¹ Da chak ke nang aniyet chikwop ma didit ntabat tung a shái āgyang āni, āsi tabat liyat ming nman ntam gune da tse nyiā, "Yi tabam ming kpat aliyat ānyet shāi lyen bai na liyat di shai yet ātsatsat ānyet bwok akalah hu āni ba. ² Ātsak ālyat wu wa yet, kudang kyang afiyep āni na bai kpai, sihu a nyat āni na bai nte a lyen. ³ Anyawa kudang kyang a liyat mi dyin āni āna fak hu ma kpai, aliyat nang a chuwang ma fufwo di takup āni, āna fak ne da tan āvwuo. ⁴ Akpandang ning, ntak ming anyin, yi yok fak awun ānyet ba na hyat vam mgbam, ba na sang kyang gyang di nyiā āni ba. ⁵ Nna hwat nyin afufwo da āti'u yi na fak awun gu āni. Yi fak awun āti'u āna hyat vam a kyak a ate min dong hwa āni. Ātsak, ntak nyin, yi fak awun gu. ⁶ Ngyai ályai āyaa gbininying aghwon di ntswam tswon zaa? Ming anya āna being jzwung āzaghi Āgwaze ba. ⁷ Psiā nyin hu ma a fang huu. Yi yok fak awun ba. Yi āwak āyaa gbininying ma didit. ⁸ Ntak ming anyin, kudang āyin ma nyin a shai áyirok ning ke ma nyet āni, Ngwon atibishii ke na tak ming nman ntam Āgwaze ne. ⁹ Ma anyawa āti'u a tan lyen ning ma nyet āni, ning ma nna tan gu āzaghi nman ntam Āgwaze ne. ¹⁰ Kīnang āyin lyat katuk di ngwon atibishii āna yok gu, āti'u a liyat katuk ātanzwe azazirak ntswe āni, āna yok gu ba. ¹¹ Kīnang a bai ming ayin,da vwuo naai, āzaghi ānyet bang tyok, yi yok dam gag yi nan turùng psipsiā nyin āni ming kyang yi na liyat āni ba, ¹² azazirak ntswe wu na bai min Jan a miyam nyin kyang guna lyat āni." ¹³ Āgyang ānyet ma kpe ke si kīrak nyiā, "Tak ming Ānanhyiuk ning wu a kau chest gu zi ming aning.". ¹⁴ Yesu si tak gu nyiā " Ātyok, Anyanana sak ning yet makawochiā ālyat nyin?". ¹⁵ Āsi tak be, yi sak psipsiā nyin zan ming ashishok da nyan ke nang swan atibishii zi ngyet zwe za mgbam āni ba. ¹⁶ Yesu si bwok be tashikum nyiā, "Abin khyap ati biā zwe āgyang yong yak didit, ¹⁷ hu wha gu nyiā, 'Iwhaha nna nyiā, da nyan ke nang nyiā āyaa agbandang din saai yak hu āni ba. Āsi tak apsiā gu kyang gu na nyiā ani? ¹⁸ Gu nyiā, nna vwoi achuyang āyaa gban wu nnok achachet, azawa nnan chiā yak ning hu ming nkyang jyang. ¹⁹ Ntak swan ning zi nyiā " Ābiā zwe di sak, ndiā ma didit. Fwung ma Sat, gye á swo á fak nyinyang apsiā'a." ²⁰ Āgwaze si tak gu nyiā 'Abwon āyin, aketuk kai a chat swan azi, nkyang nang a tung āni na yet āshiā anyaniya? ²¹ Anyawa nang hu ndi ming āti'u a sak apsiā gu nkyang atachiā āsi sang zwe me Āgwaze ani. ²² Yesu si tak nman ntam gune nyiā, "Ntak nyin yi yok dam swan nyin zi ba, kyang yi na gye āni, ming vam nyin hu, kyang yi na kup ani ba. ²³ Swan nyin zi āwak kyang yak, vam nyin hu si LAN āyaa turo. ²⁴ Yi nwan āyaa bwa be, ba chwui ba di mbe ba chak ba. Ba biā āvwuo saai yak ming āyaa gban ba, Āgwaze just be yak. Yi lyen nang yi ndan akaman ne daa! ²⁵ Anyawa ma nyin āna mbiyang ba chinchong din swan gu zi? ²⁶ Kī nang yi na nyiā ba dadai kyang nang sawhai āni ba Iwhaha nang yi na ndam kum nkyang? ²⁷ Yi nwan áninyim āmbwat be, sangag zi ba ndaai ani. Ba nyiā tam ba di ba nok wulu ba. Ntak ming anyin, Solomon ming adidit nzwe guu hwui ayaa turo ba yet asham anya ani ba. ²⁸ Kī nang Āgwaze kup chiyat áyit āyaa turo, zi shiā achet afwun, atswon zi nwo mi ndong, āna nyini wa a nwai kup kapang nyin zi, nyin ānyet biā ba dadai sak mi fwo. ²⁹ Yok chat kya-yak ming kyang swo ba, a yok nchiā fwo da adidam ba. ³⁰ Akakīrang swat-nte ne chat nkyang nai, āchiā nyin wu si lyen nang nyin ma yi nchat ne. ³¹ Yi chat chuk nswat gu zi, a mbiyang nyin nkyang jyang. ³² Yi yok awun nman ning da nyan ke nang āchiā nyin wu na nfāk nyinyang jong nyin nkyang āvwuo nswat gu ne āni. ³³ Lyap nkyang nang a biā āni a akau ānyet sang kurum hu. Sak apsia shit ātanzwe di tyan zi na nkwot āni ba, da vwuo ke nang átang nchong ani ba, nang chinchaai na nbyan āni ba. ³⁴ Āvwuo ke nang zwe āzi nshiā āni azawa nang fwo ahu nshiā amgbam. ³⁵ Lap áfang ming ajunjung aturu a wu, ayok long nsang ahu nang hu sai, ³⁶ yi li nang ānyet ba swan a fwong āti'ali be ābwok nyirang ani, kī nang gu mi lwui be nyinyit hu ba tagham a hkuk gu dio di njan. ³⁷ Ātsatsat ānyet bya akhwo be nang ati'ali be wu bai ami shiā nang ba swan afwong gu ani. Ntak nyin atsak, ana lap áfang ming ajunjung āturo gu wu a swan ba gye yak ndung, guwa ma āna kau be yak hu. ³⁸ Kī nang gu bo bwok aketuk da tsan akafiyang ke, ming akatat ke āsimi shiā be nang ba swan, akhwo abyai yet atsatsak akhwo bya. ³⁹ Nchat yi lyen nang ka ati'ali wu shiā lyen jan jzi nang atang na nbai ani, ana shim a takyak a nwo gu amali ba. ⁴⁰ Yi swan akatsak da nyan ke nang yi ndyen jan jzi nang ngwon atibishii na nbai aniba." ⁴¹ Peter nyiā ming angu, āchiā zit bya nang ábwoi zit tashikum jzi'a, kī ming kudang āyin wa? ⁴² Gu nyiā ming āmbe, "Anyana yet atsatsak ming atat-aghii ati nwan avwuo nang gu na jong gu akhwo gu be a jong be yak da tsatsirak njan āni? ⁴³ Atsatsak akhwo wa wai nang ati'ali gu wu na shiā gu nyia anya ani. ⁴⁴ Atsak ālyat, āna jong gu kudang kyang nang gu biā ani. ⁴⁵ Kī nang akhwo awai lyat atanfwo nyiā, "Ati'ali ning wu bwot angang ba,' āsi tabat tswot asam ming anap akhwo be ātse a gye a swo a tabat hyeng, ⁴⁶ ati'ali akhwo wu na bai da chak nang ba ndyen āni ba, ami fak gu da kukum ānat ming angu āta sak ming ānyet sang achuchuk. ⁴⁷ Kī nang akhwo awai lyen kyang chat ati'ali guhu, asi lak jyii gu kyang gu chat ani, ana tuu guu. ⁴⁸ Ati'u a lyen ani ba ana tswot gu shonshwon. Āti'u anang gu agbandang ani, ana chat agbandang da vwuo gu, anyawa āti'u nang ajong gu kyang hu shii ani, ana chat si hu shii a swak ani da vwuo gu. ⁴⁹ Nbai chiā long wha mi swat-nte hu, nchat dang hu shiā di gye wha ma nini. ⁵⁰ Mbiā baptisman āna nyiā ning dio ani, jzi za nang nswan nfwong átyak! ⁵¹ Yi ngyai nbai ming swat nyinyang wha mi swat-nte hu ke? Kaai, ntak nyin, nbai kau wha. ⁵² Kyak di njan jzi tanat azaswon ana shiā anyet afwon ámali, ba kau, atat ba lak afiyang, afiyang ba lak atat. ⁵³ Bana kau, āchiā a lak ngwon, ngwon ka lak achiā; āyang a lak anap, anap a lak ayang; ayekwop ayang a lak ayekwop anap, ayekwop anap a lak ayekwop ayang." ⁵⁴ Yesu si mun a liyat ming akpe anyet ke nyiā, "Kīnang yi li aninyan ba tagham di mbwak yak, yi lyen nang ze za nchabai tsurim. ⁵⁵ Kī nang wun mbwak myan hyap, yi lyen nang āvwuo firim kya nchabai. Abwon chat shai lyen, ⁵⁶ Katuk aniet, yi lyen shai swat nte ming tanzwe, yi nyani wa nwai lyen kyang hu na bai-tyak manini āni ba? ⁵⁷ Yi nyiā niwa nwai jyii kyang hu yet ani ming apsiā nyin ba? ⁵⁸ Kīnang yi chong ming ati chat lap nyin, yi kai vak jyii, kī da ku da kwak nyin anat dio da vwuo ati jyii a kyak nyin ānat dio di lap. ⁵⁹ Ntak ming anyin yina ghuut mi khwo hu ba dimi tan nghiyen kurum wu ba."