¹ Yesu ntyak shai ānyet be alyat nang ba fwong āni, asi kai anwo Capanaum. ² Akhwo agbandang akwot akop āgyang nang gu chat āni nyiā mi zwan āshiā da nu āhu. ³ Gu nfāk hyak Yesu āni, āsi tam anekhwop Yahudawa ba nat ba yirong gu ābai a chirok atin zwan wu. ⁴ Ban nat kpankpiyen ming Yesu āni basi naai gu asakut nyiā, "Ātai ānyiā gu kyang nang si hwai āni mat. ⁵ sangag zi gu nchat a kīrang ke āni, guwa ma a yet āti'u a nok zit tyan naai jzi āni." ⁶ Yesu si tabat vak dindung ming āmbe. Gun bai kpakpak ming ali ke ani, agbandang akwot akwop wu si tam akpandang gu ba ta tak ming āngu nyiā, "Āchiā yok kyak ādidam ba, da nyan ke nang ning nmaai a nwo da vwuo ning ba. ⁷ Ning ma nmaai nbai kpankpiyen ming anwan ba, kīrak swáng ālyat akhwo ning wu na chirok. ⁸ Ning ma mbye tyok nang āyaa kwot akwop nshiā mbwak ning āni. Kīnang ntak atiā nyiung, 'Nkat,' ana 'nkat, āgyang ma, 'Bai,' gu ābai, ntam ming akhwo ning nyiā gu 'Nyiā kyang,' gu a nyiā hu." ⁹ Yesu nfak kyang gu lyat āni āsi fak agade gu, asi bwak ālyat ming ākpe ànyet ke nyiā, "Ntak ming anyin ko ma kīrang Isirela ma nkan shiā ati nwak achichuk nang atiwui ani ba. ¹⁰ Anyet be nang atam ani si bwok ata shiā akhwo wu nang gu shyim. ¹¹ Jan swak ma dadai Yesu si tabat vak nyet ma kīrang Nain. Nman ntam gu ne ma anyet ma didit si chong ndung ming angu. ¹² Āta bwat dadai ming ananyo ākīrang ke, nang a chong ming kom ngosiyem agwut dio, kikya yet ngwon āyang ke anyin ke. Āyang ngwon wu, ātyok wu kan hu. ¹³ Yesu ndi gu āni, āsi fak kunak gu, nyiā ming āngu "Yok twai ba." ¹⁴ Āsi swak āta tabat kikyak jzi nang an kyak gu āni, ānyet ba kyak gu āni si yong. Gu nyiā "Ngosiyem, nyiā ming anwan, tagham." ¹⁵ Atiā āhu wu si tagham āswan ālyat. Yesu si tabat gu ajong āyang'u. ¹⁶ Jan āzai, awun si tabat be kakap. Basi tabat dyep Agwaze, a shai nyia, "A shiā agbandang ati shai alyat Āgwaze amami zit" mbiyang, "Āgwaze bwak āsi li ānyet gu be." ¹⁷ Hyak Yesu hu si kai ākīrak kakap Judiya mbiyang ákīrak avwo wu. ¹⁸ Nman ntam Yoona ne nya tak ming āngu alyat nai. ¹⁹ Ngu Yoona si kin ntam nman ntam gu āfiyang bata lyip gu nyiā "Nwana yet āti'u a chabai ani'a, kī. zi na fwong chabai āgyang ānyet?" ²⁰ Ban bai kpakpak ming Yesu āni ba nyiā, "Yoona ati nyiā Baptisman tam zit nyiā zi lyip di, 'Nwan'a yet āti'u achabai ani'à, kī zi fwong āgyang ānyet wa?" ²¹ Din njan āzai, āsi chirok ānyet nzwan ming asibe shiā ming a dindùng ntswe ātanghīrang āni, āsi chiā ānyet āfifan basi tabat nwan āvwuo. ²² Yesu si tak ming āmbe nyiā, "Kī yi tabat vak, yi ta tak ming Yoona nkyang nang yi li yi si bo fak āni. Ānyet āfifan nwan āvwuo, atakhu atītak si chong, āsi kwui ānyet gbap, ānyet nwai fwong āvwuo si fwong, nkom si shirip āchāt, ānyet ba chat āni si fak atan ālyat. ²³ Āti da a fuwung nwak achuchuk di nkyang nang nnyiā āni na shiā atan kyang." ²⁴ Achak ke nang atam be nkat āni, Yesu si tabat shai ākpe ānyet ke ālyat Yoona nyiā, "Iwhaha nang ānat chat hu ma kwot āyit,da vwuoke nang wun nhyap aniā. ²⁵ Iwhaha nang azama nat li hu, ātyok akuup ashashat āyaa āturo wa aniā? Li, ānyet ba hwui atan ayaa turo, afwong nyinyang āni swan amali tyok kya. ²⁶ Mī iwhaha nang yi nat li hu, ati shai ālyat Āgwaze wa? Anyawa, ntak ming anyin, yok hu swak ati shai ālyat Āgwaze. ²⁷ Di āti'u an duru nkyang nai āni, 'Li nna tam ātam āzagyi'a, ānā jzii vak ahu āni!" ²⁸ Ntak ming anwan, amami ānyet nang anyiuk tyai āni ambiā āti'uaswak Yoona āni ba, ama āti'u āyet adadài da vwuo nswat Āgwaze āni swak guu ming shii hu." ²⁹ Nang kakap ānyet be, ming ānyet saai gandu be nfāk nkyang anyia ani basi shim nang Agwaze ngyet atsatsak wa. Bibya nang aku nyia be atankai Baptisman Yoona wu. ³⁰ Afarisawa be ming anyet ba fang alyat tyok Yahudawa be ani nang anwai nyia be Baptsisman azai ani bya si tan shii Agwaze hu ming apia be. ³¹ Zankyang ha nang nnan tyan ānyet njan bai? Ba lili. hu ni'a? ³² Ba li nang nman nya vwuo mi kashio āyai āgyang be tse alyat nyiā, 'Zi tyap nyin shurak yi si lak song. Zi si nyiā adidam da nyin yi twoi ba.' ³³ Yoona āti nyiā Baptisman ku bai āsi gyiā ākwonkwong ba da ngu a swo akan ba, yisi lyat nyiā, 'Ānyiā ātanghīrang.' ³⁴ Ngwon ānibishii bai agyiā tse aswo, yisi lyat nyiā, 'Yi li, āyet amurum ming ati mbyang wa, akpandang ānyet saai gandu ming ānyet katuk!' ³⁵ A nwan tsutswat hu di nman hune wa." ³⁶ Ati shai lyen ālyat Āgwaze āgyang ku yai Yesu gu bai ba gyiā yak ndung. Yesu si nwo āmali gu ke āta swan da vwuo yi yak ke. ³⁷ Nang abyiuk āgyang a yet ati nyiā katuk makīrang ke āni shiā ajza.Gu ndinang gu swan amali at shai lyen ālyat Āgwaze ke āni āsi bai ming akurung turare nswam. ³⁸ Āsi ta yong amante apsiā gu kpankpyen ma atītak gu be a twai. Asi twai ndang aghii ne a kwot ma titak gu be a tse alyang ming psiā guhu an kwot hyau da titak be ātse achot . ³⁹ Nang ati shai lyen ālyat Āgwaze wu a yirong Yesu ndi nkyang nai āni, āsi dam mi two gu nyiā, "Kà atiwui wa yet ati nwan aswon kya, da alyen zwe ābyuik'u zi byim gu nang gun they ati katuk wa." ⁴⁰ Yesu si kīrak nyiā, "Siman, mbyiā kyang nang nchat tak ming anwan ani." Gu nyiā, "Kīrak hu, ati myam." ⁴¹ Yesu nyiā, Ati kwap kurum agyang hwui anyet afiyang atite kurum. Atia nyung chii tswon, atia nyung wu nswak nfwon. ⁴² Da nyan ke nang ban sang chet tīrang kurum hu āni, asi nyiā ba yok tan ba. Amami be anyanwa na chat gu an swak?" ⁴³ Siman si shim nyiā, "Dili ning hu āti'u ābyiā agbandang kurum wu wa ani." Yesu sibo kīrak nyiā, "A nwan tsatsirak." ⁴⁴ Yesu si bwak ānat da byiuk wu asi kīrak ming Siman nyiā, "Ali abyiuk wui'a. Nnwo amali'a. Ási nang ning asakwot kwui atītak ba, ngu, a twoi ndang aghii gu an kwui atitak ning be ālyáng ming chát psiā guhu. ⁴⁵ Á tak ning chat ba, ngu, nyet di njan nang nnwo ajzi āni akan fwung chot atītak ning be ba. ⁴⁶ Á kwon ning hyau ápsiā ba, ngu a kwon ning turare da atitak ning be. ⁴⁷ Da nyan akyaikya , kudang āti'u a nyiā agbandang katuk āni āna fak kunak gu gbadandang, a chat gu angbam. Āti'u nang a yurip gu ādādai katuk ani, fak kunak guhu na shiā dadai." ⁴⁸ Āsi tak ming āngu nyiā, "À yurip katuk áhu." ⁴⁹ Ānyet ba swan ndung āni si tabat achwang nyiā, "Dang āyin wa sin gurip katuk?" ⁵⁰ Yesu si tak ming abyiuk wu nyiā, "Nwak achuchuk āhu san'a. Nkat ming shyim fwo."