¹ Bulud, khwi a khwu Yesu kristi mang Timoti ananyuk zit, tan nnat mang Filimon akpandang tam nzit wu nang zi chad ani. ² Mā Abfiya anayiuk nzit anab, mang Arkibbusa akpandang kwan zwang din tam, mang Ani khwi be ba ni tung āmali āng ke āni; ³ Yok shok mang swat nyiyang nā ghwut da avwuo Āgwaze Ātyia zit māng Ātyia li Yesu kristi. ⁴ N nin gwai mang Āgwaze Kuzang jen, nni tyei ah mami naai. ⁵ Ka nang nfak nkhang chat, mang Nwuak āchuchuk a wu mang an byie ma ta nad āda vwuo atyi li Yesu, mang ta nad mang ātsatsak ani khwi be. ⁶ Mat mun ápyie nzit hu mang nwuan, nnai Āgwaze,nang zi byie di nwuak achuchuk hu ani, na Nbiyang zi, ka nfik kuzang atan kyang shansham, mat shi Yesu kristi hu. ⁷ N shyi mā sai fwuo shhansham mā abinbim fwuo si-sag zi nang an nyie mā āni khwi be ani ananyiak. ⁸ Ku nang n gbang alyie mi kristi, n kam ah ā nyie kyang hu ku miyim āni. ⁹ Da ākwonu akyi ma sangag zi nang nchad ah ani, ku miyim n naai ah. Ning Bulud, ngyet aniye-khwop ani. Awot manini á bo nyim ming di khwu da niyan Yesu kristi. ¹⁰ N bai mang ānak kya da niyan Onisamud, atyi ā ku yet ngwon nung mi khwi, ni yet nang n ni shyi mi avwuo fam akhwu ani. ¹¹ Ma din jen shyang ā ku byie tswe āda avwuo ah bah. ā manini ā byie tswe da āvwuo ah mā ānung. ¹² Manini, Nna tam māng ān gu ah bwuok bai āda āvwuo ah,nwuak nggu mang chat mang fwuo nyiung. ¹³ N zaa nchat n ghwon gu azi mang ānung, aka nyi nung tām da akwonu ah, nang á nyim nung mi afam akhwu da byoi Asham Nkhang Yesu ke ani. ¹⁴ Nchat n nyie kyang di mi shim ah bah, kalak shok ah zi, zi li nang a khai, ani,zi yet kyang nang a khai, a si shim hu ani bah. ¹⁵ á ku ghai ngu mang ā Nwan ma ā ban jen kya ma chin chuwiit, da niyan ā ka shye nggu ma ākum jen ke, bang ta nat sang sangbap. ¹⁶ san gu nang akhwu ani bah,ā swak ched yet akhwu, san gu nang āginging ananyiuk mi khwi Yesu kristi ani, sangag zi gu nshyi āgingin mang ānwan a swak din yet àkhwu mang ananyiuk din khwi Atyili zit. ¹⁷ Ka nang a kyak nung nang Akpandang tam ah ani, ma ānyawa ā nan san nggu ma chachirak nang ānān nung ani. ¹⁸ Ka nang gu shiyog ah, ko a āghyi te ah, ghwon nung dyo. ¹⁹ Nung Bulud wa liru si nai mang bwak nung: N na ta ah si hwai N na jhyung ah nang a mbang nung te swuan awai ah hu bah. ²⁰ E, ananyiuk nung mi khwi Yesu, sakut nnaai a nyie nung shok da alyad Āgwaze. Yok a tyiā fwuo nung hu sai mani Yesu kristi. ²¹ N liru ah dyo, n byie gbang alyian ana shim kyang hu n naai ah ani. N dyen ana nyiā kyang hu ku swak anya ani. ²² Kyang nyiung hwa n shyai, nchat nyi jhyi nung avwuo khwat. Nbang fwuo nang Āgwaze na nfak angbam naai nyin hu, awot ā bo bwuok mang ā nung ā bai dyo ma avwuo nyin. ²³ Abafrad, a shyi mi khwu ndung mang ā nung da niyan ayirok kristi Yesu ke ani, byat ah. ²⁴ Markud, Aristarkud, Dimad, mang Luka, angbam be ba yet akpandang tam nung ani, mbe miyang be mun byat ah. ²⁵ Yok shok Ātyi li Yesu kristi ashyi mang anyin mang tswe nyin zi, ku swan anya.