¹ Ānyawa Agrippa sin hyia ma Bulud '' nyia nyi na liyat mang āpyia nyin.'' āzawa Bulud sin niyyab atabat gu āghop āpyia gu. ² N fak asayi mfwo Āgwam Agrippa, ndyat ādidim nung wu āzaghyi a āfwun dā kyang nang Āyahudawa be lyat dā nīng ani. ³ Ndyen āyet āgwak ā mung nkyang nang Āyahudawa be nyia mung kyang ba liyat āni, Mung ānyawa n naai ā fak nung mu fwuo shim. ⁴ Āchuchuk, āniet Āyahudawa be lyen yat nang nswan āni nyiet nang ngyet nggwon ma ābin Ureshelima ke. ⁵ Ba lyen nung dā āgbandang wu ba myim ba lyen nang nswuan nang ātia Farisiyawa ani, ngyet āchuchuk āyin mami āniet khwi be. ⁶ Mung ānyawa ngyonk zagyie nyi yin chip nung-abung ani nwuan ākabe nang Āgwaze yio mung ā ya atio zit be āni. ⁷ Ma ānyawa nwuab sak-mun-afiang nkhwi Āgwaze ta mam mung ākyetuk, ma ānyawa zit sak fwuo zit ntat sakk fwuo nang zit byia aniya, Āyahudawa be ndak li nung, Āgwam! ⁸ Yihwa nbyio ān dam nyio bzyio ah Āgwaze nang tagbok āniet kukwi be. ⁹ Mung jen ziang nna-dam nyio ngyang ākatuk nana bzyan āyirok Yesu Nazaret ke ani. ¹⁰ Nyio nya mung Ureshelima; nku lab ātsaktsak āyio khwui, nshi si tsak dā vwuo āya cin-nhwap zit be, jen ān hyai be āni, nku chio bwak. ¹¹ Ntsai bashi swo jot ma āka vwuo khwui nchat be nyio ābwonbwon kyang. Mu yad nang nfak ali-aghyie āni nshi vwong be ta nāt mak kakarang nang ba yet asi be āni bā. ¹² mung kyang nang nyio āni nchong niyyad Damasikut daniyan ātyia-ākhwuop mang tām nang ba nwuak mung ani. ¹³ Ma vak āti-tamam, Āgwam nsi lie long ku saai nang mam ani, ku si swan āpyia nung mung āniet nang ān chong mā mbe āni. ¹⁴ Jen zi zit nkwe ābin āni nsi fak aghwut ka liyat mang a nung da aliyem Ibriniyawa ke nyio, Shawulu, Shawulu, Ihwa nbzia an dak li nung? Yihwa nbzyia ān vwuo ma kyang ku na tib- a āni ?. ¹⁵ Āzawa nyio, nwana yet a nyan, Ātyia? Ātyia nyi,' Nung gwa ngyet Yesu a lak li āni. ¹⁶ Manini durok āyong mung ātitak angbe, ānyawa nang nbyai āzaghyi ah, nchio āyet ātie ntām nung mang ātia liyat āliyat nung dī nkyang nang ālyen du nung āni mang asi ne nang an nang shyi ma anwuan adanson āni. ¹⁷ ma ānyawa n nan ten ādanson āniet mang āniet ba nwai kān sān āyirok nung ke nang nchat tam a mung ambe ani. ¹⁸ āta khwuk agyi be bē, ātin be mang dyin ābai mang angbe ma ākpasai, mung chat ātanyirang anat mang angbe mang Āgwaze, Sangag nang ba nan nshia liyang ākatuk mang Āgwaze da katuk mnug gādo nang nna jong be nang nsak āpyia nung da nwuak fwuo nung hu. ¹⁹ Mā ānyawa Āgwam Agrippa, nku lak fak Ābobwoi nang na ku niyet ātanzwe ani ba; ²⁰ nsi chat liyat āliyat Āgwaze ne dā vwuo āniet Damasikut, Ureshelima, ta nat mā ābin Judiya mang āniet ba lak sān Āgwaze nsi hyia mang anbe ba wot ākatuk nyia be hu ba khwui Āgwaze, ba nyi nkyang ba nan ngwuon ākatuk nyia be hu. ²¹ Kyang hu āniet Yahuda be ntabat nung mung khwo hwi ke ban chat ba hyat nung. ²² Mā ānyawa Āgwaze si chok nung mā tat āfwun, ānyawa n yong āzaghyi Konyan shai mang ani-lat be mang áchachat anyet kyang nang ātia-shai- āliyat Āgwaze ne nang Musa hyiā na nyio ani; ²³ Yesu na swuo zwot, gu wa bo na yet ātia akhu āsí durok awot Konyan āni, a bo séi mang āniet Āyahudawa be ākpasai mang āniet ba lak sān āliyat Āgwaze ne ani. ²⁴ Ma di yong āhai, Āgwam Festus si tabgak ā yong mang āgbandang ānhwut nyi '' Bulud āyat ātyong zyib ah jem nkyang nang ā nyia āni tyei ā zyib.'' ²⁵ Āwot Bulud nyi n tyong zyib za ba Āgwam Festus; āwot āliyat nag ndyat āni n dyat ne mang atsak āliyat mang fwuo mun nyiung. ²⁶ Āgwam wu lyen āliyat nai; ānyawa ndyat mang nggu ma āchuchuk ma āwun ba, nwuak āchuchuk kyang an shi ma āliyat nāi nang gu nwyai lyen āni bā, āku liyat ne mung dīn kyung ba. ²⁷ Āgwam Agrippa a nwuak āchuchuk dā āyaātam da ākonu Āgwaze be?. Ndyen ā nwuak āchuchuk. ²⁸ Āzawa Āgwam Agrippa nyi nung Bulud, '' Ā fe āna tyia nung khwui ma bā ādadei jen kya?. ²⁹ Bulud nyi, '' n naai da yirok Āgwaze kū ma anggaang wa kū shonshwon wa, n naai nwuan mang āniet bai nyi shai āfwun. da mang a ya anyanyang n nang gyet ākhwo ba. ³⁰ Ānyawa Āgwam si tabgak āyong ma āgbandang Āgwam wu, ma Barniki, mang āniet ba swuan mang angbe bē āni; ³¹ jen nang ban durok ghwut mun-nyio hu ani, ba si yong da āgbang ā nyiung āliyat mang āghyang nyi '' Atyok yi nyia kyang ku myai ākhwo ani ba kū a tyei gu mang jaru ba.'' ³² Agribba nyia mang Festus, '' Kā atyia yi wa kan tak mang Kaisar āliyat nāi ba, dang zit na wot gu.