1
Ba njan dadai Yesu si tabat chong akat akakīrang ma didit ashai atan ālyat Āgwaze wu dindùng ming nman ntam gune,
2
mbiyang anyiuk āgyang nang a turùng be ākatuk ntswe, ba si shiā shyim zwan āni. Bibya yet Mariyamu Magadaliya nang aku turùng guu ākatuk ntswe anatat āni,
3
Joanna, abyiuk Chuza, ati ntam Herod, Susanna mbiyang anyiuk ba biyang ming nkyang be āni.
4
Jan ajzai, ānyet ba ghwut ma kakīrang didit ani si tung āta shiā gu, āsi tabat lyat ming āmbe da me-ntyap nyiā,
5
"Ati chwui yak nat chwui yak gu. Gu ntabat nai yak hu āni, tswe jzang si kwai abiyem nvak, ānyet chong surap si shai, ākaman si tang.
6
Tswe jyang si kwoi di ntyan nfang, zisi te agwut, zisi shiyuk sangag zi abin ke nsang nmyang ani.
7
Tswe jzang si kwoi mi sakan, zisi laai dindùng, sakan zi si chwui yak hu.
8
Tswe jzang si kwoi da tsatsak āvwuo zisi chiā tswe nswak akanchii." Yesu ntyak lyat hu āni, āsi yirong nyiā, " Konyan ābiā afufwo fak āni gu āfak.
9
Nman ntam gune si lyip gu kyang nang ame-ntyap guke yet āni.
10
Yesu nyiā ming āmbe, "Nyin yi biā lyen nkyang na shiā me Āgwaze ke āni, akum anyet ke āna myam be ming ame-ntyap, da nyan ke nang ba nan sak alili di mbe bana li ba, ba fwong di mi lyen kyang.'
11
Kyang nang ame-ntyap ke lyat ani hwa yet angii.
12
Zwe yak zi kwoi di nkyung nvak hu ani za yet ānyet ba fak ālyat Āgwaze ne, ātanghīrang ke si bai ka simi tin ne ātanfwo be ke, kīda bado shim ba shiā san.
13
Si zi kwoi ma kwot āvwuo nfang wu ani, bya yet āsi ba fak ālyat Āgwaze ne basi san ming agwai, basi sang aninan, ba shim da ba dadai njan, ba nfāk zot āni basi shwot ākwoi.
14
Tswe zi kwoi mi sakan jzi āni ziza yet ānyet ba fak ālyat Āgwaze ne, ba shiā di nyiā nkyang be ātse nyiā ādidam ming fak nyinyang nkyang duniā hu si vwong be laai.
15
Awot tswe zisi kwoi ma tan abin wu āni ziza yet ānyet ba fak ālyat Āgwaze ne basi bang mi chat mbiyang ātan nfwo, alyat ne si swan mi nfwo bene angbam.
16
Manini, āyin sin bwo long di sang ākyak kham an kup ba, ko ata sak atafe āgbirak. Āna sak ātanzwe da vwuo ke nang konyan na ndi sai ndong hu āni.
17
A niyat ming kyang hu shiā kpai āni ba, kyang nang a sak alebut āni na bai kpai ma sai āvwuo agyang atuk āli huu. 18 Da nyan ākyai, konyan gu fak shansham, ati biā, ana mbiyang gu dio, ati sang, a san ba dadai gu biā ani."
19
Āyang ming ananyiuk Yesu be si bai āmi yong tite ming āngu da nyan ke nang asurong ānyet ke nshii apke āni.
20
Āsi tak gu nyiā, "Āyang ming ananyiuk abe yong atause chat ba li'a."
21
Yesu si shim be nyiā, "Āyang ning ming ananyiuk ning be byá yet ānyet ba fak ālyat Agwaze ne ba si san ani ."
22
Agyang àtuk Yesu ming nman ntam gu ne si nwo amami kukwon asakwot, āsi tak ming āmbe nyiā, "Yok zi byàk nat da fam tadyong kyau." Basi tabat āwak.
23
Ba shiā da wak wu Yesu si tabat khák nde, chung ngun si tabat hyap, kukwon asakwot hu si tabat yashwat ābwoi asakwot, basi fak awun.
24
Nman ntam Yesu ne si bai āmi shyip gu ālyat nyiā, "Atiā ali, atiā ali, zi bwat dadai zi kwui!" Yesu si taghai, āsi kam wun hu husi yong, avwuo ke si chiā nyonyang.
25
Āsi lyip be di nwak achuchuk be hu shiā āzi?" Ming awun ātanfwo, mbiyang āgade, basi tabat lyat ming āgyang be nyiā, Dang tankai āyin wha lili whui, a khai wun ming asakwot nang na fwong guu."
26
Basi bang āta nat Gerasenes kpankpiyen ming Galili.
27
Yesu ngwuut mi kukwon asakwot hu āni ātyok āgyang amami ākīrang ke shiā ming tswe adindwung atanghirang ani si nat āta shiā gu. A kyak jan nang gu chong kakpyang atse a swat da vwuo niyat anyet.
28
Gu ndi Yesu āni, āsi hyat kun, āsita shot akwe āzaghi gu. Ming agbandang anwat asi kīrak nyiā, "Nbiā akate ming anwan ba Yesu ngwon Āgwaze āchiā ātanzwe. Nnaai, yok jong ning zot ba."
29
Jan āzai za nang Yesu nvwong ākatuk ntswe ba zun gu kudang jan ani. Ming lap nang a lap gu ani mbiyang chok gu hu asi chak tswam zi akatuk ntswe be si kyak gu anat dio ayit.
30
Dinjan āzai Yesu si lyip gu nyiā, an gyai a anyan?" Gu nyiā, angyai ning akwot akwop," da nyan ke nang ākatuk ntswe madidit nshiā amami vam gu ke āni.
31
Basi gye aswon di shai gu a yok kham be ba ghwon gu anat ma kwop ba.
32
Tsatsirak di njan zi nang asurong āyaa alade ke shiā di gyiā yak da can afan, akatuk ntswe wu si naai ayok ba nwo ma yaa alade be. Āsi shim be dio.
33
Basi gwuut ata nwo ma yaa alade be, basi kin gwuit achyok āta kwoi amami asakwot tadyong basi kwui.
34
Nang ānyet chok āyaa alede be ndi kyang hu bai tyak āni basi tyong ānat shai ming ānyet akīrang be ming kakap ākīrak wu.
35
Ānyet basi fak āni si nat ba li kyang hu nyiā āni, basi swak ānat ming Yesu āta li āti'u nang atanghirang ne ghuut mangu āni. Nang gu kup nkyang a swan ma sat pkanpkiyen ming Yesu basi fak awun ambiyang.
36
Jan āzai, ānyet ba li kyang hu shiā ati'u nang ākatuk ntswe wu zun ani si tabat shai ānyet nang gu nshiā san.
37
Kakap ānyet amakīrak Gerasenes si nat āta tak ming Yesu nyiā gu durok ankat da nyan ke nang ba nfāk awun āni. Asi durok a nwo kukwon asakwot, āsi bwok ankat.
38
Ātyok nang Yesu shyim āni si naai gu ayok gu ba chong dindung, Yesu si tin gu ankat, gu nyiā ming angu,
39
"Bwok nat āmali ata tak nkyang ne nang Āgwaze nyiā adio ani." Ātyok wu si tabat vak a shai ma kīrang ke achachat nkyang nang Yesu nyiā gu dio āni.
40
Yesu nbwok āni, asurong anyet ke byat gu, nang bakan van ming fwong gu hu.
41
Ātyok āgyang si bai nang angyai Jairus āni, āyet atiā ngwung ma chachat ānyet bang āvwuo naai ke. Āsi nat āta kpirak akwukwut āsi naai Yesu gu a nat āgbang gu,
42
da chak ākyai nang aba ngwon ngoniyem gu chak akwui .Āsi chong aniyet nang asurong ānyet ke ghun anhwui gu.
43
Abyik āgyang si shiā āza a chong ming bwo mbwak ndye swak ming nfiyang nang gu hyaai kurum achong ming abok dimi shyim.
44
Āsi bang amalyim Yesu āta le āturo guu, di njan jyung asok ne si tyak.
45
Yesu si lyip nyiā, da "ānyana le ning?" Kakap ānyet be si tan, Peter si kīrak nyiā, Ati'ali, asurong ānyet ke shii."
46
Yesu nyiā "Ayin le ning, da nyan ke nfak chet gwuut ma ning ani."
47
Abyiuk wu ndi kyang nang gu nyiā āni hu bai kpai, āsi tabat tirim vam. Āsi nat āta shot akwe āzaghi Yesu, āsi tak gu kyang hu chiā gusin de gu āni ming sangag zi nang gu nshiā shyim da chak anyiung āni.
48
Yesu si tak ming āngu nyiā, "Ngonyem, nwak achuchuk āhu jong'a shyim. Nat āta kwai shansham."
49
Nang Yesu ni shiā di lyat āgyang ānyet si durok āmali agbandang ati nwan āvwuo naai ke ābai a shai nyiā, Anap ngwon awu khu. Yok shin ati tyet wu ba."
50
Yesu si fak, hu hwa gu nyiā, "Yok fak awun ba. Nwak achuchuk, āna shiā san."
51
Gu nchong ānat āmali ke āni āsi shim āyin a nwo āmali ke dindùng ming āngu ba kīda Peter, Yoona mbiyang Yakubu ming āchiā ming āyang Ngonyem wu ba.
52
Jan āzai nang ānyet be shiā di kwot nkun, hu wha gu nyiā, "Yiyok twoi ba. Ka khu ba, nde nya nang ka kai."
53
Basi tabat mai guu da nyan ke nang ba ndyen ka khu wa āni.
54
Āsi tabat Ngonyem ke di mbwak āsi kīrak ming chet nyiā,"Aba ngwon, tagham."
55
Tswe ke zi si bwok a nwo mi vam ke hu, kasi tagham da chak anyiung. Āsi chiā a jong ke kyangyak.
56
Ānyet nbin ke be si fak agade, āsi vwong be tak kyang hu gu nyiā ke dio āni.