¹ Ānanyuik, ki a tabat atyok minyia abombwo nkyang, nyin yi bia tswe zi ani seh nyi buwok mang angu sak mi-ntswe āshonshon. Nwuan apsia-ah nbiyang aki shot nmak hu. ² Yi kpot aya-ākatuk āghyang awad nyi na tan bang kristi zi. ³ Awad ka ayin nhuwuan apia gu nang ati alyen nkyang ha ani nang gu lyen kyang ba, alaii apia gu kyah. ⁴ Konyan gu mak ntam gu ne, ana bziya kyang mami gu nang gu manyin gu na ngwud agung ani, nang guna nghwai tyam apia gu mang agyiang āniet bah. ⁵ Awad zuzang ayin na kot kpod gu. ⁶ Machi nang amiyam gu swāng aliyad zi huyed gu aku atan nkyang mang atinmiyam wu. ⁷ Yok shim alaii ah ba, ayin simin nmiyed Āgwaze bah. Mi kyang nang guna atibishi tip ani huhwa nang guna tin khiai. ⁸ Awad atiwu atip katuk minfuwo gu ani ana chak ābwonbwon mi vam gu hu, awad atiwu atip amami ntswe ani, kyang hu ghwud min ntswe zi ani anan ntsak suwan sang sangbab. ⁹ Ziyok van minyia atan wu bah, jan nabai chachirak nang zinang npsiyed zanang zi ani ki zi but min fwo bah. ¹⁰ Awad anya, ki zi bziayan azai yok zi nyia konyan ātan kyang, anyed bashia amalii anyed nwuak āchuchuk ke āni. ¹¹ Di-kyang hu nang agbandang kwe abwad du nang nkun diru nyin dyo mang bwak nung hu ani. ¹² Anyed bachia nvam bone adason ani, bana bang nyin abobang aka chia nyin minchan, adanyan ke banan nhwai suwo zod ada zatiyen kristi wu. ¹³ Awad anyed beh ba chia apsiya beh minchan ani kwue bang zi bah, di sisak a zai ba chat achi nyin minchan di sangag zi ba na ngirab di nvam nyin ne ani. ¹⁴ Nchad ngyed atia ghwud agun ani ba seh adanyan Ātyia li Yesu kristi, nang atachia ke ku kpang ada zatiyam wu adanyan nūng nung mamiyang ada tachia keh. ¹⁵ awad kuh achia minchan kuh ahwai tia minchan hu yed kyang, awad ma miyang jhi-fai hwa nswang. ¹⁶ Kakab anyed bana swan ada nyan atin-aliyad kai ani, yok shok nbiyang fak-kunag hu swan dam beh, hu bo swan di Isirelawa Āgwaze beh. ¹⁷ Kyak afun tanad adanson ayin gu yok tse nung din jia ba, adanyan keh nang nbziya Zwunzuwo Yesu min vam nung hu ani. ¹⁸ Yok shok Ātyi li Yesu kristi zit zi shiya mang ntswe nyin zi, ananyiuk ku swuan nya.