¹ Paulusi, mu apositola wa Kiresite Jesu ko murao wa Nyambe o Muhazi wetu ne Kiresite Jesu e nsepo yetu, ² kwa Timoteya, o mwana we niti mwi ntumero: Chishemo, enshe, ne nkozo kuzwa kwa Nyambe Shwetu ne Kiresite Jesu Nfumwetu. ³ Ninda ku kumbira oku tenda aho ndiya kwa Masedoniya, kusiara mwa Efese kutaye o raere bantu kusha zyiiza ntuto zingi. ⁴ Mi kamu rukeli ku teeza ku makande niza masika abeshi ubeshwetu ka amani. Mi ezi zireta okusha zuminzana kwanda yoku tusa mu murero wa Nyambe, ili ye ntumero. ⁵ Hanu omurelo omurao nji rato li zwa ku mozyo uchena, kuzwa ku muhupuro murotu, mi no kwi ntumero yo buikokobezo. ⁶ Bamwi bantu ni ba ruba echi supo niba zoka okuzwa mwezi zintu no kuya mu ziyambo zo busiru. ⁷ Bashaka kuba bazyiizi bo murao, kono kaba shuwisisi ezo bata kapa oku sininika kazo. ⁸ Kono tuzyi kutaye o murao murotu heba tuwu sebelisa komurao. ⁹ Mi tuzyi zi, kutaye o murao kali niwa tenderwa omuntu a rukite, kono ngo zywina kazyi omurao nabena bantu bakana, nabo bakana za mulimu na batendi be zibbi, nabena ba nyansa no kusha chena. ¹⁰ Niwa tenderwa bena bayaya banyinabo ni beshwabo, ngwa ziyazi, nabo babuka, nabo batenda bubuki mukwame ko mukwame, nabena bahinda bantu kuba wulisa ko a beka, ba basawana, ne mpaki zo busawana, mi nika zonshe zi rwisa entaero ina nenja. ¹¹ Eyi ntaero iya ko burumiwa bwe ntubo ya Nyambe we nfuyauzi obo ninda hewa. ¹² Ndi litumera kwa Kiresite Jesu Nfumwetu. Nandi goresa, nandi bona kusepahara, mi nandi bika mu mutendo. ¹³ Kandili munyansi, o mushandisi, no mukwame chishinyi. Kono ninda tambura enshe kakuli ninda tenda ko kushazyiba mu kusha zumina. ¹⁴ Kono e chishemo cha Nfumwetu nicha zyura che ntumero ne rato elyo lyina mwa Kiresite Jesu. ¹⁵ Eyi mbuzi i sepahara no butoka, kutaye Kiresite Jesu na kezya mwi fasi kezya ku kwatira batendi be zibbi. Ndili mubbi kwezi. ¹⁶ Kono keli baka ninda hewa enshe, kutaye, Kiresite Jesu ozyo ahitiliza asunde okuruka konshe. Natenda echi kuba o mutara kwabo shake niba musepe ko buharo kabumani. ¹⁷ Hanu ku murena we myaka, abo kabafwi, kaba bonahali, Nyambe yenke, a kutekiwe no kuhewa e ntumbo kaimani. Amen. ¹⁸ Mi ndi bika eyi ntaero habuso bwenu, Timoteya, mwanangu. Nditenda ezi ko kuyenderera ne chipolofita cho kurushara chatendwa kako, kutaye ozwire habuso ne ndwa endotu. ¹⁹ O tende zi kutaye obe ne ntumero ne ngazyaro endotu. Bamwi bantu nibazi kana mi ba kangitwe kuwana e kute mwi ntumero. ²⁰ Abo bantu ma Himenasi ne Alekizanda, ozyo nindaha kwa satani kutaye ba rutiwe kusha nyansa.