¹ Nkyang anyai ntyak āni, agbandang wu si kyak aniyet nswak anatat āgyang, āsi tam be afafiyen ba kyak aswon gu ānat amami ákākīrang nang gu chat ānat āni. ² Gu nyiā ming āmbe,"Chak yak hu shii, aniyet ntam be bya liyet. Da nyan ākyai, yi naai agbandang ati chak yak wu āngang, gu atin aniyet chak yak be ba bai. ³ Yi kai vak nyin. Li, ntam nyin nang zwon siyep āni amami jafuk. ⁴ Yi yok kyak kurum ba, yi yok kyak ampot chiyet ba, yi yok kyak ākwetak ba, yi yok byat ayin di nvak ba. ⁵ Kudang ali nang yi nwo, yi tak be nyiā 'Shyim fwo hu swan āmali kai.' ⁶ Kīnang ati shyim fwo shiā āza, shyim fwo nyin hu na shiā gu, kī nang anyawa ba huna bwok ābai ming anyin ⁷ . Yi swan āmali ākyai, yi gyiā yi swo kyang ba nang nyin āni, ati khyap gyiā alahyiā gu. Yi yok hwui akase-akase ba. ⁸ Kudang agbandang ākīrang nang yi kai basi san nyin āni, yi gyiā kyang yak ba sak nyin dio āni, ⁹ yi shyim aniyet nzwan be āza. Yi tak ming ambe nang, 'Tyok Āgwaze hu chabai kpankpiyen ming anyin.' ¹⁰ Akīrang nang yi nwo basi san nyin ani ba, yi kai vak shai nyiā, ¹¹ 'Nbwuk abin nyin ne da titak zit be ma zi na yurip ne kurok nyin dio! Yi lyen dai, chuk Āgwaze zi bai kpankpiyen. ¹² Ntak ming anyin nang mam zap atan ming ākatuk hu na swak kyang hu nang a nyiā ākīrang Sodom ke dio āni . ¹³ Wae nyin, Chorazin! Wae nyin, Bethsaida! Achachet nkyang nang a nyiā mi Tyre ming Sodom āni kīnang nyin bya awa nyiā nyin dio da ba ku naai niyet agbangbang, basi swan ming akyekyak āyaa āturo abuk mi ntong. ¹⁴ Huna swak anya ma kīrang Sidon ming Tyre di njan chat zjii zi. ¹⁵ Nwan Capernaum, adam nyiā āna kyak'a ānat dio ātanzwe kyaa? Kaai, āna nat ming anwan āmali ndog. ¹⁶ Āti'u a fak nyin āni fak ning, āti'u āsi lak fak nyin āni lak fak āti'u átam ning áni wa." ¹⁷ Aniyet nswak anatat be si bwok da gwai, aliyat nyiā, "Āchiā, ātanghirang ne ma nwak apsiā be da yurok áke." ¹⁸ Yesu nyiā ming āmbe, "Ndi atanghīrang ke shot aniyet ātanzwe āmi kwe abin nang alirap ndong ani. ¹⁹ Li, njong nyin tyok ming shii yi shái zwak ming nyang mbiyang aniyet ba lak li nyin āni, kyang simin shiā nyin ba. ²⁰ Amgbam ming anya, yi yok gwai nyia azazirak tswe wu fwong nyin ba, yi gwai nang a nduru yiyurok nyin hu atanzwe kya ani." ²¹ Da chak anyiung āsi gwai ātanzwe azazirak ntswe wu ātse aliyat nyiā, "Ngwai ming anwan, Āchiā da nyan ke nang a nniyat ming aniyet lyen nkyang nai ani āsi tiyak ne āzaghi aniyet nwai lyen nkyang nang nman āni. I, āchiā, anyawa á ndi hu ngyet āzaghi'a." ²² "Achiā ning wu jong ning kudang kyang hu shiā da vwuo gu ani, āyin lyen kyang ngwon ke yet āni ba kīda Āchiā wu, anyawa āyin lyen kyang nang āchiā wu yet āni ba se ngwon ke mbiyang āti'u nang ngwon ke chat gu a lyen āni." ²³ Āsi bwak ānat ming nman ntam gu ne, a shai be da bang nyiā, "Ānyet ba li nkyang nang yi li āni shiā dyep. ²⁴ Ntak ming anyin, anyet nwan āzaswon mbiyang agwam, chat ba li nkyang nang yi li āni, basi li ba, ba shiā fak nkyang nang yi fak āni basi fak ba." ²⁵ Āgyang atuk ati miyam swat Yahudawa si durok ayong a mai gu, nyiā, "Ati miyam, Iwhaha nang nna nyiā nshiā swan nat sangbap?". ²⁶ Yesu si lyip gu nyiā " Iwhaha nang a luru mi nkwe bang abin hu? Niwa yi nfang hu?" ²⁷ Asi shim nyiā, "Kpat ha hu yet a chat Āgwaze awu ming boliā azi, ming swan azi ming chet ahu mbiyang fwo ahu, a chat byek azi nang a nchat apsiā'a ani." ²⁸ Yesu nyiā, "A shim shansham. Nyiā anya, ana shiā achet." ²⁹ Ati miyam wu si chat a jong apsiā gu ātsatsak, hu hear gu nyiā ming Yesu, "A nyana yet byek ning zi?" ³⁰ Yesu nyiā, "Ātyok āgyang durok Urushelima chong a niyet Yerico. Āsi chong āta mim ming atang, basi san nkyang nang gu biā āni, basi tswot gu āsi tyat akhu. ³¹ Chachirak nang Fada āgyang chong di nvak hu, gu ndi gu ani, āsi tiyep a swak di nkyung. ³² Anyawa, Livite āgyang si bai, āsi kai di nkyung āsi swak. ³³ Samaritan agyang ma nchong ata tat di tyan zi nang gu nmyan āni, asi fak kunak gu. Āsi tak wui gu afifat be asi nkwon hyau āsi voi gu dio . ³⁴ Asi kyak gu atanzwe Kazanki gu ke anat dio da vwuo chok ānyet. ³⁵ Da tsotswon tat āsi kyak dinari āfiyang ajong ati chok āvwuo wu, gu nyiā ming angu, 'Nbang guu, kī nang nbwok, kyang hu nghiyak atanzwe ani nna tana.' ³⁶ A nyana ma nyet atat bai yet byek āti'u nang ātang be tswot ani? ³⁷ Ati miyam wu nyiā, "Āti'u a fak kunak gu āni wa." Yesu nyiā ming āngu, "Nat āta nyiā tsatsirak anya." ³⁸ Jan jzi nang ba chong dindung, āsi tiyep akai ba kīrang agyang, abyiuk āgyang an gai Mata si san gu ānat dio āmali gu. ³⁹ Āsi ta swan azaghii gu dindùng ming Ānanyiuk gu nang Yesu miyam be. ⁴⁰ Mata si nat ata tabat swo abung wan kyayak. Asi bai din tyan Yesu ālyat nyiā "Āchiā, ábiā ādidam nang Ānanyiuk ning wu nkai ning ahgwon nang nhyai ntam ne anyin ning āni daa? Tak ming angu a bai a biyang ning. ⁴¹ " Yesu si shim gu dio nyiā, Mata, Mata, ádam nkyang ma didit, ⁴² kyang nyiung ha swak yet àtán. Mariyamu ka tin ātsatsat kyang wu nang abo sin san ming angu āni ba."