¹ Nyi lyen da , anayiuk, ndiyat mang āniet be, ba lyen lang ji ani, bang zi za ban ātibishi wu, kanang gu shio mang suwan. ² Ābyiuk nyirang a lab gu baang, a shio abin atiyok gu ke, sai nang atiyok wu hu, Atio gu mamiyi baang nyirang ji. ³ Ka nang Atyiok gu wu na shio achat, a si suwan mang atiyok āghyang, ana yai gu, achi chat atiyok āniet ah, Āzawa ka nang atiyok gu wu nshiye, a tin gu mamiyi baang zi, ayuwan nyirang ke, ba shio āpyia gu ke ba, ka nang gu nyirang atiyok āghyang, ba yai gu, atia chat atiyok āniet ba. ⁴ Ma ānyawa nang Ānanyuik zi hu mamiyi baang, ma vam Kristi, nyio nang zit yet kyang hu, nang ayin na ban ani, wato liyak hu ani, domin zi yet atan nkyang man Āgwaze. ⁵ Nang zi kun shio mamiyi vam hu ani, chat nyio katuk nkyang, ku kushio ma niyet zit be ani, ba ku shio mu baang ji ani, kku si , bai mang zit ahu. ⁶ Manini, atin zit mamiyi baang ji, zi si hu, tanzwe kyang ne nang na ku bnag zit ani, zi khwi kyang fai mamiyi āzazarak ntswe wu, ba mamiyi akhw-khuop nyi a ba. ⁷ Zi na hyio ni? baang ji man āpyia ji, zit yet katuk ha? kuna li ānyawa ba, kah a wa nyio da ānyawa dang ndyen katuk hu ba. ⁸ Āzawa, katuk hu nkyak mamiyi baang ji, ku si bai mang a nung lak li kyang nbu nwuak ayin ma ādidit mamiyi nfwuo nung ke. Ka awa nyio di gye āliyat ba, dang katuk hu āpyia chat ba. ka da mu baang ba, katuk hu yet ahu kya. ⁹ Ba bang kam, nang ndyen baang ji ba, n ku shio mun swuan za, nan Ndyen baang ji ani, katuk hu, si wuan, nung kuma nsi hu. ¹⁰ Baang ji, zi na bai mung swuan zi ani, nshio nang zi hu. ¹¹ Katuk hu shio kofa din vak baang hu, ku si lai nung, asi hyat nung kuma . ¹² Sabo mang ānyawa baang ji yet āzazarak ah, kuma āchuchuk ah. ¹³ Kyang aha, ku eyt ātan ani, ku bai mang anung a hu kya? kuna li ānyawa! Katuk ah hu wat, Donagwod man āpyia gu nan gu yet a katuk ah. Sabo mang ānya kyang hu gu yet ātan ani, kku bai mang anung ahu, Sabo mang baang ji, Katuk hu, si tiyai nan kun nwai yet hu ani. ¹⁴ Zi lyen nan baang ji yet tswe za, Āzawa, nung nshio mung vam. Aliyab nung mu huwo mamiyi akatuk. ¹⁵ Kyang hu nan nyi ani, nfak hu ba. Kyang hu nang nchat nyio ani, nyio hu ba, kyang hu nang ndak ani, hu hwa nang nyio. ¹⁶ Āzawa, ka nang nyio kkyang hu nang nchat nyio ani ba. Nshim baang ji, nang baang ji ngyet ātan. ¹⁷ Āzawa manini, nun gwa nyio man āpyia nung ba, katuk hu, ku shio ma nung ani ah. ¹⁸ Ndyen sunhwai mang anun, nan ku shio mung vam nun hu ani, ku tyai nung nyio atan kyang ba, chat, nyio atan kyang shio ma nung, azawa n na iya nyio ba. ¹⁹ Ātan kyang wu, nan nchat nyio ani, nyio gu ba, katuk hu, nan nchat nyio ani ba, hu hwa nan nyio. ²⁰ Manini ka nang kyang hu nang nchat nyio ani ba, aka ānyawa nu gu wa ba, katuk hu ku shio ma nung ani. ²¹ Ku li nung nang baang za ani, nyio atan kyang, āzawa, ātanyirang ke shio mang nung. ²² Ngwai, mung baang Āgwaze ji mamiyi nung. ²³ Āzawa ndi baang ji nang zi yet ākatuk ani mamiyi vam nung hu, nan zi vwuon mang baang Āgwaze ji nang zama dyen mamiyi nung ani, asi kyak nun nang ahuwo ani, katuk nyio ani, nang ku shio mu vam nung hu ani. ²⁴ Ngyet atio abuwuk ani, yan na na san nung , mamiyi vam hu, ku niyat mang nun da vwuo ahu ani. ²⁵ Āzawa ngwai mang Āgwaze mamiyi Yesu Kristi atisan zit. Nung mang āpyia nung din bwak nyuwon, mung fwuo nung nkhwi baang Āgwaze ji, Āgwaze din bwak nyuwon hu, nkhwi baang kkatuk nyio mamiyi vam.