¹ Sai Agrippa da rami Bulus, "Adlam rama i aɗaci." Sai Bulus da sukci ami gǝri dari aɗa gəri. ² Nama na aɗaga babu pirɗai, Dǝgim Agrippa, na thlab i kimaci gusku gaɗa mbasta Yahudauci, ³ musamman, gaɗa ci gwani ikun gargajiyak Yahudaucin na jayayinchi. wate najayaci ka thlama kimar. ⁴ duk Jahudaucin zigana yadda na tǝlam papindi ga ilardi na Urshalima. ⁵ Akshi zigayu tun sukar gara, kuma dayarda ti nakshi nakshi na tǝlam saida nambachi kanin pansa gaɗa jima zigawak aɗinaji. ⁶ Gususku nardi ritku nda tǝlama shariya gaɗa na lawan alkawari mi suku tǝlamu i afafkin wa. ⁷ Atiro su alkawar ki zadak wa guma ayo shirin tumantu da ginyi gaɗa a nakwana suku diviɗ na afa atiro gaɗa timan tukti. Dǝgǝm Agrippa, ma Yahudaucin tǝlam ara ga. ⁸ Gada gumo dakunakun kwa tuman a adlam bai kakasku da tǝla thlinin gamtak? ⁹ I ɗagai na tǝlan tunani na aɗaga naye tǝlam be gawa ki mbasta thlugun Yǝso ki Nazareth. ¹⁰ Nathlami duk i kun Jerusalem. Na tausu ndag ɗiga gawa kun ɗilo iɗak linok me nagino dari Digim pristaucin, Luktu ndatkinashi tin, sai nsvirki na rashi jirewa aɗakshi. ¹¹ Na forotakshi zigigawa ikun ri dumaya na ɗawakshi da tǝlam papiya. Aro ga tǝlim tingare dak shi zam zam na tǝlimti nakshi har i lardik vǝda. ¹² Lukta na tǝlamsu tin, na ji Damaskus na linok na dokka dari tǝlam Piristaucin. ¹³ I nye ritiu, i gadava diviɗ, Digim neka wiɗa da disku ɗikana afa ni arawai da pithli baka ga na diwa mi arakam na iyu. ¹⁴ Luktu dik japinaja i gagai, nakimi wura adlama rama maya Ibraniyaucin, 'Shawulu, Shawulu, ka gazata ga gaɗa gimo? Tita i ci kakkima.' ¹⁵ Sai na ramma; "Sucitai migiyi? miginyi daucin maya Yǝso mi ka gizatau tin. ¹⁶ Athlu darɗi zigirci, gaɗan pirtik tiku na vireci, ka thlabnaci guzub na be mi na tatkeci i kima; ¹⁷ na rana cidari ndo na dari ndiwa mizga sukubai mi naye wanaci i rikshi; ¹⁸ riptu dakshi tin sai damiste nakshi dari ayuwa iri wiɗa na dari iko lispir iri i kakasku, gaɗa akshi daginyi dari kakashi tubta aibabin nagadodin mi na barishi me wara napuri adaga dari bari jirewa kikunaga. ¹⁹ Gada kasin dagim Agrippa, namuwa be ne kau da dusku bai; ²⁰ amman I ndiwe a Dimaskus sukur, na me a Urshalima, daji lardi Judea, na diwa me zigo suku bai, na thla mikshi wazik akshi dathlan tubi damistenashi ri kakasku, da thlan be kakel na tubi. ²¹ Atu ne ɗawu Yahudaucin da Jiba yu dakun su magita da tǝlan kokari mi dat kani yu. ²² Kakasku da banati naju har guskiyaye, sai nathli narami talakaucin na marimamin ndiwa iɗa bebai mi ɗikana be mi nabacin na Musa ramu ma awakata; ²³ ma Yǝso aye sa bone, aye thlaɓa ki sukar babu thlayi da matu da thli dathlan wazik ɓayan i ndak Yahudaucin na ndiwa me ziga kakasku bai. ²⁴ Bulus damina ra aɗa giritin, Festu, darami na wura sosai, "Bulus cibaci zuwak, marum zigaya ci da tǝlan naci baci zuwak." ²⁵ Amman Bulus daramma, "I zuwak bai, marum anatakau Festue; amman na ramau na awayau rama jirewa na hankal. ²⁶ Digim ro zigana bituku dik, wate narameci na awaya, aturo ndamana hankal ga ma gobe mi da dibsa ari gǝri ndu dik dathlam da diɓsai bai. ²⁷ Kayarda tinaci nabaucin, Digim Agrippa? nazgadu ka yarda tina ci. ²⁸ Agrippa darami Bulus, i Laktu rap ka mista na yu i Kirsta bi? ²⁹ Bulus darammaya, "Na roɓatu kakasku, ma ko i laktu rap ka i laktu gazibir, ciruci bai, amman duk nin Kirimtayu gusku, a thlaɓa kakayu, amman kasinbin sai dilo na sarka. ³⁰ Sai digimgu dathli darɗi, na ngwamna, na Bernice cham, na diwa mi akshi dambasu na akshi aɗagayi; ³¹ laktumi akshi buze susgu, da tǝlam rama igadavakshi maya, "Nangu tǝlan be mi ndatik kaci ko daci yinɗa bai." ³² Agrippa darami Festus ma, "Nangu da ndatad naci inde ɗigu kadi iri Kaisar bin."