¹ Nchat a liru Ātam āgwaze u ma āvwu khwi ka si ma bin sardisu ke āni nyio, swang ālyat nang atie ābong tsuie anātaat Āgwaze ji mung āntangwat ānátaat ne āni ² "Ndyen Nkyang ne nang ānyio āni, Nyia a āyat ātan atie swan, awat ākan hu. Durok machet āyong ma nkyang na bwat āni, āwat na bwat dadai nakwi, sangag nang ñkang ñdi bwak ntam ā hu azagyie Agwaze āni bah. ³ Zung, āli nkyang nang ākan sàn āsi fak ani. Tiyong ne, awat a jyuk. Kā náng a durok nyong bah, Nna bai nang ātang āni, awat āna lyen tswam nang nna nbai dà ngwam āni bah. ⁴ Sangag nang ānbyio yiyurok aniet ma abin Sardisu ke ba zuub āyaa āturo bé ma ākatuk nyio ani bah. Bánā jong mang ānung, bāh kuup āsai āyaturo, sangag nang ban nmim ma kyang ba yia ani. ⁵ Atie āyong machet āni a āna kuup gu āsai āyaturo wu, āwat ñna taba tin āyirok guke ma nkwe āmbwat swan hu bah, ñba na lyat āyirok guke azagyie Atya ming ke, āwat azagyie nmam-ñtam Agwaze ne. ⁶ Kānang yin bya āfufwo, yin fak kyang nang tsuie ji lyat mang āvwu khwi ke ani." ⁷ Nchat āba liru Ātam agwaze dio ma āvwu khwi ma ābin Filadalfiya ke nyia, swang ālyat ātie āyat azazirak ma chichuk ani- gu a bang āyaya Dawuda beh Kà akhwuk ānbyio atie āna nyim ani bah, Kà nang gu ba nyim ayin na khwuk bah. ⁸ Ndyen nkyang ne nang anyio ani, Li, ntya āzagyie ā yinyit nang ākan khwuk āni ābya atie nang āna nyim hu āni bah. Ndyen chet a hu si dàdai ā, mung ānya āsi tiyong ālyat nung ne awat ākam fwo ayirok nung bah. ⁹ Nchak ā ghwan, aniet be ba kan kwe basi khwi ma yirok ātanyirang ke ani, āniet bayia yio ba yat Ayahudawa āwat bàbya yat ani bah-ba bwoi āka láa. Nna tie ba bai bah kpurak āhukhwuk ma titak a, āwat āzá banang ndyen nan nchat a. ¹⁰ Sangag nang ān-khwi nkyang bang ñdyat mung angwan ma shimfwo ani, Nbana kuup a ma tswam nang āna nmai aniet be ani ji tyabai ani tanat sangbup ātachio ji, nang ana nmai aniet bàsi mu swat-nte hu ani. ¹¹ Nna bai mung njen, Bang mung chet nkyang ābya ani sangag nang āyin nang nkyak si chet ā hu āni bah. ¹² Nna tya atie āyong machet āni āyat jung āmali Atya nung ke, āwat ana tà bá ghuut mang ke bah. Nna liru mang gu āyirok Agwaze nung ke, azazirak āyirok ākarang Agwaze nung u (ābin āfayi Urushalima, nang ka chiyok bai ābin ka ghuut ātangwe mung Agwaze nung u āni), āwat āyirok afayi nung ke. ¹³ Ka nang yin byia āfufwo, yin fwak kyang nang tsuie ji lyat mang āvwu khwi ke āni.' ¹⁴ Nchat āba liru Ātam agwaze dio ma āvwu khwi ma abin Lawudikiya ke nyia; nyin fak ālyat ātie ānbwap āni, āchak ātie ālii āwat āsi kyia āchak ālyat ani ¹⁶ ātie nang āmat ātachio Agwaze ke mung gu ani. ¹⁵ Ndyen nkyang ne nang ākan nyio ani, āwat āshim ku āswai bah. Nchat dang āshim ku dang āswai! Sangag nang ān si ma kawuchio ani-ku swai ku shim - Nshio mung nvak nang nnang kwai a ābwonu nung ke āni. ¹⁷ Mu nang ānyio, Āyat atie njie ā, yia ābya nkyang diddit, awat ātwei kyang āni bah. "Awat ālyen yia āyat ābang-alang, ātie āsii ani, ākunak, atie-fufán mung kāgbang. ¹⁸ Sak āfufwo āfak kyang ndyat āni; Sán ma nung zinariya nang āfwu mung long sangag nang ani si jyei ani, awat ātan āsai āyaturo nang āna kuup apio a āwat ālii ñkyang swum na si kapang ma ngwan ani bah, āwat ākwan gyau ma gyie be sangag nang ānan ngwan āni. ¹⁹ Kakab āniet nang nchat ngtyai be mung vak awat nmiyam be yat nang ba nang nswan ani. Mung āyawa, nchat āngwo ātan ādidam a jyuk. ²⁰ Di, nkyong ādagyie yinyit ke ātu-hu. Ka nang āyin fak āhwat nung ke āsi khuuk yinyit hu, Nna nbai āmali gu ke, awat ngyia yak mung gu, awat ñgu agyia mang nung ²¹ Ātya āyong mung chat āni, Nna jong tiyang gunang nswan ma nung mung kukwon tiyok nung hu, mu nang ngyong machet āwat nswan ma tiyok Atya nung hu ani. ²² Ka nang yin byia āfufwo, yin fwat kyang nang tsuie ji lyat mang āvwu khwi ke āni."