¹ Nyi li tankai chat nang Ātyiā kurok zit āni, sangak nang ānā gyei zit nman Āgwaze āni, anyawa nang zin yet! Mung ānyawa, tāchiā ke ndyen zit bā, sabgak nand ā nwai lyen gu āni. ² Ānyanyuk, mānini zi yet nman Agwaze nya, kyang zi nā yet āni, ākān hyio mānzit bah. Zit lyen, kā esu bwok ābai, zi nli nang gu āni, zi nā li gu nang gun di āni. ³ Āwot ātyiā ābziv konyan ā sak fwuo dangu āni, ā kān kwi āpyiā gu nang gu āni. ⁴ Ātyiā nyiā ākātuk nyiā āni, ā lak kai vak, āwot ākātuk nyiā yet lak kai vak ha. ⁵ Nyi lyen Yesu ku bai bai kyak ākātuk nyiā zit hu hwa, āwot mamii gu, ābziā ākātuk bah. ⁶ Konyan āshiā mangu āni, ānyiā ākātuk bah. Konyan ānyi ākātuk āni, ākān di gu bā, ā doo nā lyen gu bah. ⁷ Nman nung, nyi yok ghwon āyin ā laai nyin bah. Ātyiā ānyiā tsatsak kyang āni yet ātsātsak āyin ah, minang Yesu ngyet ātsātsak āni. ⁸ Konyan ānyiā ākātuk nyiā āni, āh yet ngwon ātnnyirang kya, sangak bsdjd nang ātānyirang ke kān kwe niyet gbangbang āni. Kyang kun bziā ān tyaai ngwon Āgwaze ke āni hahai, anyaa gu nā sirang tām ātānyirang ne. ⁹ Kākāp ātyiā ākān san Āgwaze āni, āh bā nyiā ākātuk bā, dānian ākyai tswe Āgwaze zi shiā māngu, ānyaa wa, āwot āh bā nā nyiā ākātuk bah, mānang gu kān san Āgwaze āni. ¹⁰ Divak hiha, ān tyai nman Agwaze ne mi siā ātānyirang. Mā ātyiā ānwai nyiā ā tsāsak nkyang āni ā yet ngwon Agwaze kya bah, mā ānyaa ātyiā ānwai chat ānānyiuk gu āni. ¹¹ Nyi lyen tām zi za nang nyiā ku fāk niyet gbangbang, nyi zi chat āghyiang zit, ¹² zi yok nyiā nang Kainu āh ni bah, ā si hyat ānānyiuk gu hu. Ihwa ku chiā gu hyat gu? Ntām gu ne ku yet siv āānyirang nyiā, ānānyiuk gu hu si yet ātātsak ānyin ah. ¹³ Yok nfāk kyang bā ānānyiuk, kā ātāchiā ke lak ah. ¹⁴ Zi lyen zi wa kān ghuut mi ndyin āh bai mi shichet hu sangak zit nchat ānghyiang āni. Ātyiā āh nwai chat ānyin āni, āh shiā mi dyin. ¹⁵ Ātyiā āh lak ānānyiuk gu āni, āh yet ātyiā hyaai āniet ah. Nyi lyen ātyiā bziā swaan Agwaze ne yet ātyiā hyaai āniet bah. ¹⁶ Dānian ke kya zi dyen chat hu, di sangak Yesu kun nwuak swan gu zi āh sin san zit. Zit ma ku yet zi nwuak swan zit zi āh konu ānānyiuk zit. ¹⁷ Mā ātyiā ā bziā nkyang ātāchiā āni, āh si li ānānyiuk gu gu chat biyang vni, āh si nyim fwuo fāk kunak dn gu āni, ānā nyini ā ah ān di chat Agwaze hu dangu? ¹⁸ Mān sak fwuo ning, yok zi chat āghyiang mā cuccuk mā tsak nyiā, zi yok ālyet bonu. ¹⁹ Anyaa zi ndyen nang zi nshiā dā tsak nyiā sangak zi nwuak fwuo zit hu daghi ngu. ²⁰ Kā zi fāk nang zi kwe, Agwaze swuo tsāt nfwuo zit ne, āh si lyen kudang kyang. ²¹ Ānānyuk, kānang zi fāk nang zi kwe bā, yok zi bziā sak fwuo mā Agwaze. ²² Kudang kyang nang zi lyip zi nāshiā mangu, sangak nang zi nfāk kam gu hu āni, zi nyiā nkkyang nā nā hai gu fwuo di li gu hu āni. ²³ Āwot si hi ha yāt kam gu hu; nyiā zi nwuak ācucuk da yurok ngwon kuke Yesu Kristi, āwot zi chat āghyiang, munang gu nwuak zit tankāi kam hi āni. ²⁴ Ātyā āfāk kam Agwaze hu āni, ānā swan mangu, āwot Agwaze shiā mangu. Āwot ānyaa zi ndyen gun shiā mā zit, mā zāzirak ntswe gu jong zit āni.