¹ Tusiye bonshe bena mwi jokwe yo bwika bahinde barena babo baswanera e kute. Barukere kutenda ezi kutaye ezina lya Nyambe mi e ntuto zasha shwahurwa. ² A beka abo bakwesi marena ka barukere kusha ba kuteka kakuli mba kwabo. Kono, barukere kuba tendera zonshe ko bungi. Mi a marena abo batusiwa ku mitendo yabo mbashi ntumero mi bashakiwa. Mu zyiize mi muambe kezi zintu. ³ Mi heba omuntu a zyiiza kokusha yenderera mi ka zumini kusepahara kwe ntaero zetu. nga, mazywi a Nfumwetu Jesu Kiresite. Heba kaba zumini e ntuto ziyenderera ne nyambe. ⁴ Ozyo muntu ali kuumusa mi kwazya echo azyi. Kono, a tukufarerwe e zintu zazya entuso nenkani za mazywi. Aya mazywi areta o muna, kusha shuwana, kuamba zibbi kuba munya, no ku azyalira bamwi zintu zibbi. ⁵ mpaho hazwa enfapano mukati kabantu bena engazyaro zo bubbi. Bazwa muniti. Ba azyara kutaye okuswana ne nyambe nji njira yokuba no bufumu. ⁶ Mi hanu okuzyiba nokuli korwisa za Nyambe ziwanantu zinene. ⁷ Kwazya echo nitwa reta mufasi. Kapa echo tuwora kuzwisa. ⁸ Kono, turukuruhe ke chilyo ne chizwato echo tukwesi. ⁹ Mi abo bashaka obufumu ba wira mu muliko, no mu kaswa. Bawira no mwi ntakazo zingi kazi shuwahali nezo zi sinya, ni mwezo zi dibisa no kusinya noku gxinda gxinda. ¹⁰ Ke rato lya masheleni nje misi yo bubbi bonshe. A bantu bamwi ba rakaza eli rato niba twarwa kungi kuzwiswa kwi ntumero mi nibali shompa nama zeyazeya. ¹¹ kono enwe, bantu ba Nyambe, muzwe kwezi zintu. Mususueze o kuruka, burotu, kusepahara, eshako, kuligoresa , no buomba. ¹² Murwe endwa endotu ye ntumero. Mu kwatise buharo kabumani obo nimwa kuirwa. Kaili kutaye muhe obupaki habuso bwa bantu bangi ku zirotu. ¹³ Ndi miha eyi ntaero habuso bwa Nyambe, ndeye nareta zintu zonshe zi hare, mi ni habuso bwa Kiresite Jesu, ozyo naamba ze niti kwa Pontiyasi Pilato: ¹⁴ mamere e ntaero, ni wazya e nfoso necho ndi nyazhara, mbita shaka na bonahare Nfumwetu Jesu Kiresite. ¹⁵ Nyambe nara mu bonahaza ke nako ibotere-Nyambe, ozyo a Fuyawirwe ena e ngxamu, o murena ozyo ali busa, o Nfumu ozyo abusa. ¹⁶ Ndeye akwesi e ngxamu zokuhara kakumani. ozyo azyakite mu mumuni kaushuninwa, kapa abo bawora kumu bona, Kwakwe kube ekute namanta kaamani. Amen. ¹⁷ Sumwine banfumu bamufasi basha likumusi, no kusha sepa mubufumu, obo bu mana. Kono, ba sepe kwa Nyambe. atuha tuli kore e niti mubufumu. ¹⁸ O ba sukurwire batende zirotu, no kufuma mu zitendo zirotu, batuse, noku liabera. ¹⁹ Mi mweyo enjira, bara wana chirotu echo chikezya noku chi libikira abo beni. kutaye bawane obuharo sakata. ²⁰ Timoteya, o babarere echo nicha hewa kwako. Washa teezi kuziambo zazya entuso ne nkani zo busawana ezo bahinda ye nji nzunu. ²¹ Bamwi baamba kezi kucicaba mi niba zyawa entumero. E chishemo chibe nenwe.