¹ Ka ānyawa, nang ākhwuo dīn tām Āgwaze āni, nchat nyin ni nyia swat nwsan ku tai yurong nang Āgwaze ng-yurong nyin ani, ² mang āgbandang ghyiuwai āpyia, ashonshion nyia mang shimfwuo, ni shim āghyang nyin di chat. ³ Nyi kwan nyi nyia ātan nyia āna bzia nyin āzazarak nswat ma ākabe nswat nyinyang. ⁴ Ā byia vam nyiung ha, mang āzazarak ntswe anyiung ma nang ákun ngyurong nyin ma fwuo nyiung an chat an yurong nyin ani. ⁵ Ānyawa nbyia Ātyia li ānyiung, nwuak āchuchuk ānyiung, babtisiman jhyung, ⁶ Āgwaze ānyiung mang Ātyia li ā byia kudang nkyang āni, nang ā swak kkudang mang kudan-kyang āni. ⁷ Kudang ātyia nyiung zit byia zanang nang ā jong gu āni y dī sangag zi ān mak zanang Kristi zi āni. ⁸ Nang āliyat Āgwaze ne nshei āni: '' Jen zi gun nyiak anat tanzwe āni, āsí yet kwok-āson nzwang da āsí bē āyebiyet ani. Āsí jong āniet be zanang.'' ⁹ Mang nang an hyi ''nyia ā nyi-yak āni'', I waha su hyai yet, ka awa nyia da aku chyok ābin ā zi ba. ¹⁰ Nngu atyia ā chyok āni gu wa bo niyak ātan kat tanzwe ā ka nyia kudang nkyang. ¹¹ Zanang Yesu zi li an gyi: āghyang na yet, Āyaatam, Āyaatam ākwonu Āgwaze, ani shei aliyat Āgwaze, āni chok āniet khwi, mā āni tyiet. ¹² A nyi su hwi ku ki nwuak āniet khwi be chet nyia tam, ku na nok vam gu hu. ¹³ A nyian se naii bang ta nat zan zi apyia- pia zi hu nang munn zin bzia atsak fwuo lyen ngwon Āgwaze ke. Bang ta tat ma āchuchuk jen shiiet nang anang mak zit shansham dī lyen Yesu ma tam ngu ne ni. ¹⁴ A nyia su hwi ha zi ki nwai kyak āpyia zi nang nmam āni. da niyan anan nwai bwan fwuo zi ne ki kaat. Su hwi li angyi nang anan nwai ki bwan zi nang wun āni myiam zi nkyang ālaa, mang tyiet nzit nkyang mumwung be hu zit chat fwuong ani. ¹⁵ Ā ku nu ānyawa zin nan shei atsak āliyat dī chat āghyang ming yat hu zit nang dye lan di kudang vak dan ngu nang āyet apyia ke āni, Kristi. ¹⁶ Nggu wa mun amgban nkap vam ne nan ngyet vam nyiung chachirak. Mat bang kudang achip ha nang vam hu n swan kān karang. Awot kudang kpak si nyia ātsaktsak tam gu, vam hu si laai nbiyang dī chat āghyang amgbam. ¹⁷ Su hwi hwa nyi nang an nyin ani, n tangham nyin da Ātyia li nyi bo na yet āniet nwai khwi bā nang ban nyian nkyang na nwai yet āni mung fwuo nang ku na nwai biyang bē azan son āni. ¹⁸ Ba byia lyin apyia, ā nachan byia dī shia swan nang Āgwaze nwuat āni, mat nwai lyen kyang bā byia ani daniyan gbap āpyia bā shio dyo āni. ¹⁹ Ba nwuak āpyia be da nyian ā shishik nyia mang chat āpyia. ²⁰ Āwot ānyawa nyin myiam nkyang ne Kristi nyia āni. ²¹ Ka awa nyi yi fwong gu, āsí wot myiam nyin da āvwuo gu kya, nang yat hu āchuchuk Yesu ndin āni. ²² Nyi jip nyia āgbangbang zi nang nyi ku nshia āni nang nā yet āsí byian dī nkyang yet mā agyie nā lyia nyin āni. ²³ Nyi tīn yet akhw-khuop nyin hu da yat hu nyin nang ngyet āniet āfaai da āzazarak fwuo nyi hu. ²⁴ Ānyawa nyin nang tyia ā yin āfaai hu ā nwuo da nyin nang āyet nyia Āgwaze hu da ātsaktsak mang āzazarak āchuchuk ani. ²⁵ Kun adi ānyawa āni, nyi yok ālaa, ''nyi liyat ātsaktsak āliyat kudang ayniung nyin mang atia ā shia kpankpian mang gu āni, da gag hu zi byia āghyang āni. ²⁶ ''Nyi āligyiā, ā yok nyi ākatuk nyi bā.'' Yok shim mam ku kwe nang ā shia da ā li gyia bā. ²⁷ Yok nwuak ātanyirang āvwuo āni. ²⁸ Atyia ā aza nyīn āni, gu yok bo nyīn ba. Gu nan nyi ānya āni, ku yet te ha ānyi ātan tam ma bwak gu, ānyawa gu nang shia kyang gu nan nwauk āniet sang āni. ²⁹ Ābwonbwon āliyat gu yok ghwut mang nunu nyin bā. Kunang ndi ānya āni, yok ātan āliyat ā ghwut ma nunu nyin nang na na nok āghyang nyin āni kā nang bā chat, āniet bā nā fwong āni nā shia shot. ³⁰ Nyin biring nyi yok bian āzazarak ntswe Āgwaze hu fwuo bā. Daniyan ke nang an kpirak zit Āpyia-Agwam dī mam anan shai zit ani. ³¹ Nyi yok kudang āgbazizai fwuo, byian fwuo, ākurang, mā ā tiying aghwut mang nyin, mang nyi ātanyirang kakab. ³² . Nyin nyi āghyang ātan, fak shok, lyang ghyang katuk mang nang Āgwaze dī ngwon gu kān diyang nyin katuk ke ani.