¹ Ānyawa, nwuan, ngwon nung, swan mā chet da shok ma yirok Yesu Kristi. ² Nkyang nang ā fak mā ānung ma vak didit āni, n nwuak fwuo ana ta myiam āghyang āniet anya. ³ Ā swo zot ma nung, nang ātan ākhuat-ākwop Yesu Kristi āni. ⁴ Ābyia ākhuat-ākwop āsí azanson zwang ā tyei fwuo gu hu mang kyang tachia kai āni, sang gag nang gu na nyi kyangg akwak-ason gu wū chat āni. ⁵ Ātyia twong jung ma furub āna shyi dyep bā sa nang gu khwi nkyang nang ā chat āni. ⁶ Ātyia khwab ā nyia ntam āni, gu wa ā myim ā yet ātyia āna gyei yak ku ka min koyan. ⁷ Nchat ā tyia ādidam a wu, ānyawa Ātyi nang jong ā lyen ma kuzang kyang. ⁸ NJywung Yesu Kristi, a ghwut din kwyai Dauda, nang aku tat durok din liyak hu. Su hwui liyet chachirak nang āliyat Āgwaze ne, ⁹ ki kya nang n swuo ābung kai. asi bo vwuoi nung nang akhwu ani. ¹⁰ Mat mang ānyawa, n bgang alyia mung kuzan kyang da niyan āniet khwi nang Āgwaze khai āni, nang mbe mā na shyie swuan da avwuo Yesu Kristi, mang ākyenkyai shi gu hu a nwai tyai. ¹¹ Ālyiat naii yet ātsak ālyiat nya bat, kā zit khwi dungdung mang gu, zit bō na swuan mā gu. ¹² Kā nang zi gbang ālyi, zit na nyia tyok hu dundung mang anggu. ka zit fwuo lyen gu hu, ngu ma na fwuo lyen nzit hu. ¹³ Ka zi yet āniet nwai nyia tsostwat bya, ngu ana yong di nyia tsotswat gu hu. mat, āsí min fwuo zakwe gu hu. ¹⁴ Yong mi jhyung āniet bai tyiet hwi. Hyai ma be āzaghyi Āgwaze ba yok fwang ma swang āliyat, nyia ā hi byia gghyi āson ba, ku yzian āniet fwo. ¹⁵ Kwan bat ā shyi ātsak shim da vwuo Āgwaze nang ātyi ntam ā nwai fwuong nsum tam gu āni. Ā tyiet ātsak ālyiat Āgwaze ne chachirak. ¹⁶ Tyong zan ma ākatuk ālyiat āna tyia āniet ma didit dīn lak vak Āgwaze ani. ¹⁷ Alyiat be ne na tyiak nang āgab āni, mami be āniet Himinayas nshia mā Filitas. ¹⁸ Āniet ba nat vak āchuchuk nyia durok Yesu hu kan swak āni, bā hyai nwuakk nfwuo āghyang āniet. ¹⁹ Mā ānyawa, sak āfang nok āliyat Āgwaze ke nyin, mā āgbandang kpandarang mang gu nyia, '' Ātyi āli lyen āsungu,'' mā, '' Ātyia nwuak fwo āda yirok ātyi āli āni, ā nyi nā tyong nzan da nyia ākatuk kyang.'' ²⁰ Āli nzwe ke nin byia Zinariya mā azurfa ā nyīn ke bā, Ā mun nbyiā nkwon mā lyem. Njhyang yet sī nyiā āzazarak ntām, njhyang sī yet sī nyiā ntām ālyuk. ²¹ Mā ātyia ā lyang āpyia gu mā ākatuk nvak āni, āna yet kyang dyep ha, āzazarak, Ātyia li gu nā nyiā tam mun gu, sarai ātan ntām āna chat ā nyiā. ²² Mā ānyawa, nyin tyong zān ma āsusok ghwut nfung be, nyi khwi nvak ātan, nyi nwuak fwo, chat āghyang, nyi swan swat byia āghyang ma āniet ba yie ā yirok Ātyi āli ma fwuo nyiung āni. ²³ Āwot nyin tyong zān ma līrīm ābwonbwon āliyat nang nyin lyen āna bai mun fwang āni ²⁴ Akhwo Āgwaze, nyi yok nyiā fwuon zok bā. Da ākwonu ākyai, ku yet te hwa ā nyiā shonshyon mang koyan, a yet āgwak ātyi tyiet, ābyia shyim fwuo mang āniet ba tyei jhyi āni. ²⁵ ātyi ghyuai āpyia, gu tyiet āniet bā nyiā fup mang āchuchuk tyiet gu hu āni. Shimba Āgwaze na nwuak be jen bā ghwon ākatuk nyiā mbe wu, āwot bā shim nang tyiet hu ngyet āchuchuk. ²⁶ Āzawa ā ka bwuok ā bai mā ādidam mbe wu, bā ka shyi shot mbwak Ātanyirang, ātyi ā tabat mbe mā āté gu ke āni. Da niyan gu nang tyie mbe bā ka khwi nvak gu ne āni.