1
Nang Yesu nhyat ming āzazirak ntswe bwot nyet min Chen Jordan, azazirak ntswe wu shiā dindùng ming āngu ma mam avwuo,
2
mman nswk naai, ātanghīrang ke si bai da vwuo gu. Mi mam ānyai nang gu fwong zong da nyan ke gun gye kyangyak āni ba.
3
Ātanghīrang ke si kīrak ming āngu nyiā, "Kanang áyet ngwon Āgwaze kya chiā āfang kai ka bwak achiā ākwonkwong."
4
Yesu si hyiā ming anke nyiā, 'A luru nyiā, 'Ātibishii na shiā shichet di gye yak agyin hu ba."
5
Ātanghīrang ke si kyak guu ānat dio da tan āfan, kasi tak gu shii duniā hu di Jan jyung.
6
Ka nyiā ming āngu, "Nnan jong'a tyok nkyang nai kakap mbiyang nyinyang ne hu. Nna nyiā siwhui sisak jzi nang an jong ning ne āni, ning ma njong āti'u nang nchat ani.
7
Da nyan kai, ka nang a takhut azagyii ning nnan jong á ne kakap.
9
Ātanghirang ke sibo kyak Yesu tanat dio Urushelimma āta sak āda tan āgangang avwuo naai, ka nyhiā ming angu,
10
"Kī nwana yet ngwon Āgwaze ke, fip āli. Da nyan ke nang an duru nyiā,
11
'Āna tam maleku zi chok'a, zi chiā mbwak zin tabat'a kīda ádo tuk tak da fang."
12
Yesu di shim gu, si tak ming āngu nyiā, "Ānyiā da, 'a yok mak Āgwaze ba."
13
Ātanghīrang ke ntyak mai Yesu āni kasi durok āghwon gu anchok Jan jyang.
14
Azazirak ntswe si bwok ming Yesu anat dio Galili, ālyat ātanzwe gu si kai ākīrak ākīrang'u.
15
Āsi tyet da kavwuo naai ne konyan si dyep gu.
16
Āgyang ātuk āsi nat Nazaret, ākīrang ke nang an gwo gu āni. Nang kyang miráng āni, āsi nwo mi sinagog atuk Asabat āsi durok āyong ajam alyat Āgwaze.
17
Kwe-ambwat Ishaya hu hwa aku nwak gu āsi hwuk tyan jzi nang an duru nyiā,
18
"Āzazirak ntswe Āgwaze'u wa shiā ma ning da nyan ke nang gun sak ning nshai ānyet sang zwe ātsak ālyat āni.
19
Ātam ning nfrok ākhwo da wyan, nchiā ānyet āfifan ba shiā nwan āvwuo, ntagham ānyet be ā gnyap ani. Ba shai ātsatsak āliā Āgwaze'u."
20
Gun nyim kyang gu jam āni, āsi nwak ānyet ntam āvwuo naai be āsi swan ābin. Ānyet ba shiā da vwuo naai ke āni si sak gu aghii.
21
Āsi tabat lyat ming āmbe, "Afwun kai kyang nang njam-jam hwui ani bai tyak ma fufwo nyin."
22
Kudang ayin aza si fak atsak ālyat á ghwut abonu gu ani. Ban nyiā da āfai Yusufu wa wu daa?"
23
Yesu nyiā ming āmbe, "Ātsatsak nna tak ming anyin ame ntyap kai, 'Ābwok, shiim àpsiá. Nkyang zi fak anyiā Kapanaum āni, nyiā ajzi ma kīrang áke."
24
Gu nyiā, ātsak ālyat wa nshai nyin, achat agwak ākwok-āswon ānyet hwuii ma kīrang gu ba.
25
Ntak ming anyin áchuchuk, áku biā ángwiuk nang átyok be bè' kwuii mi Isirela min jan Elijah āni, mi Jan jzi nang áváá ze ba ndiā ntat ming ákum, nang áworamade kai ākīrang ke.
26
Āsi tam Elijah da vwuo āyin ba se da vwuo ābyuik'u nang ātyok gu'u khu a swan Zarefat kpankpiyen ming Sidon āni.
27
Jan azai nang ānyet gbap shiā madidit mi Isirela min jan Elijah agwak āyaa kwok aswon da vwuo naai, ayin be si shiā shiim ba kīda Naaman atyok Siriya ma nyin gu.
28
Kakap ānyet be da vwuo naai ke si fak alyiā gyiā da nyan nkyang bafak ani.
29
Basi vwong gu á ghwut dio ma kīrang ke ta nat da tan āfan ba ta yuruk gu ate.
30
Āsi ghwai a swak be ta nkat.
31
Āsi swak ānat Kapanaum, akīrang Galili. Atuk Sati, āsi tabat myiam da vwuo naai.
32
Anyet be si fak āgade ming myiam guhu da nyan ke nang myiam hu mbyiā chet āni.
33
Atuk ākyai da vwuo naai ke ātyok āgyang ma adindyùng ntswe si hyat kun ālyat nyiā
34
"Iwhaha zi na nyiā ming aghuan Yesu Banazeret? A bai sirang zit wha? Ndyen'a! Nwan'a yet azazirak ngwon Āgwaze'u."
35
Yesu si taghai ming ātanghīrang ne, "Yi chi nyonyang yi ghwut yi hwon guu." Atanghirang ne nkuyak gu āmat abin makawochiā be āni nasi ghwut dimi bwo gu fat.
36
Kakap anyet be si fak agade basi tabat lyat ming āgyang. Ba dam nyiā "di dang tankai nswang ālyat za gu lyat.?"
37
Nyiā a khai katuk ntswe nang ba hwuut." Ālyat gu ne si sirang akai ākīrak akīrang'u.
38
Yesu si ghwon avwuo naai ke ta nat āgbang Siman. Jan azai nang akwang Siman wu fak ba, basi naai nyiā gu shiim guu.
39
Āsi durok āyong āsi kam ālyen vam wu si tyak, da chak ākyai ākwang Siman wu si tagham āsi tabat kau ānyet be nkya-yak.
40
Di kwe mam, asi bai ming Yesu a nyet nzwan ma didit. Āsi saai be mbwak nang ba shiim.
41
Adindyùng ntswe si ghwut ma nyet ma didit akhyang nkun nyiā "Nwana yet ngwon Āgwaze ke!" Yesu si vwong be lyat hu da nyan ke nang ban dyen guwa yet Christo ani.
42
Da tsotson tat, āsi nat ma nyonyáng avwuo. Ākpe ānyet si durok chat gu āta shiā da vwuo gun swan ani. Basi chat gu ayong ming embe.
43
Yesu si tak ming ambe nang hu ngyet khwo há gu a shai tyok Āgwaze hu da nyan ke nang hu hwa ātam gu nyiā hu ani.
44
Āsi gye aswon ming myiam ma vwuo naai ākīrak Judiya ke.