1
Atuk Sati agyang nang Yesu chong ming nman ntam gune akat abin yak, nman ntamne si tabat fwuut tswe yak jzi agyiā.
2
Ānyet shai lyen ālyat Āgwaze be si tabat lirim nyiā, "Iwhaha mbie nang ban nyiā kyang hu naai yet āni atuk Sati?"
3
Yesu di shim be nyiā, "Yi Jam kyang Dauda ku nyiā āni nang gu fak zong,ngu ming nman ntam gune āni daa?"
4
Asi nwo ma vwuo naai āta kyak ākwonkwong nang Firistoci bya nang ashim ba gyiā ani anyin be, āsi kau ming nman ntam gu ne basi gyiā."
5
Asi tak ming āmbe, "Ngwon atibishii kya yet agbandang atuk Sati wu."
6
Atuk Sati agyang nang gu myam ānyet mi tutu naai nang ātakhu bwak āyin āgyang shiā da vwuo naai ke.
7
Ānyet shai lyen ālyat Āgwaze be si tin alili an nwan gu bali ka āna shyim guu atuk Sati akyai, ba ka shiā kyang ba nan ndi bwoi abun gu āni.
8
Ba lyen ba nang gu akan dyen kyang nang ba dam āni, āsi tak tak ming atakhu bwak wu nyiā "Tagham a yong ma kawochiā konyan." Atyok wu si durok ayong ajza.
9
Yesu nyiā ming āmbe, "Nnyiā ming anwan, hu yet a nyiā atan kyang kī katuk atuk Sati da nyan san swan kī sirang zi?"
10
Āsi nwan be ākīrak, āsi tak ming atakhu bwak wu nyiā, "Nyep bwak ahu." Āsi nyep bwak hu, husi churok.
11
Kakap be si moi lyen, basi tabat dam kyang ba na nyiā ming Yesu ani.
12
Āgyang atuk āsi ghiyak ānat naai da tan āfan. Asi naai Āgwaze an kai aketuk ke.
13
Da atsotson tat, āsi yirong nman ntam gu ne, āsi tin be swak ming āfiyang asi chiā be āyirok "āyaa gwak ākwok āswan nman ntam."
14
Yiyirok be hu hwa an gyai Siman (nang an gyai Bitrus āni), ming ānanhyiuk gu, Andirawus, Jamis, Yoona, Filibus, Batilomi,
15
Matiyu, Toma, Jamis āfai Alphias, Siman nang an gyai Zilot ani,
16
Judas, āfai Jamis, ming Judas Iskariyas, aku yet aminabiki āni.
17
Yesu si chiyok da fan ke āta yong da tatiyet avwuo. Ānyet hwui gu ma didit nang ba shiā ajza mbiyang ānyet ba ghwut Judiya, Urushelimma tanat kwung nchan Tyre ming Siddon.
18
Ba ku bai fwong ālyat gune, awat ba shiā chirok zwan. Anyet nang ākatuk tswe zun āni si chirok.
19
Kudang āyin ma pke ke si kwan ali nang gu sak gu bwak da nyan ke nang gun byiā vak shiyim ānyet āni, asi shyim be angbam.
20
Āsi nwan nman ntam gune, āsi tak be nyiā, "Yi yet atan ānyet bya nyin yi sang kyang āni, ali Āgwaze ke yet āsinyin kya.
21
Yi yet ātan ānyet bya nyin nang zong gye āni, yi na swoi. Yi yet ātan anyet nyin yi twoi manini āni, yina mai.
22
Yi yet atan anyet nyin nang alak li āsi khap nyin nyiā yi yet ākatuk ānyet da nyan āyirok ngwon atibishii āni.
23
Yi gwai yi firip tswang atuk ākyai da nyan ke nang ātan nyin ke nshiā ātanzwe āni, anyawa nang anyetkhwop be kun nyiā āyaa gwak shai ālyat Āgwaze be dio.
24
Wae nyin anyet nzwe! Yi kan san fak nyinyang nyin hu.
25
Wae nyin yi swoi manini āni! Ban Jan ma dadai yina fak zong. Wae nyin yi shiā di mai āni! Ba Jan ma dadai yi na moi lyen tse twoi.
26
Wae'a, kanang ānyet lyat achuchuk da nwan! Anyawa anyetkhop nyin be kun nyiā ayaa boi ākālaa lyen ālyat Āgwaze be dio.
27
Ntak ming anyin yi fwong ning āni, yi chat ānyet ba lak nyin ani yi nyiā ānyet ba lak li nyin āni āchuchuk.
28
Yi fwon ānyet ba fwoi nyin ani yi naai ānyet ba kau nyin zot ani tan.
29
Ātuu alwui'a din kpang āni, jong gu kpang nyiung hu gu'a lwui ambiyang. Ka āyin kyak a āturo yok tabat kikyak jzi ba.
30
Jong konyan a lyip'a āni. Ka ayin kyak kyang'a yok lyip gu ba.
31
Kyang a chat anyet ba nyiā adio āni, nyiā be dio anya.
32
Kanang achat anyet ba chat'a āni wa, Iwhaha nang a nyiā? Ānyet nyiā katuk be ma chat āgyang be angbam.
33
Kanang yi nyiā anyet ba nyiā nyin shansham ani dang gye aswon ha nang yi shiā?
34
Kanang a khwap ātuu āna tan awa āni dang tan ha nang a nyiā? Ānyet nyiā katuk be ma khwap āgyang be, a tirang tsatsirak.
35
Chat anyet ba lak'a āni a nyiā be tan. Khwap be, áyok dam ba bwok ming anwan dio ba, zang ajzi na shii. Yi na yet nman achiā atanzwe, da nyan ke nang gu nfwong kunak ānyet sang shok ming akatuk āni.
36
Fak kunak nang Áchiā áwu nfwong kunak āni.
37
Yok nying āyin ba, kīda ado nying a. Yok tat āyin ba kīda ado tat a. Kwui āgyang ānyet, nwan ma a kwui a.
38
Nang, nwan ma ama nang'a. Ka anyap tsung kyang zina sirang abai da bwan atītak a. Anyawa kuyanghi nang an mak ayin dio āni, zi za nang anan mak adio."
39
Āsibo tak be ame ntyap nyiā. "Ā tiā āfifan na kwak atiā āfifan a? Kī hu li anya, kakap be niyet āta kwe ma gham, kī da anyawa?
40
Ākwok aswon lan ati miyam gu ba, kanang a miyam gu tsotswat āna tai ati miyam guu.
41
Iwhaha mbyiā nang á nwan chunchong nkon ma li ànanyiuk áke dimi li agut ka shiā ma si nwan ali ke āni ba?
42
Ána nyiā niwa antak ming ānanyiuk awu, yok ntin chunchong āmā li á zi," nang áli si jzi shiā ā mali a ke āni ba? Nyin ānyet bwoi ākālá! Tin agut ama li a ke āsi shiā li shansham di tin chinchong zi shiā a mali ananyiuk ake ani.
43
Anyawa ātsatsak ākwon kwot ābwui sum ba, ma nang ābwui akon sin kurok ātan sum āni ba.
44
A lyen kudang akon di sum nang ka ni kurok ani. Ānyet pkai alyit da kon sakan ba, anyawa basin pkai abwabwap ma abin ka yet a kwot ani ba.
45
Ātsatsak āyin ni turung ātan nkyang di nyiā ātsatsak ādidam atanfwo gu, anyawa ākatuk āyin ni tin katuk mat katuk hu shiā ātanfwo gu ani. Kyang hu shiā atanfwo kya āni nang anu ke ni lyat.
46
Iwhaha nang yi ngyai ning 'Āchiā, Āchiā,' da nyin yi hwui kyang nang ndyat āni ba.
47
Kudang āyin ābai da vwuo ning, āswan ning a nyiā ntam ming ālyat ning ne ani, ntak ming a nwan kyang gu yet ani.
48
Āli nang ati nok a lung ātse nok guke shansham āni āsin sak che nok ming nfang āni, wun ming arigiwa asakwot si bai, nok hu si birim ba da nyan ke nang nok hu nshiā ātse ātan āni.
49
Āti'u a fak ālyat ning ne asi lak nyiā ntam ming ane āni na li nang ati'u a sak nok dimi atan ātse āni. Kī nang ze va jok asakwot si tung ayong ākīrak nok hu, huna yong ba se hu birim hu shot akwe.