¹ Amgbam be si taghan dindung basi chong ming Yesu anat dio azaswon Bilatus. ² Basita tabat fuwoi gu, nyia, "Zi shia atyok wu ming lak fwong atirak zit wu asi lak nwak Kaisar shii nyia guwa yet Christi agwam. ³ Kaisar si lyip gu nyia, "Nwa na yet Agwam Hahudawa wu'a? Yesu si shim gu dio nyra, "Nwana hyia anya." ⁴ Bilatus si tak ming avwam Firistoci wu mbiyang akum anyet ke, "Nshi a atiwui ming abun ba." ⁵ Basi lak, a lyat nyia, "Guwa fruk anyet be amiyam be akai Judiya, tabat mi Galili bai da vwuo kai." ⁶ Bilatus nfak ani, asi lyip ka-atyok wu yet ayin Galili wa. ⁷ Gu nshia lyen nyia ashia mbwak tyok Heridus kya ani, asi tam ming Yesu anat dio nang gu shia Uruishelimma mi mam anyai. ⁸ Heridus ndi Yesu ami asi fak nyinyang da nyan ke nang gu nchat li gu ani. Kyong gu nchat ali gu ani wha yet gu a li agade nang gu nyia ani. ⁹ Heridus si lirim Yesu nkyang ma didit Yesu si shim gu dio ba. ¹⁰ Achachet Fristoci be mbiyang anyet luru be si yong a fwoi gu ming chet. ¹¹ Heridus ming nman akwot-akwop gune si fwai gu, basi kup gu atsatsak ayaa turo basi tin gu anat dio ming Bilatus. ¹² Heridus ming Bilatus si tabat kpandang kyak niyet atuk akai (nang ba lak li agyong kyak din-jan swak). ¹³ Bilatus si tung achachet Firistoci ke ming anyet bang abjn be mbiyang asurong anyet ke asi tak be nyia, ¹⁴ "Yi bai ming atyok wui nang yi nyia a tyai anyet ba nyia akatuk nkyang ani, da yi li , ndirim gu azaghii nyin nang yi fwong nsinshia gu ming nyia akatuk kyang nang yi fwoi gu nyia a nyi ani ba. Kaai, Heridus ma anya wa, da nyan ke nang gu mbwok ming angu abai dio ming anzit ani, da yi li anyia kyang hu tai akhu ani ba. ¹⁶ Ning dai nnan jong gu zot nkai gu nhwon. ¹⁷ Manini Bilatus si shim gu anwak Yahudawa be ati anyiung ma khwo be dinjan nswong zi. ¹⁸ Basi kurok nkun alyat nyia, "A-kyak atyok awai an kat dio akai Barabas aghwon zit dio!" ¹⁹ Barabas ku yet akhwo wa nang a fang ani da nyan nkyang nang gu nyia ma kirang ke ani, mbiyang ayin gu byat ani. ²⁰ Bilatus si yurong be atung ndung alyat ming ambe nang gu nchat kai Yesu aghwon ani. ²¹ Basi tan ming aybandang anwat a lyat nyia."Alyau gu, alyay gu." ²² Asi kirak ming ambe atyam atat nyia, "Yi chat a hyat gu da ngan iwhaha? Ning nshia gu ming kyang nang anan hyat gu ani ba. Nna kai gu nghwon." ²³ Basi nbiyang akanan, alyat ming chet nyia a lyau gu. Alyat be ne si shia shim ²⁴ Bilatus. ²⁵ Asi nwak gu bata hyat. Asi ķai atiu nang atabat ming hyaai anyet asi fang ani aghwon. Asi nwak be Yesu di chat be hu. ²⁷ Atyok ming anyiuk batak kunak gu ani si tabat vak a hwui gu. ²⁸ Yesu si bwak a lyat ming ambe nyia, "Anap Urushelimma, yi yok twoi da nyan ning ba , yi twoi da nyan ayosia nyin ming nmam nyin ne. ²⁹ Yi nwan yi li nmam chabai nang ana ndiyat nyia, 'Atsatsak ayaa nakhu anyiuk be na yet, asi be nang nman nwaai abibiyen be ani ba.' ³⁰ Jan azaiza nang ba nan shai tsutsok nfang nyia , 'Zi shwot akwoi danzit ming akafan ne, zi khwui zit.' ³¹ Ki nang ba nyia nkyang nai nang akakon ne yet ashyim, huna li niwa ki nang na khwot? ³² Atyok agyang ming atang afìyang, asi kyak be anat dio ata hyaai. ³³ Ban chong ata ntat avwuo ke nang angyai knukup-apia ani, ba si lyau gu, nbi yang atang be, atianyiung din bwak yak, atianyiung din bwak myam. ³⁴ Yesu si naai Agwaze nyia, "Achia, lyang be katuk be hu da nayan ke nang ban dyen kyang ba nyia ani ba." Basi nyia tinini din kyang ming ayaa turo gu be. ³⁵ Asurong anyet ke si yong a nwan nang anyet bang akinang be shia di mai gu alyat nyia, "A saai agyang anyet. Gu san apsia gu ali kinang gu wa yet Yesu nang Agwaze, khaai atin ani." ³⁶ Ayaaa lab-afang be si lyat-amai gu a nwat gu asasat asakwo nyai gu swo, ³⁷ atse lyat nyia, "Kinang nwana yet Agwam Yahudawa wu, a san apia a." ³⁸ Asi lyau alama atam gu asin diru nyia, "YI AGWAM YAHUDAWA WAWU." ³⁹ Atang anyiung nang a lyau dindung ming angu ani si tok gu nyia, "Ngyai nwana yet Yesu a? Sam apiaa ming anzit." ⁴⁰ Atianyiung wu si kirak nyia, "Nwan, afak awun Agwaze, nang zio nshia mi zot tankau nyiung ming angu ani da? ⁴¹ Ning ming anwan, a lap zit da tsatsak mat kyang nang nyia wa ani. Atiwui nyia akatuk kyang ba." ⁴² Asin biyang kirak nyia, Yesu jzung ning kinang ata kyak kyang swat ahu atanzwe." ⁴³ Yesu si tak ming angu nyia, "Atsak-alyat nfak ming anwan afwun anu swam ming aning amali fak nyinyang sang sangbap." ⁴⁴ Nang tswam atee zi bwat dadai, avwuo ke si tabat tyai diduuta nat aketukke tswam akubunyiung, ⁴⁵ nang sai bo nshia ba. Tiyang atuvo nyinyit zi nang zi shia da vwuo naai ke ani si siyet ma kawo chia kyak atanzwe tanat abin. ⁴⁶ Yesu si hyat kun ming chet nyia, "Achia, nbwak akya nang nghwontswa ning zi." Gu nkirak anya ani , asi khu. ⁴⁷ Ania-kwop wa ndi kyang hu bai tyak ani, asi dyep Agwaze a lyat nyia, "Atsatsak, atyok wui yet atun ayin wa." ⁴⁸ Kakap apke-anyet ba tung ba si li nkyang na bai tyak ani basi bwok atsot nfirkng. ⁴⁹ Anyet ba liven gu nbiyang anyiuk Galili ba hwui gu ani si yong abang a nwan nkyang neming agade. ⁵⁰ Atyok agyang sin shia ayet atianyiung mami swat anekhop anyet be, angyai gu Yusufu, a-tsatsak ayin wa nang gu yet ⁵¹ (a lak shim nkyang ba nyia ani), a ghuut ma kirang Arimathea kya ma kirak Yahuduwa, swan a afuwong bai shii Agwaze hu wha. ⁵² Ngu Yusu fu si nat ata shia Bilatus asi lyip gu kom Yesu hu. ⁵³ Asi kyak kom hu asi gat ming tyang atum swai asi ta nyat gu amami abi nang a tung da fung ani din tyan zi nang akan nyat kom ayin ani ba. ⁵⁴ Atuk mam jzi swat kya nang mam Asabat hu chabai kpankpiyen ming kwe. ⁵⁵ Anyiuk baku hwui gu lilim kyak niyet Galili ani si chong ata nat da bike bata li gag nang anyat gu ani. ⁵⁶ Basi bwok anat basi ta jzii hyau nyinyang. Atuk Asabat ke, basi fwung nang alyat Musane nsak ani.