¹ Jan jyang nang gu tyak naai da vwuo āgyang, ātia- nyiung mami nman ntam gune nyiā ming angu, "Atiali, miyam zit sangag zi nan naai nang Yoona nmiyam nman ntam gune āni." ² Yesu si tak be nyiā, "Kīnang yi naai yi hyiā anghii, 'Āchiā, āyirok áke ka yet azazirak. Yok shii ahu hu chyok ābai. ³ Nang zit kudang mam kyang-yak. ⁴ Lyang zit katuk zit hu di sangag nang zit ma ndyang katuk hu agyang anyet nyiā zit dio āni. Ayok nat ming anzit da vwuo shot-kwe ba." ⁵ Yesu si lyip be nyiā, "Anyana ma nyin ana nat ming akpandang gu atyakau āketuk āta naai gu nyiā gu hwap gu ākonkwong á tat gu āta jong anachan gu da nyan ke gu nsang kyang guna jong gu agyiā āni. ⁶ Akpandang wu ānyiā ming angu di gu yok shin gu ba. ⁷ A tak gu nyiā akan fiyep nyinyiit hu, nman gu ne shiā dindùng ming angu ahkyat nde. Ana shiā tagham ajong gu ākwonkwong ba. ⁸ Ntak ming anyin da nyan ke nang gu nshin gu ming lirim āni, āna tagham a jong gu ākonkwong di sangag jzi nang gu nchat āni. ⁹ Anyawa nang nshai nyin, lyip, āna jong'a; chat, āna shiā; lwui, āna hwuk adio. ¹⁰ Kudang ati lirim saai; ati chat si shiyat; ati tswot nyinyiit, a hwut gu dio. ¹¹ Anyana ma nyin nang ngwon gu na lyip gu ākwonkwong, gu a jong ke afang, gu a jong ke zwak da shai afan? ¹² Kī nang ka lyip gu achii-nwan a jong ke nyang. ¹³ Kī nang nyin aniyet nyiā katuk lyen gag nang yinan nwak nman nyin atsatsak zanang ani, Āchiā nyin wuwa na lak jong nyin Azazirak ntswe nang yi lyip gu ani'a?" ¹⁴ Yesu si kyak jan aturung adindung ātanghīrang nang ba swan nyonyáng. Ātanghīrang ke ndurok ghuut āni nyonyáng āyin wu si tabat lyat. Asurong anyet ke si fak agade! ¹⁵ Ming anya āgyang niyet si tabat lyat nyiā, "Da yurok Beelzebul ngwon ātanghīrang kya nang gu nvwong ākatuk ntswe be." ¹⁶ Āgyang aniyet si mak gu nyiā gu nyiā be kyang āgade niyet atanzwe. ¹⁷ Yesu liyen ādidam be wu amgbam, gu nyiā ming ambe, "Kudang tyok hu sirang apsiā hu āni na yong ming chet ba, anyawa ali ka fwoi ani na shot akwe. ¹⁸ Ka ātanghīrang ke kwan ming apsiā ke, tyok kehu na yong'a? Yi nyiā nturung katuk ntswe da yurok Beezebul. ¹⁹ Kī nang anyawa, da yurok anyan kya nang aniyet hwui be nturung ne? Da nyan ākyai kya nang bana nzop nyin. ²⁰ Kī nang ming gaswong Āgwaze za nang nvwong ātanghīrang ne, tyok Āgwaze hu na chyok ābai ming anyin. ²¹ Atyok a chok ali gu shansham āni, kyang na shiā ke ba. ²² Kī nang ātyok āgyang swak gu ming chet āna san nkyang nzwang gune, a kwok zwe guzi. ²³ Ati'u a shiā ming aning āni ba lak ning, ati'u a tung dindùng ming aning āni ba sirang wa. ²⁴ Kīnang ākatuk ntswe ghuut ma yin, zi na swak āta chat āvwuo fwung, kī nang zi shiā ba zina lyat nyiā, nna bwok nnat āmali ning ke nang nghuut āni. ²⁵ Kīnang zi bwok, zina nat ata shiā nang a jzii ali ke. ²⁶ Zi bona nat āta kuyak ākatuk ntswe anatat ba lan zi ming katuk āni zi swan dindùng ming anjzi. Swat nte ātyok ahwai na swak shiā amalyim hu ming katuk hu. ²⁷ Jan zi gu nshiā di shai ālyat nai āni, abyiuk āgyang si kīrak ming angu mi chet nyiā, "Ātsatsak wa nang āvwuo ntyei áke yet, mbiyang abiyen nang a nwaii ani" āsi bo kīrak nyiā," ²⁸ Anyawa nang hu ngyet, aniyet ba fak ālyat Āgwaze ne ba sin nyiā ntam āni yet ātsatsat aniyet. ²⁹ Ānyet be ntabat tung ndung āni, asi tabat lyat nyiā, "Jan jzii yet ākatuk njan wa. Zi chat nwan āgade wa, āna nyiā be āgade ba kīda āsi Jonah wu ba. ³⁰ Ma nang Jonah ku ngyet āgade mi Ninevet āni, anyawa nang ngwon atibishii na ngyet āgade mi njan jzii. ³¹ Sarau atak wu na tagham di njan zap jzi ming ātyok achak awai a sirang be, danyan ke nang gu nbai niyet di sangbap atachiā zi za gu a fak lyen Solomon hu, gu ali ati'u a swak Solomon āni nshiā da vwuo ke. ³² Ātyok Neneveh be na tagham ayong atuk jap aniyet achak abyai ba jzii be da nyan ke nang ba nnaai min jan nang Jonah nchiyet āni, ba li āgyang aniyet alan Jonah ani gu shiā da vwuo ke. ³³ Āyin si nbwo long din sang āta niyat ba, di ngu āna sak hu atafe atsirang ba, āna sak da gangang āvwuo aniyet be ba ka li sai ndong hu. ³⁴ Alili abe bya yet long vam a hu. Kī nang alili a be yet vam ahu na sai kyenkyaii. Kī nang alili abe yet ba, vam ahu na nhyat ming lin. ³⁵ Tabam kī da sai vam ahu huda yet lin. ³⁶ Kī nang vam ahu sai, husi byiā adindiyung āvwuo ba, vam ahu miyang na li nang long nsang ani hu sai da nwan." ³⁷ Yesu ntyak liyat āni, ati shai lyen aliyat Āgwaze āgyang si yirong gu basi nat gye yak āmali gu. ³⁸ Āsi fak agade di sangag zi nang Yesu ntabat gye yak hu dimi kwui mbwak gune āni ba. ³⁹ Yesu nyiā ming angu,"Nyin aniyet shai liyen, yi shwoi amami nkham ming alide nang amami nyin ke nhyat ming shim fwo ming katuk. ⁴⁰ Nyin aniyet sang adidam! Āti'u a jzii amami ke āni guwa jzii te zi daa? ⁴¹ Yi nang aniyet sang kyang be amami ke kudang kyang hu chiā shansham. ⁴² Ku swan nyin aniyet shai lyen, da nyan ke nang yi nvwoi shop ming aninan akakon ani, mbiyang lak ātsatsak ming chat Āgwaze hu āni. Hu yet yi nyiā tsatsirak yi chat Āgwaze, yi yok ghwon nkyang njyang ba. ⁴³ Wae nyin aniyet shai lyen, yi chat swat āzaswon āvwuo naain ming byat mi tunga. ⁴⁴ Wae nyin, yi li nang lyak nang anwai chit ani, aniyet nchong ātanzwe di mi lyen be ba." ⁴⁵ Ati miyam swat Yahudawa āgyang si shim nyiā, "Ati miyam, kyang áliyat āni bsyan zit fwo nzit ma". ⁴⁶ Yesu sibo kīrak nyiā, " Wae nyin ma aniyet miyam swat! Yi psiyet aniyet akpididyik nkpat nang yisi nkpat āni ba, da nyin ma yi sin de kpat ahwai ming gaswong nyin ba. ⁴⁷ Wae nyin, yi nok abubwat di ndyak aniyet liyen aliyat Āgwaze nang anekhwop nyin bya hyaii āni. ⁴⁸ Yi lyen kyang nang anekhwop nyin be nyiā āni, bibya hyaii be yi sin nok be abubwat di ndyak bene. ⁴⁹ Da nyan ākyai kya, lyen Āgwaze hu si ntak nyiā, 'Nna tam ming āmbe aniyet lyen aliyat ning ne ming nman ntam bata vwoi be ba hyaii be ambiyang. ⁵⁰ Aniyet achak bai bya nang ana bang akonu aswok aniyet shai aliyat ning ne niyet di jzii swat-nte hu, ⁵¹ kyak da swok Abel ne ming Zakariya nang ba ku hyaii da vwuo bok ke ani. Ātsatsak wu wa nang ntak ming anyin, ānyet achak bai bya nang āna bang akonu ke. ⁵³ Yesu nghwon āvwuo ke āni, aniyet luru be ming aniyet shai lyen be si lak shim gu hu basi tabat saai fwang ming angu di nkyang ma didit, ⁵⁴ achat ba lap gu ming nkyang nang gu liyat āni.