¹ Āzaghyi Āgwaze mā Yesu Kristi, bā na ghya āliyat mun āniet bā si mā swante hi ma si ba kān kwi āni, mā yat nan ngun ghwut mang āpyia gu ma shichet gu hhu, n se ā mā āgbandang ānhwut: ² Liyat swang āliyat Āgwaze zi, yong mī chat ku ma jen nang zi nbya nyinyang ku ma nyinyang āni bā. Ā ghai, ā biyak nfwuo bbe ne, ma myiam mung ātan shimfwuo. ³ Nshei ā jen nā bai nang āniet nang lak sān ātan myiam nyia āni. Mung ānya, bā na nwuak āpyia be ma āniet myiam nkyang nā nā nāt dīn nvak ākwe be ne āni. Mung nvak hi āfufu be bē nā suyang. ⁴ Bā nā nyim āfufu bē mā atsak āliyat wu, bā bwok nāt da fwong tasukum. ⁵ Ngwan nchat ā yong ma chet dīn kuzan kyang; shim swo zwot nang ān shio āni; nyia ntām atyi āliyat Āgwaze, ā tyak ntām āne. ⁶ Nung āka nwuak nung nang atyi zanang āni. Jen durok nung zi bai. ⁷ Nka su ātsaktsak zwot shie ma nvak ādidit; ntib ātitak ma nwuak fwuuo nung hu. ⁸ nung hu ma tsatsak nkyang nang nyio āni kun fwuong nung, shichet nang Ātyia li, tsatsat ātyi ghya āliyat nā jwong nung ma mam āhai āni; mā āniet nang bā ku bai bā si shim ghwut gu hu āni. ⁹ Kwan a yong māng chet ābai ma nung āngang. ¹⁰ Dimas kān wat nung, sangag nang gu tyi fwuo gu hu ma nkyang Ātachio āni āsí nkat Tasalonika, Karaska āsí nkat Galatiya, Titus si ma nāt ābin Dalmatiya. ¹¹ Mā luka ā shia ma nung. Nāt ā chat Markut nyin bai dūndung, ābya nunng ātan ntām gu nā nyia nung dyo āni. ¹² Nkān tām Tikikus mā bīn Afisa. ¹³ Tá kyak nung āturo-tyok nung wu mabin Karbus ma Taruwasa ma jen nang āna nbai ani, mā nkwe-nbwat ne, yok bwung nshia ākukwe ne bā. ¹⁴ Ātyi āfu āwai Iskandari kān nyia nung ākatuk nyia. Atyi li nā tān kyang nang gu nyia āni. ¹⁵ Nchat ā tyia āghyi mang gu, āyat ātyia yiung ā yong ma chat da lak āliyat zi ne. ¹⁶ Ma jen nang nyong ma chet zi kun nkyak āliyat ne āni, āyin ku lin nung āne bā, āyin ku jib nung. Nnayi āyok fang nkyang nai āpyia bē bā. ¹⁷ Āwot ānyawa Ātyia li yong ndung ma nung āsí jwuong nung chet, shyei āliyat Āgwaze ne mī chet sangag nang āniet bā kan khwi fak ene āni bā nān fak. Ānyawa nang ān san nung ābonu Zaki. ¹⁸ Ātyia li na tīn nung ma ākatuk nyia, gu a san nung ma tyok gu hu ātanzwe . ¹⁹ Byiat nung Bilkisu mā Akila, mā kyang bwak āmali Onisifaras. ²⁰ Aratas fwan mang ābin Koranti, Āwot n ghwon Tarotimas nang gu fak nyinyang ba ma Militas. ²¹ . Kwan ābai kā mim akwai ke. Aubulus byiat ah, mā Budis, mā Linas, ma Kalaudiya, mang ananyiuk be kakab. ²² Yok Atyia li asi ngwo ma tswe azi. Shok zi zie swan mang nyin. Ku swuan anya.