16 ¹ ಎ ಚ್ಹಿದಯ್ನೆ ದೆರ್ಬೇನೆಬೀ ಲುಸ್ತ್ರನೆಬೀ ಆಯೋ . ಲುಸ್ತ್ರಮೆ ತಿಮೊಥೆಯ ಅಂಕೆತೆ ಏಕ್ಲೋ ಶಿಷ್ಯೋ ಉತ್ತೋ. ಎ ಕ್ರಿಸ್ತೋನೆ ನಂಬ್ಯೋ ವ್ತೋತೆ ಎಕ್ಲೋ ಯೇಹೊದ್ಯ ಡಕ್ಲಾನೀನು ದೀಕ್ರೋ. ² ಇನು ಬಾಪ್ ಗ್ರಿಕೋ .ಇನು ವಿಷಯಂ ಥೈನೆ ಲುಸ್ತ್ರಮೆ ಇಕೊಂಯಮೆ ಉತ್ತೆಲಾ ಸಹೋದರರ್ ಹಾರು ಸಾಕ್ಷಿ ಕೆತವ್ತಾ . ³ ಎ ಇನು ಫಾಯ್ ಆವೊನುಕಿನೇ ಪೌಲ್ ಅಪೇಕ್ಷಿಸಿನೇ ಎ ಎ ದಾಂಗಾಮೆ ಉತ್ತೆಲು ಯೆಹುದ್ಯರ್ನು ನಿಮಿತ್ತಂ ಥೈನೆ ಇನೇ ಸುನ್ನತಿ ಕರಯೋ.ಚಾತ್ನೇ ಅಂಕೆಕ್ಲೆ ಇನು ಬಾಪ್ ಗ್ರಿಕೊಕಿನೇ ಹಂದಾನೆಬೀ ಮಾಲಮ್ಮುತ್ತು. ⁴ ಇನ್ ವ್ಹಾಯ್ತೀ ಎ ಗಾಮುಗಾಮುಮೇ ಸಂಚಾರಂ ಕರ್ತೋ ರ್ಹೆ ತಗ್ಡೆ ಯೆರೋಸಲೆಮ್ಮೆ ಉತ್ತೆಲು ಅಪೋಸ್ತಲರ್ನು ಚರ್ಚ್ನು ಮಟ್ಟ ನಿರ್ಣಾಯಿಸೇಲು ವಿಧಿ ಇವ್ನೆ ಒಪ್ಪಿಸಿನೇ ಆವ್ನೆ ತಮೆ ಅನುಸರಿಸಿನೇ ಸಾಲೋನುಕಿನೇ ಬೋದಿಸ್ಯ . ⁵ ಕ್ರಿಸ್ತ ನಮ್ಬಿಕೆಮೆ ದೃಡಂ ಥಾತಾನೆ ಲೆಕ್ಕಮ್ಮೆ ದೀನ್ ದೀನ್ ಘನ್ನು ಥಾತು ಆಯೋ . ⁶ ಆಸ್ಯಸೀಮೆಮೇ ವಾಕ್ಯಂ ಕೆವೋನು ನೋಯ್ಕಿನೇ ಪವಿತ್ರತ್ಮೋ ಆಡು ಘಾಲ್ಯೋ ತಾರ್ ಎ ಫುಗ್ಯಗಲತ್ಯಸಿಮೇ ಮ್ಹೇಲಿನೆ ದಯ್ನೆ ಮುಸ್ಯನೇ ಹಾಮು ಥೈನೆ ಆವೇ ತಗ್ಡೆ ಬಿಥೋನ್ಯನೇ ದಾಯ್ತೆ ಪ್ರಯತ್ನಂ ಕರ್ಯ. ⁷ ಹ್ನೆಬೀ ಯೇಸು ಸ್ವಾಮಿನು ಆತ್ಮೋ ಇವ್ನೆ ದಾವೊನ್ ಮ್ಹೆಲ್ಯೋತೀ. ⁸ ತಗ್ಡೆ ಎ ಮೂಸ್ಯನೇ ಕೊಡುದ್ ದಾಟೀನೆ ತ್ರೋವಾನೆ ಆಯೋ. ⁹ ಹ್ನೆರಾತ್ನು ಕಾಲಮ್ಮೆ ಪೌಲೋನೆ ಎಕ್ ದರ್ಶನಂ ಛು, ಚಾತ್ ಅಂಕೆಕ್ಲೆ - ಮಕೆದೋನ್ಯನು ಮುಲಕ್ನೋ ಥಾಯ್ಲೋ ಏಕ್ಲೋ ಮಾನ್ವಿ ಉಬ್ಬೋರ್ಹಿನೆ - ತು ಸಮುದ್ರಂ ದಾಟಿನೆ ಮಕೆದೊನ್ಯನೇ ಆವಿನೇ ಹಮ್ನೆ ವಿಧಯರ್ ಥಾವೋನು ಕಿನೇ ಇನೇ ಬೇಡಿಲೆತವ್ತೋ. ¹⁰ ಇನೇ ಎ ದರ್ಶನಂ ಥಾಯ್ಲು ಉಪ್ಪರ್ ಎ ಗಾಮ್ ವಾರ್ಯನೆ ಸುವಾರ್ತೆ ಸಾರೋನೆ ದೇವ್ ಹಮ್ನೆ ಬಲವೇಲೋಸೆ ಕಿನೇ ಹಮೆ ನಿಶ್ಚಯಿಸಿಲಿನೇ ತಗ್ಡೆದ್ ಮಕೆದೊನ್ಯನೇ ದಾಯ್ತೆ ಪ್ರಯತ್ನಂ ಕರ್ಯಾ. ¹¹ ಹಮೆ ತ್ರೋವಾತಿ ಸಮುದ್ರ ಪ್ರಯಾಣಂ ಕರಿನೇ ನೆಟ್ ಸಮಾಥ್ರಾಕೆನೆ ಆವಿನೇ ಮರ್ಕಾನ್ ದೀನ್ ನೆಯಾಪೋಲಿನೆ ಭೆರೈನೆ ಹ್ನೆತ್ತಿ ಫಿಲಿಪ್ಪಿನೆ ಮುಟ್ಯಾ . ¹² ಫಿಲಿಪ್ಪಿ ಅಂಕೆವೋನು ಮಕೆದೊನ್ಯಮೇ ಪ್ರೆಥನಮಳು ಕಂಬಿ ರೋಮೆಪುರ್ ವರಿಯಮು ಅಕ್ ಪ್ರೆವಸಮನು ಥಗಬಿ ತಿಳು ಸ್ಸೆ . ಪೆತನಮ್ಮೆ ಹಮೆ ತ್ಹೊದಥಿನ್ ನಥಿನು ಥೆರುಮಉತ ¹³ ಥೆರುಮೆ ದೇವಾನು ಪ್ರೆಥನೆ ಸಲೆಥ ತಂಗ್ಕ ರೆಕಿನೆ ಅಥನ್ ಕೆರುನೆ ಸಬ್ಬಥ್ಮು ಥೆನ್ಮೆ ಕಂಮುನು ಥರೋಥನು ಬಾರ್ ಥೈನೆ ಹೇಯ್ ಬೇರಿನೆ ಇಒಥೆ ತೈತೆ ದುಚ್ಕನು ಬೊಇ ಬೆಸಿನೆವತ್ ಕೆರಳು . ¹⁴ ಆಮರು ವಾಟ್ ಅಮ್ಥೆಲನು ಮೇ ಲುಥಿಯ ಅನ್ಗ್ಕೆಥೆ ಏಕ ದುಕ್ಲಾನೆ ಔಥಿ .ಎತ್ಹೊರವರ್ಣನು ಲುಚ್ದ ವೆಸ್ನರೆ ದುವತೈರನ್ಗ್ಕೆಥೆ ಕಾಮನೆ ದೆವ್ನು ಬಕ್ತ್ಹಲ್ ಶಿಉಥಿ .ಪಾಲ್ ಕೆಥೆಳು ವತ್ಮೆ ಕೆನಂಅಲೋನ್ ಕರ್ಥೊಇನ್ರುಥಯಮು ಕೊರಿಯೋ . ¹⁵ ಅಬಿ ಹಿನುಗೊರ್ಣ ತಿಕ್ಸಸ್ಗ್ನಂ ಕರ್ವಿನೆ ಶಿಥಿನೆ ಉಪ್ಪೆರು ಎಹ್ ಹೂ ಕರ್ತ್ಹೊನೆನಂ ಬೆಲಇಕೆನೆ ನಿಕ್ಷಿಸಿಲಿಥೆಳು ರೆಕ್ಲೆ ಮರುಕೊರು ಮೇ ಹ್ವಿನೆ ರೇವ್ ಹಂಗ್ಕಿನೆ ಬೇಡಿಲಿನೆ ಹೆಮ್ನೆ ಬಲವಂಥಂ ಕರಿ . ¹⁶ ಇನೆ ವಾಯಾತೀ ಪ್ರಥಾನೆ ಸಾಲೆತೆ ಎ ಧಾಂಗಾನೆ ಹಮೇ ಧತಾರೆ ತಗೆಡೆ ಗಾರುಡಗಾತೀ ಥಾಯಲೀ ಎಕೆಲೀ ದಾಸೀ ಹಮರು ಹಾಮು ಅವೀ; ಎ ಕಣಿ ಕೆತಾರೇ ಇನು ಯಜಮಾನನೆ ಘನು ಅದಾಯಮೆ ಧಾತು ವತು. ¹⁷ ಪೌಲ್ ಹಮೆ ದಾತಾ ರ್ಹೆತಗ್ಡೆ ಎ ವ್ಹಾಯ್ ಆವಿನೇ ಆ ಮಾನ್ವ್ಯೋ ಪರತ್ಪರೋ ಥೈಲೋ ದೆವ್ನು ದಾಸರ್; ತಮ್ನೆ ರಕ್ಷಣೆನು ವಾಟ್ ಸಾರೆ ಅಂಕಿನೆ ಬುಮ್ಲುತಿವ್ತಿ . ¹⁸ ಅಮ್ ಚಕ್ಲುಕಿ ದೀನ್ ಕರ್ಯಾತಾರ್ ಪೌಲ್ ಘನ್ನು ಭಿನಿನೆ ವ್ಹಾಯ್ ಫೆರ್ಕೈನೆ ಎ ಭುತ್ನೆ - ಇನೇ ಮ್ಹೆಲಿನೆ ದಾ ಅಂಕಿನೆ ಯೇಸು ಕ್ರಿಸ್ತೋನು ನಾಮ್ಮೆ ತುನೆ ಅಪ್ಪಣೆ ಆಲು ಅಂಕಿನೆ ಕಿದೋ. ಎದ್ ಟೈಮ್ಮೆ ಎ ಇನೇ ಮ್ಹೆಲಿನೆ ಜು. ¹⁹ ಇನು ಯಜಮಾನರೆ ಇವು ಅದಾಯವನು ನೀರೀಕ್ಷೆ ತಪೀಯ ನೀಕೀನೇ ಹಮದೀನೇ ಸೀಪಲೊನ ಹೈಲೀನೆ ಚವಡೀನೆ ಅಧಕಾರೀನು ಫಾಯ ಹಡ ಕವೀಲೀನೆ ಜಾ . ²⁰ ಇವುನೇ ಅಧಿಕಾರೀನು ಫಾಯ ಲವೀನೆ -ಅ ಲೂಕ್ ಹಮಾರು ಪಟಣಮ್ ಘನು ಗಲೀಬೀಲೀ ಕರೆ; ²¹ ಆ ಯಹುದ್ಯರೇ ತೈಲಾರೀ ನೆ ರೂಮ್ಯರೇ ಥೈಲ್ ಹಮೇ ಅವಲಂಬೀಸೀನೆ ಸಾಲವುನು ನೂಯೇ ಅಚಾರಮೆ ಸಾಲವೇ ಅಂಕೀದ. ²² ತಗೆಡೆ ದುಂಬೀನ ಲೂಕ್ ಭೇರೈನೆ ಇವು ವೀರುದಮ್ ಥೈನೆ ಎಕೇಥೈನೆ ಉಟೈಯ ; ವೂರೀ ಅದೀಪತೀ - ಆವುನಲುಗೆಡ ಪಾಡಿನೇ ಕಡೀನೆ ಚಾಡಿತೀ ಮಾರೂನು ಕೀರ್ತನೆ ಅಪಣ ಆಲ್ಯ. ²³ ಇವ್ನ ಘನ್ನ ಸುಟುಯೂ ಮರವೇಲು ಉಪಪಾರೆ ಜೈಲು ಮೇ ಪಾಲ್ - ವೀನ್ - ಅವ್ನೆ ಭದ್ರಮತೀ ದಪೂರೆನು ಕೀನೇ ಜೈಲುನು ಯಾಜಮಾನೆ ಖರೀಬೀ ಕೀದೂ . ²⁴ ಎ ಅವು ಅಪಣೆ ಹೂಂದೀನೇ ಇವ್ನೆ ಜೈಲೆನು ಮೇನು ರೂಮಮೇ ಘಲೀನೆ ಇವುನ ಪಾಗ್ನ ಬೀಡೀ ಘಾಲ್ನೆನೆ ಮ್ಹೆಲ್ಯೋ . ²⁵ ಬೆಚಮನು ರಾತ್ಮೇ ಪಾಲ್ ಸೀಲೆ ಪ್ರಥಾನೆ ಕಾರ್ನೆರ ಥೈನೆ ದೇವ್ನೆ ಸುತೀನು ಪದಮೆ ಗೀದ್ಗಾತ್ವಾತ ; ಜೈಲೆಮೆ ಉತ್ಹಲಾ ಲಕ್ಶಂ ಮೇಲೀನೆ ಹಮದೇ ತಾವತ್. ²⁶ ಅಕಸ್ಮಕಮತೀ ಮಟು ಭೊಕಂಪೂಚು;ಜೈಲ್ಮೆ ಆಸ್ತಿವಾರಂ ಖಕ್ರಿಪಡಿಯಾ ಎದ್ ಟೈಮ್ಮೆ ದರ್ವಾದ ಹಂದಾ ಕಾಡಯಾ, ಹಂದಾ ನು ಬೆಡ್ಯೋ ಕಾಡಿನೆ ಖಕ್ರಿಯಾ ²⁷ ಜೈಲ್ನು ಯಜ್ಮಾನೋ ನಿದ್ದರ್ತಿ ವುಟಿನೆ ಜೈಲ್ನು ದರ್ವಾದ ಕಡೆಲುಸೇತೆ ದುಯ್ನೆ ಜೈಲ್ಮೆ ಉತ್ತೆಲಾ ತಪ್ಪ್ಸಿನೆ ಜಾ ಕಿನೇ ಹಮ್ದಿನೆ ಕತ್ತಿ ಲಿನೇ ಆತ್ಮಹತ್ಯೆ ಕರ್ಲೆವೊನುಕಿನೆ ಉತ್ತೋ . ²⁸ ತೇ ಪೌಲ್ ಮಟ್ಟು ಶಬ್ದಮ್ತಿ ಬುಮ್ಲಿನೆ ಇನೇ - ತು ಚಾತ್ಬಿ ಕೆಡ್ ಕರ್ಲೆಮಾ , ಹಮೆ ಹಂದಾ ಹಾಂದ್ ಸಿದ್ಯೇ ಅಂಕಿನೆ ಕೆವೊನೆ. ²⁹ ಎ - ದೀವೋ ಲಾವೊನುಕಿನೆ ಬುಮ್ಲಿನೆ ಉಡಿನೆ ಥತ್ರ್ತೊನೆ ಪೌಲ್ ಸಿಲ್ ನು ಮೊಗ್ಗರ್ ಪಡ್ಯೋ . ³⁰ ವುರಿ ಇವ್ನೆ ಭಾರ್ ಬಲವಿಲಿನೆ ಆವಿನೆ - ಸ್ವಾಮ್ಯೋವ್ ಹ್ನು ರಕ್ಷಣೆ ಹೊಂದೊನೆ ಚಾತ್ಕರೋನು ಕಿನೇ ಪುಸೋನೆ . ³¹ ಎ - ಕರ್ತೋ ಥೈಲೋ ಯೇಸು ಸ್ವಾಮಿನೂ ಉಪ್ಪರ್ ನಂಬೀಕೆ ಮ್ಹೇಲ್, ತಗ್ಡೆ ತು ರಕ್ಷಣೆ ಹೊಂದೋ , ತಾರ್ ಘೋರ್ನಾ ರಕ್ಷಣೆ ಹೊಂದೆ ಅಂಕಿನೆ ಕಿನೇ ಇನೆ ಬೀ ಇನು ಘೋರ್ ಮೆ ಉತ್ತೆಲ ಹಂದಾ ನೆಬೀ ದೇವನು ವಾಕ್ಯಂ ಕಿದಾ . ³² ಆ ಚಿದಯ್ನೆ ಎ ರಾತ್ನು;ಎದ್ ಟೈಮ್ ಇವ್ನೆ ಬಲಾವಿಲಿನೆ ದಯ್ನೆ ಇವ್ನು ಸಂದಾದ್ಯುನೆ ತಗ್ಡೆದ್ ಎ ಇನಾಹಂದಾನು ಸಹೀತಂ ಥೈನೆ ದಿಕ್ಷಸ್ನಾನಂ ಕರವಿಲಿದೋ. ³³ ಇನ್ ವ್ಹಾಯ್ತಿ ಇವ್ನೆಇನು ಘೆರೆ ಬಲವಿಲಿನ್ದಯ್ನೆ ಖೌನು ಖಾರಯೋ. ³⁴ ಎ ಇನು ಘೋರ್ನಾ ಹಂದಾನು ಫಾಯ್ ನಂಬಿನೆ ಉಲ್ಲಾಸಂ ಛಾ. ³⁵ ಮರ್ಕೆ ತೈಲು ವುಪ್ಪರ್ ಅಧಿಪತಿ ಎ ಮಾನವಿನೆ ಮ್ಹೆಲ್ದೆ ಅಂಕಿನೆ ಜವನರ್ನೆ ಕಿನೇ ಮೋಕ್ಯ ³⁶ ಜೈರ್ನು ಯಜಾಮನೋ ಆ ವಾತ್ ಪೌಲ್ನೆ ಮಾಲಂ ಕರಿನೆ ಅಧಿಪತಿಯೋ ತಂನೆ ಮ್ಹೆಲಿದೆವೋನು ಕಿನೇ ಕಿನೇ ಮೊಕ್ಲೆಲಾಸೆ , ಇನುವೊಲ್ತಿ ಹಂನು ತಮೆ ಸಮಾಧನಂ ತಿ ದಥರೇವ್ ಅಂಕಿನೆ ಕಿದೋ ³⁷ ಇನೆ ಪೌಲ್ ಎ ವಿಚಾರಣೆ ಕರೆನಾಂ ರೋಮಪುರ್ನು ಹಕ್ಕ್ದಾರ್ ತೈಲಾ ಹಮ್ನೆ ಹಂದಾನು ಮೊಗ್ಗರ್ ಮರಾವಿನೆ ಜೈಲ್ಮೆ ಘಾಳಯಾ ; ಹಂನು ಹಮೇ ಗುಪ್ತಂ ತೈನೆ ಭಾರ್ ಮೊಕ್ಲೆಕಿ ? ಅಂ ಚಾಗಡೆಬೀ ತಾವೊನೋಯ್ ; ಎದ್ ಅವಿನೆ ಹಮನೇ ಭಾರ್ ಬಲಾವಿಲಿನೆ ಜಾಕ್ಲೆ ಟಿಕ್ ಅಂಕಿನೆ ಕಿದೋ ³⁸ ಜವಾನರ್ ಆ ವಾತ್ ಅಧಿಪತಿ ಮಾಲಂ ಕರೆ ತಗ್ಡೆ ರೋಮಾಪುರ್ ನು ಹಕ್ಕು ದಾರರ್ ಅಂಕೆತೆ ವಾತ್ ಎ ಹಂದಿನೆ ಭಿನ್ಯ; ³⁹ ವುರೀ ಇವ್ನು ಫಾಯ್ ದಯ್ನೆ ಸಮಾದನಂ ತಿ ವಾಟ್ ಕರಿನೆ ಭಾರ ಭಲಾವಿನೆ ಆವಿನೆ - ತಮ್ಮೆ ಗಾಮ್ ಮ್ಹೆಲಿನೆ ದವೋನು ಕಿನೇ ಬೆದಿಲಿದಾ ⁴⁰ ತಗ್ಡೆ ಎ ಜೈಲ್ತಿ ದಯ್ನೆ ಲುದ್ಯಲನು ಘೆರೆ ಆವಿನೆ ಸಹೋದರ್ ನೆ ದುಯ್ನೆ ಇವ್ನೆ ಧೈರ್ಯಂ ಗೊಲಿಸಿನೆ ದತ್ಥರಾ .