¹ Nniyab yin ānabb zit Fibi, Ngu ma āyat āghwu āyi khwui a ma ati nayi ka shio ma ābin Kankariya. ² Sangag nyin nang nsan gu nbwak nfiyang ma yirok Ātyi-li, mung fwuo ātan āzazarak āniet āni, āwot nyi yong gu dyo mu kudang nkyang nang gu lyih āchat yin nyio gu dyo. Ngu mung āpyia gu ākan biyang āniet, āwot ma nung ma. ³ Nyi ta bzat Bilkisu mung Akila, apkandang ntām nung be ma yirok Yesu Kristi, ⁴ Nbe nang bā nwuak swuan be zi daniyan nung āni. Ngwai mang be, āwot nung āyin nung bā, mung kakab āka vwuo khwui ne ma ālummai. ⁵ Nyi ta bzyat Āli-khwui ka shio āmali nyin ke āni. Nyi bzyat bwpalya nung zi Abainitas nang gu wa yet ātin khwui Kristi ma ābin Asiya. ⁶ Nyi ta bzyat Mariyamu, nang anyio nung ntām āni. ⁷ Nyi bzyat Andaranikas mung Yuniyas, Ānanyuik nung mang ākpandang nang āvwoi zit mang be āni, bzyat áchachat āniet mung nman ntām, ba si ba san Kristi āwat nung. ⁸ Nyi bzyat Amfiliyas, bwoalya nung ma yirok Ātyi-li. ⁹ Nyi bzyat Urbanas, ākpandang ntām zit ma yirok Kristi, awot nung bwoalya nung Istakis. ¹⁰ Nyi bzyat Abalis, āchuchuk ātie khwui Kristi āwai. Nyi bzyat kakab āniet ba shyio Aristobulus. ¹¹ Nyi bzyat Ānanyuik nug Hirudiyan. Nyi bzyat āniet āli Narkisas ba si mu khwui Ātyi-li hu ani. ¹² Nyi bzyat Tarafina mung Tarafusa, bayia ntām ādidit ma yirok Ātyi-li. Nyi bzyat Barsisa ba bwoalya nung, ka yia ntām didit ma yirok Ātyi-li. ¹³ Nyi bzyat Rufas ātie āghyai ātin mu khwui Ātyi-li āni, āwat āyang gu u, yat āyang nung a . ¹⁴ Nyi bzyat Asinkiritas, Filiguma, Hamisa, Baturobas, Hamasa, mung kakab Ānanyuik ba shia dūndung mang mbe āni. ¹⁵ Nyi bzyat kakab Philalugas ma Julia, Neiras mung ānab gu wu, āwot Olimpas, mung kakab āzazarak āniet ba shyi mang mbe āni. ¹⁶ nyi bzyat āghyang nyin ma āzazarak shum. Kakab āvwuo khwui Kristi ne bzyat nyin. ¹⁷ Manini nnyi, Ānanyuik, nyi bzyat ādidam ma āniet ba chong gghyai āghyang mung tu ātitak, nyi tyong gbang mang be, ba khwui niyam hu nang āghyang ani bā. ¹⁸ Āniet nang āsí bai āni khwui Ātyi-li Kristi bā, ba khwui fiffe be ha. Mat āsham ānu be hu nang bang nbwan nfwuo āniet ba bya shinshirim nfwuo. ¹⁹ Sangag nkyang nnang nyin nyia mung chiyok āpyia āni na shia Konyan. Ku ha chio nang ngwai mang āyin. Mat ānya nchat nyin nyi yia byia mumwang ma nkyang na yet ātan āni, āwot nyi tyai shinshirim nfwuo gbang ma nkyang na yet ākatuk. ²⁰ Āgwaze shimfwuo na tya nyin tiyet ātanyirang ke ma titak nyin be. Yok shok Ātyi-li zit du Yesu Kristi shia mang nyin. ²¹ Timoti ākpandang ntām nung bzyat nyin, ānyawa Lukiyas, Yason nung Susibataras, Ānanyuik nung. ²² Nung Tartiyas, atya ā liru kwei-ambwat hi ani, bzyat nyin ma yirok Ātyi-li. ²³ Gayus, ā sān nung āsí be sān āli khwui ke bzyat nyin. Arastas, ātie chok kurum ākarang wu bzyat nyin, mung Ānanyuik gu Kawartas. ^{24 25} Manini ku yad kyang dyep ha ma ātie āchi nyin si yong mang chet da āliyat Āgwaze ne, āwat mung miyam Yesu Kristi hu, mu tyai ādanson hi ha nang ānghuk āgyi ko yang gu a li nkyang nan nshia kyang-niet ma Tachio ke. ²⁶ Mat ānya nang manini ān tyai kudang kyang ma āliyat ā liru chachirak mung kam Āgwaze āmat kudang tānkkai āni, sangag nang chiyok āpyia ma nwuak āchuchuk mami ālummai be. ²⁷ N dyep āyirok Āgwaze ka swakk kakab, ma āyirok Yesu Kristi, ka sān zit āfwun ta nāt sangab ātachio zi. ku swan-ānya.