¹ Ma ānyawa ananyiuk, nnayi nyin yi nwuak vam nyin ne āzazarak ātsaktsak nang Āgwaze na sān ani nang huhwa ngyet ātsaktsak vak khwui yin wu āni. ² Nyie yok khwui swante hi ba, ma yi, shai din vak shai nfwuo yin ne nyi diyen ātan sān mang ātsaktsak ādidam Āgwaze. ³ N hyio, shok nang ājong nung aani ya nbyo kab atie shie ma yin āni gu yok dam ata swak nang gu nan dam ani ba, ma gu dam mang mumwang ma nang Āgwaze njong konyan ci fwuo ani. ⁴ Ma nang jin byo aniyet didid ma vam āni, ma āniet be kakab byo tam ghyung ba; ⁵ Ma āghyang zit zi shii āni zi yet vam ghwung ha da āvwuo Āgwaze kudang āyin mang āpyia gu. ⁶ Konyan byia zamang gu ma nang shok ajong zit āni. Kā zanang a yet shie shai adanswon, zi myang a shai āliyat ne chachirak mang nwuak fwuo. ⁷ Kā zanang a zi yet si nyi ntām nya, nyi ntām ne shansham. kā nang zanang a zi yet si tyeit ha, yok a tyeit. ⁸ kā zanang á zi yet si fūt, yot á fūt. Kā nang zanang á zi yet si kau āniet nkyang nya, kau mang fwuo nyiung. Kā nang zanang á zi yet si kwak ason āniet za, kwak shansham. Kā nang zanang á zi yet si fwuong kunak ha, fak kunak āniet shansham āwot ā tabam. ⁹ Nyi yok yet ābubuk āniet dī chat āghyang bā. Nyi lak nkyang na yet ākatuk ani, nyi bang kyang ku yet tan āni gīngīng. ¹⁰ Daniyan chat, yet chat āghyang nyin ma nang ananyiuk ani, nyi wot nyi chat āghyang nyin mang fwuo nyiung. Daniyan nwauk shiy, nyi nwuak konyan shiy gu hu. ¹¹ Daniyan chie fwuo man tām, yi yok lak nchie fwuo bah. Daniyan tswe, Nyi girab da nian Atyoli. ¹² Nyi gwai Sangag zi nang nyi ngbang alyi, nyi si tyia fwuo dīn nkyang nang nyi nwuak āchuchuk tanzwe āni. Nyi nwauk fwuo mamiyi swuo ābung nyi ke, āwot nyi yong naai Āgwaze nchirīng. ¹³ Nyi kāu nkyang nang nyi byia āni mang āniet khwui be. Nyi saai āniet-chen mbak nfiyang. ¹⁴ Nyi fwuon āniet ba yashuk nyin ani, fwuon be yok shyi be ba. ¹⁵ Nyi gwai ndundung mang āniet ba shya mang agwai āni; ma ānyawa nyi ba tywei āni, nyi tywei mang mbe. ¹⁶ Nyi swan swat tan mang āghyang nyiung. Nyi nyia ākpandang mang a si be ba yet akunak ani, awot nyi yok dam nyi nyia yet aniet mumwang ma ādidam nyin ba. ¹⁷ Nyi yok tan ākatuk mang ākatuk nyia ba. Nyi nyan ātan nkyang āzaghyi āniet nchirīng. ¹⁸ kā nang chat ha yet shyi, nyi swan swat nyinyang mang kudang āyin. ¹⁹ Nyi yok nat tan ākatuk mā ākatuk, nyi wot kudang nkyang nbwuak Āgwaze. a liru, ''Nung gwa nan tan ākatuk ātanzwe ākatuk; Āgwaze nyi, '' N na tan mbe do sangag nang ba ntyia āghyang āniet swuo ābung āni. ²⁰ Dā ā kwonu akyai, a liru nyia, ''ka nang āniet ba lak li a ani fuwong zong, nang be kyayak ba gyie. Ka nang ba fuwong swuo ásakhwot, nang be swuo, da ānyan anan tung mbe āchichan ndong apyia, ba fak nsum.'' ²¹ Nyi kwan nyi swuo chet ākatuk mang nyi ātan tām. Āwot nyi yok ghwon ākatuk ā swuo chet nyin ba.