¹ Āsi yirong nman ntam gune swak ming āfiyang ātung dindùng, āsi jong be chet atanzwe ākatuk ntswe mbiyang shyim zwan. ² Asi tam be ba nat shai ālyat āvwuo nswat Āgwaze ke mbiyang shyim aniyet nwai fwong nyinyang. ³ Āsi tak be nyiā, "Yiyok kyak kyang ba Kanang yi tabat vak niyet tam ning zi, nkyang nang, shan, ampot, ākwonkwong ming tong, yiyok bang ayaa āturo āfiyang ba. ⁴ Kudang ali nang yi nwo, yi swan āza tanat jan zi nang yi nhwon āvwuo ke āni. ⁵ Anyet be ba san nyin āni ba, kīnang yi ghwuut ma kīrang ākyai, yi bgiyet mbwuuk atītak nyin ne yi ntak ming ambe lak nang yi lak be ani." ⁶ Basi ghuut akai ākīrang ke ashai ātsatsat ālyat ātse ashyim aniyet nzwan kudang āvwuo. ⁷ Achak ākyai Heridus ati bang ākīrang wu, si fak nkyang na niyet ambuwot ani husi zun gu da niyan akyai nang ashai nyiā Yoona ati nyiā baptismal wa khu āsi shiyip, ⁸ āgyang si nyiā Elija wa ghuut ama nyet asili guu, āgyang si nyiā ākhukhwop ati lyen aliyat Āgwaze wa tagham di nkom āshiā achet. ⁹ Hu hwa Heridus nyiā, "Ntyat apsie Yoona ke anyana abo lyat atanzwe gu? Heridus si chat vak nang gu na ndi Yesu āni. ¹⁰ Asibe nang atam nbwok ani si bai basimi tak nkyang nang ba nyiā āni. Āsi kyak be basi ta nkat ma kīrang Bethsaida. ¹¹ Asurong aniyet ke si hwui guu nang gu shai be alyat Àgwaze ne ātse ashirim be zwan. ¹² Chabai ajanshiyung, nman ntam Yesu ne swak ming afiyang si nat āta shiā gu, ba nyiā ming āngu, "Tin aniyet be ba nkat ba nat chat āvwuo kwai ming nkyang yak da nyan ke nang zi nshiā da vwuo sang asakwot kya āni." ¹³ Āsi tak be nyiā, "Yi jong be kyang ba gyiā."Basi tak gu nyiā, " Fan fiyang mbiyang ākwonkwong a fuwon wa nang zi biā mgbam, kī zi na nat kwai nkyangyak nyiā zi jong aniyet be to. ¹⁴ Ba yet chikwop tsuwon bya aza." Gu nyiā ming āmbe ba tak be ba swan da yaa kpe nswak nfwafwon." ¹⁵ Basi tak ming aniyet be si swan abin. ¹⁶ Āsi kyak ākwonkwong afwon wu ming fan fiyang hu, āsi niyep atanzwe āsi naai, āsi kpiram, āsi nwak nman ntam gu ne ba kau asurong aniyet ke. ¹⁷ Mgbam aniyet be si ghie basi swoi, āsi tung akukum be basi hyat akatsirang swak ming āfiyang. ¹⁸ Di njan āzai nang gu naai anyin gu, asi lyip nman ntam gu ne, nyiā, "Anyana nang ākpe aniyet ke nyiā nget?" ¹⁹ Basi shim nyiā, "Yoona ati nyiā Baptisman, āgyang si nyiā Elijah, akum ke nyiā ahukwop ati nwan āzaswon wa, guwa bo durok." ²⁰ Gu nyiā ming āmbe,"Nyin yi nyiā anyanwa nang ngyet?" Peter si shim nyiā, " Kristii ngwon Āgwaze." ²¹ Yesu si hwat be afufwo di ba yok tak ming ayin alyat nai ba, hu hwa gu nyiā ming āmbe, ²² hu yet kpat hwa ngwon atibishii ka swo zot nkyang ma didit, ahuhwop nbiyang achachet aniyet shai aliyat agwaze ba hyat gu, atuk mam tat gu a tagham achet. ²³ Asi tak ming ambe amgbam nyiā, kī nang āyin chat a hwui ning, se nang gu lak apsiā gu ākyak kyang-lyau guhu ku zatuk a hwui ning. ²⁴ Āti'u achat chok swan guzi āni na nwai zi, āti'u ajip swan guzi da nyan ning āni na san zii. ²⁵ Huhwa nang hu tai kīnang āyin shiā swatnte hu amgbam āsi lyin swan guzi? ²⁶ Ntak ming anyin, ma āti'u āfak nsum ning ming ālyat ning ne āni, guwa nang ngwon atibishii simi fak nsum gu di njan kana nbai ming shii kehu mbiyang shii Āchiā ming azazirak maleku. ²⁷ Ntak ming anyin achuchuk, āgyang aniyet yong āJzi ming anzit bana kwui ba se nang ba nat me Gwaze." ²⁸ Atuk mam arinai nang Yesu ndyat nkyang nai āni, asi kyak Peter, John, ming Jams basi ghiyak ānat naai āda fan. ²⁹ Āshiā di naai hu āsi shyak li guhu, aghii gube si shai, aturo gube si tiyak sai ma kyenkyai. ³⁰ Achak ākyai ātyok āfiyang si bai aliyat ming āngu! Bibya yet Musa ming Elijah, ³¹ ba biā atan hyak. Basi liyat durok Yesu hu ta nat Urushalima nang hu nchabai tyak. ³² Jan āzai nang nde tabat Peter ming aniyet ba shiā dindùng ming āngu āni. Ban shyip mi nde ne āni basi li shii Yesu hu ming aniyet afiyang ba yong ming āngu āni mbiyang. ³³ Ba ndurok agwon Yesu āni Peter si kīrak nyiā, "Atiāli, hu yet asham nang zi nshiā āzi āni, zina jzii asuswak atat. Nwan nyiung, Musa nyiung, Elijah nyiung." Alyen kyang nang gu lyat āni ba. ³⁴ Tsatsirak Jan jzi gu ndiyat ālyat nai āni, āninyan si bai āmi kup be. ³⁵ Angwat si ghuut ma ninyan be aliyat nyiā, "Ngwon ke nang ntin apsiā ning dio āni kyakai. Yi fak ke." ³⁶ Āngwat ke ntyak liyat hu āni, basi li Yesu gu yong anyin gu. Basi chiā lyip, mi mam anyai basi tak ming ayin nkyang nang ba li āni ba. ³⁷ Atuk mam fiyang di chyok be da fan ke, asurong aniyet si bai āmi shiā be. ³⁸ Atianyiung ma surong aniyet ke si chiā kun nyiā, "Ati-nwap, bai ali abangwon anyiung ke mbiā ani. ³⁹ Tswe kak gu āsi shot akwe atampsiā si tabat ghuut ābonu gu ke. Se nang zin boi gu afifat, asi van zi si do ghuut. ⁴⁰ Nnaai nman ntam ane ba tin gu jzii husi hkat be." ⁴¹ Yesu si shim nyiā, "nyin zwe sang nwak achuchuk, yi chat nswan ming anyin ta nat dang njan za? Bai ming āfai awu ajzii." ⁴² Nang āfai wu ni shiā tite, adindiyung ntswe wu si kuyak gu ame abin mi chat. Yesu si kam adindiyung ntswe wu ngosiyem ke si shyim āsi tabat ke anwak āchiā ke wu. ⁴³ Kakap be si fak agade shii Āgwaze hu. Ba shiā di dam nkyang nang gu nyiā ani, asi tak ming nman ntam gune nyiā, ⁴⁴ "Yi fak aliyat nai shansham, āna kyak ngwon atibishii a nwak aniyet." ⁴⁵ Basi shia lyen ālyat ne gu kīrak aniba. Basi fak awun lyip be aliyat ne. ⁴⁶ Basi tabat fwang tsitsak be, da ānyana swak ming shii ma be. ⁴⁷ Yesu nshiā lyen kyang ba dam ātanfwo bene āni, āsi kyak ngwon ke a sak di nkyung gu, ⁴⁸ āsi kīrak ming āmbe nyiā, "Ka āyin san aba ngwon nang asikai ani da yirok ning, ning gwa nang gu san. Anyawa āti'u ayet adadai wu ma nyin āni guwa na yet agbandang wu kakap." ⁴⁹ Yoona si shim nyiā, "Atiali, zili ayin nang gu turung ākatuk ntswe da yirok'a, zi si nvwong guu, danyan ke nang gu nhwui zit āni ba." ⁵⁰ Yesu si tak be nyiā, "Yi yok nvwong gu ba, āti'u alak nyin āni ba shiā dindùng ming anyin." ⁵¹ Nang nmam ne gu na nbwok ānat ātanzwe nbai kpankpiyen āni āsi tabat vak niyet Urushelima. ⁵² Āsi tam āyaa ātam ba swak ānat aba dadai ākīrang Samariya ba jzii gu ávwuo. ⁵³ Aniyet be āza si san guu ba da nyan ke nang gu ka ntabat vak nat Urushelima áni. ⁵⁴ Jan āzai nman ntam gu ne, Yakubu ming Yoona ndi āni, ba nyiā,"Agbandang, achat zi chiā long hu ghuut ātanzwe hu bai humi sirang be? ⁵⁵ Āsi bwak āsi kam be. ⁵⁶ Basi swak ānat ma kīrang āgyang. ⁵⁷ Ba ntabat vak aniyet āni, āgyang aniyet si hyiā ming āmbe nyiā,"Nna hwui nyin ta nat da vwuo ke nang yi nniyet āni." ⁵⁸ Yesu nyiā ming āmbe, āyaa gwot biā abubwong nang ba nyekup āni, ākāman ātanzwe si biā lile, ngwon atibishii biā āvwuo nang kana nsak apsiā ke āni ba." ⁵⁹ Gu nyiā ming āgyang aniyet,"Hwui ning." Ātiā awai si nyiā ming āngu, Agbandang, yok ning nnya nat nta niyat āchiā ning wu." ⁶⁰ Āsi tak ming angu, "Yok nkom na niyat apsiā ne, nwan a nat shai aliyat Āgwaze ne." ⁶¹ Āghyang aniyet si bo kīrak nyiā, "Nna hwui'a, yok ning nnat nbiyat aniyet ali ning be sak." ⁶² Yesu nyiā ming angu, " Āyin ni tabak khyap a bwak a nwan amalyim ba, tankai ahwai na shiā ali Āgwaze ke ba."