1 مش ضروري اننا أكتب لكم بموضوع التبرع لمساعدة المؤمنين . ² فأنا عارف حماسكم علشان تساعدوا ، وافتخرت بيهذا عند المقدونيين وقلت لهم: " الإخوة بمنطقة أخائية جاهزة للإعانة من السنة اللي راحت، والحماس حقكم شجع اكثرهم ⁴ لأنه إذا اجاء معي بعض الإخوة من مقدونيا، ووجدوا أنكم مش مستعدين، فإننا نستحي لأننا وثقنا بكم إلى هذي الدرجة، وبدون شك انتم كمان تستحوا. ⁵ شفت أنُه من المهم أننا أطلب من هاذم الإخوة أنهم يسبقونا لعندكم،علشان يجهزوا التبرع السخي اللي وعدتم بُه. فلما أجي ، يكون جاهز بإعتبار أنُه بركة تجيبوها بإرادتكم وأنتم مش مُجبرين.

⁶ وأتذكروا أنُه اللي يزرع بالبخل يلاقي قليل، واللي يزرع بسخاء يلاقي الكثير ⁷ فكل واحد لازم أنُه يتبرع مثلما نوى بقلبه وهو مش ندمان أو مجبر، لأن الله يُحب اللي يجيب بفرح

⁹ مثلما يقول الكتاب:" وزع بسخاء، جيب للي هم فقيرين ، صلاحه يدوم الى الأبد ¹¹ وشيغنيكم بكل حاجة ، علشان تكونوا كُرماء بكل وقت . وهذا يخلي الناس يشكروا الله على اللي عملنوه ¹³ فأنتم بهذي الخدمة أظهرتم معدنكم. فهم بسببها يسبحون الله علشان طاعتكم له وإيمانكم بإنجيل المسيح ، ولأنكم تجيبوا بسخاء لهم وللجميع. ¹⁴ وهم كمان يدعوا الله علشانكم ،وبقلوبهم محبة عميقة لكم، من أجل نعمة الله العظيمة اللي جابها لكم. ¹⁵ فشكراً لله على هديته اللي تفوق الوصف!