ke dikai tsa ba ba tlileng go boga kotlhao ya molelo o o sa feleng. ⁸ Ka tsela ee tshwanang le ye, ba ba lorang ba, ba leswefatsa mmele ya bone.Ba gana taolo, ba bua dilo te di maswe kgatlhanong le ba ba galalelang. ⁹ Le ene moegele yo mogolo Mikele, o ne a ganetsana le Saatane ba gotlhagotlhana ka ga mmele wa ga Moshe, ga a ise a leke go tlisa katlholo e e bosula kgatlhanong le ene. Mme one a re," A Modimo a go kgalemele!". ¹⁰ Mme batho ba bua maaka mo go sengwe le sengwe se ba sa se tlhaloganyeng. Mme se ba sa se tlhaloganyang-se le diphologolo tse di senang tlhaloganyo di se itseng-ke tsone tse di ba bolaileng. ¹¹ Ba latlhegile! Gonne ba tsamaya mo tseleng ya ga Kaene, mme ba tsene mo phosong ya ga Balaame ya poelo. Ba nyeletse mo botlhoka tsebeng jwa ga Kora. ¹² Ba ke bone dikgopi tse di fitlhigileng mo moletlong wa lerato. Ba ja ba sena ditlhong, ba a ja ba itebile ba le nosi. Ke maru a a senang metsi, ba itseelwa ke diphefo, Ke ditlhare tsa letlhafula tse di sa ungweng-di sule gabedi,di kumutswe ka medi. ¹³ Ke makhubu a tshubutlang mo lewatleng, ba phukisiwa ke ditlhong tsa bone. Ke dinaledi tse di kgarakgatshegang, ba ba beetswe lefifi le lentsho ka bosakhutleng. ¹⁴ Enoko, wa bosupa go tswa mo go Atamo, o porofitile ka bone a re, "Bona! Morena o tla ka ba ba boitshepo ba le diketekete, O tlile go diragatsa katlholo mo go mongwe le mongwe. ¹⁵ O tlile go atlhola botlhe ba ba senang bomodimo mo ditirong tsotlhe tse ba di dirileng ka tsela ee maswe, le mafoko otlhe a a maswe a baleofi ba a buileng kgatlhano le ene." ¹⁶ Ba ke basebi, bangongoregi, ba ba setseng dikeletso tsa bone tse di bosula morago. Ke baikgantshi, ba ba maikgantsho, ba boka ba bangwe gore ba ba thukuthe. ¹⁷ Mme lona, bakaulengwe, gakologelwang mafoko aa builweng ke baaposetoloi bogologolo ka ga Morena Jeso. ¹⁸ Ba le reile ba re, "Mo nakong ya bofelo basutli ba tlaa sala morago dikeletso tsa bone tse di senang bomodimo". ¹⁹ Batho ba, ba a kgaoganya.Ba selefatshe, ebile ga ba na Mowa wa Modimo. ²⁰ Mme lona, Baratwa, agang tumelo ya lona ka thata, mme le rapele ka Moya oo boitshepo. ²¹ Nnang mo leratong la Modimo, mme le emele mautlwelobotlhoko a Morena wa rona Jeso Keresete yo o tlisang botshelo jo bo sa feleng. ²² Nnang boutlwelbotlhoko mo go ba ba belaelang. ²³ Bolokang ba bangwe ka go ba ogola mo moelong. Le nne boutlwelobotlhoko ka poifo mo go ba bangwe. Le ile seaparo se se leswafaditsweng ka nama. ²⁴ Jaanong go ene yo o kgonang go le tshegetsa le sa kgopiwe, a le dira gore le eme mo kgalalelong ya gagwe,le sena molato le ka boitumelo jo bogolo ²⁵ ko go Modimo mmoloki wa rona ka Jeso Keresete Morena wa rona,a go nne kgalalelo, taolo le nonofo pele ka nako tsotlhe le ka bosakhutleng. Amen.