11 ¹ .ಬಿಸ್ರಾಲೋಕ್ ಬೀ ದೇವನು ವಾಕ್ಯಂ ಹಮ್ಮದ್ ಕರಿಲ್ಲಿದೆಲ್ಲಾ ಸಮಾಚಾರಂ ಅಪೋಸ್ತಲರ್ ಯಾದಾಯ ಮೇ ಸೇತೆ ಭಯ ಬೀ ಹಮ್ಮ್ ಧ್ಯಾ . ² - ³ .ಯೆರೋಸಲೇಮೇ ಆಯೋ ತಗಡಿ ಸುನ್ನತಿವಾರ್ಯ -ತೂ ಸುನ್ನತಿ ಕೈಮರೆತೇ ತಿವ್ನ ಮೇ ಭೇರೈನೇ ಇವನ ದೊಡೆ ಅನ್ನ್ ಖ್ಹಾದೋನಿ ಅಮ್ಕಿನೆ ಇನದೋಡೇ ವಿವಾದಂ ಕರ್ಯ . ⁴ .ಪೆತ್ರನ್ ಚೋತೆ ಸಂಗತಿ ಇವನೇ ಪಸ್ಟ್ ತೀಬಿ ಕ್ರಮಮ್ ತ್ತಿ ವಿವರಿಸ್ನಿನೆ ಕಿದೇಲೋ ಚಾತ್ ಅಂಕೆಟ್ಲೆ - ⁵ .ಹೂ ಯೋಪ್ಪ ಪಟ್ಟಣಮೇ ಪ್ರಾರ್ಥನೆಕರ್ ವನಿಘಡಿ ಧ್ಯಾನಂ ಪರವಶ ತೈಲೋ ಏ ಚಾತ್ ಅಂಕೆಟ್ಲೆ ಆಕಾಶ್ ಮೇತ್ತಿ ಸಾರ್ ಮೂಲೇ ಹಾದೆಲ್ಲೂ ಮೊಟ್ಟು ಜೋಳಿಗೇನುಗತ್ ಸೇತೆ ಏಕ್ ವಸ್ತು ಉತ್ರೇಲ್ಲುವುತ್ತು ಹೂ ವುತ್ತೋನಿ ಹೇ ಆಯೂ. ⁶ .ಎ ಚಾತ್ ಅಮ್ಕಿನೆ ಮಾನಂಕರ್ ವನ್ನೇ ಹೂ ಟಿಹಿಕ್ ದೋವನಿಘಡಿ ಜಾಮಿನ್ ಪರ್ ನಾಟಹಿಂಡೇತ್ತೆ ಬೈಲ್ ವ್ಹಾಗ್ ಕೋಲಾ ಹಂದೂ ಬೀ ಉಪ್ಪರ್ ಉಡಿನೆ ಹಿಂಡೇತ್ತೇ ಪಿಟ್ಟವನೇ ಬೀ ದೂಯೋ . ⁷ .ತಗಡಿ -ಪೇತ್ರನೇ ಉಟ್ಟಿನೇ ಕಾಪಿನೆ ಖ್ಹಾ ಅಮ್ಕಿನೆ ಮನೆ ಕಿದೆಲೂ ಶಬ್ದಂ ಹಮ್ಮದಿಯೋ . ⁸ .ಹೂ ನಕ್ಕೋದ್ ನಕ್ಕೋ .ಸ್ವಾಮಿ .ಹೊಲೆತೈಲು ಪದಾರ್ಥಂರಿದೇದ್ ಖ್ಹರಾಬ್ ಪದಾರ್ಥಂರಿದೇದ್ ಚಾಗಡೆ ಬೀ ಮಾರು ಮ್ಹೊಮೆ ಖಾದೋದ್ ನತ್ತೀ ಅಮ್ಕಿದೋ . ⁹ .ತಿನುಕರಿ -ದೇವ್ ಶುದ್ದಂ ಕರೆಲು ತೂ ಹೊಲೆ ಅಮ್ಕಿನೆ ಕೆವನ್ನು ನೋಹೈ ಅಮ್ಕಿನೆ ಬೇಮೆನುಸೋಟೆ ಆಕಾಶ್ ವಾಣಿ ಚೋ . ¹⁰ .ಅಮ್ಮದ್ ತನ್ ಸೋಟೆ ಚೋ .ಎ ವೀದೈನೇ ಹಂದೂಬೀ ಫಿರ್ ಕೈನೇ ಆಕಾಶಂನೇ ಸಿಸೈ ಜುವುತ್ತು . ¹¹ .ಎ ಕ್ಷಣಮೇದ್ ತನ್ ಬಾಂಡು ಮಾನ್ವಿ ಹಮೇ ಉತ್ತಾತ್ತೇ ಘೋರ್ ನ್ನ ಮೊಗರ್ ಉಬ್ಬರಾವತ್ತ .ಎ ಕೈಸರೈತ್ತಿದ್ ಮಾರ ಫಾಯ್ ಮೊಕ್ಲೆ ಯಾವತ್ತಾ . ¹² .ದೇವ್ನು ಆತ್ಮಮ್ -ತೂ ಚಾತ್ ಬೀ ಭೆದಂ ಕರ್ ಮಾ ಇವನ ದೊಡ್ ಮೇ ದಾ ಅಮ್ಕಿನೆ ಮನೆಕಿದೋ ಎ ಸೋ ಬಾಂಡು ಭಯ ಬೀ ಮಾರ ದೊಡೆ ಆಯಾ . ¹³ .ಎ ಮಾನ್ವಿನ್ನ ಘೋರ್ ಮೇ ಹಮೆ ಭೆರೆಯಾ ಎ ಹಮ್ನೆ -ಏಕ್ ದೇವ್ ದೂತನ್ -ಮಾರ ಘೋರ್ ಮೇ ಉಬ್ಬೋರಿಲಿದೆಲ್ಲೂ ದೂಯೋ .ಎ ದೂತನ್ -ತೂ ಯೋಪ್ಪನೇ ಮೊಕ್ಲಿನೇ ಪೇತ್ರ ಅಮ್ಕಿನೆ ಕೆವ್ರವಿಲೆನರೋ ಸೀಮೊನನೇ ಬಲಾವ್ ; ¹⁴ .ಎ ತೂನೇ ತ್ಹೋಡಿಯೋ ವಾತ್ಯೋ ಕೆ .ಎ ವಾತ್ಯೋತ್ತೀ ತೂನೇ ಬೀ ತಾರು ಘೋರ್ ವಾರ್ಯ ವ್ನೆ ಬೀ ರಕ್ಷಣೆಥಾಯ್ ಅಮ್ಕಿನೆ ಕಿದೋ ಅಮ್ಕಿನೆ ಕಿದೋ . ¹⁵ .ಹೂ ವಾತ್ ಕರ್ ವನೇ ಪ್ರಾರಂಭಮ್ ಕರ್ ವನಿ ಘಡಿ ಪವಿತ್ರಾತ್ಮಮ್ ನು ವರಂ ಪಸ್ಟ್ ಹಮರೂಪರ್ ಉತ್ರೆಮ್ ದ್ ಇವ್ನು ಉಪ್ಪರ್ ಬೀ ಉತ್ರುಯು . ¹⁶ .ತಗಡಿ -ಯೋಹಾನನ್ ತ್ತಿ ಬೀ ಪಾನಿನೂ ದೀಕ್ಷಾಸ್ನಾನ ಕರಾಯೋ ;ತಮ್ನೆತ್ತಿ ಬೀ ಪವಿತ್ರಾತ್ಮ ಮೇ ವಂಗ್ರುಲಾಗ್ ಅಮ್ಕಿನೆ ಯೇಸು ಸ್ವಾಸುಸ್ವಾಮಿ ಕಿದೆಲ್ಲೂ ವಾತ್ ಮಾರು ಹದ್ದನ್ ಮೇ ಆಯೂ ¹⁷ .ದೇವ್ ಕರ್ತನ್ ತೈಲೋ ಯೇಸು ಕ್ರಿಸ್ತ ಮೇ ನಂಬಿಕೆ ಮ್ಹೆಲಿಲ್ಲಿದೆಲ್ಲಾ ಅಪ್ನೆ ಆಲೆಲ್ಲೂ ವರಂನೇ ಅಸಲ್ ವರಂ ಇನ್ನೆಬೀ ಆಲೆಲ್ಲೂ ಸೇ ಅಮ್ಕಿನೆ ದೇವ್ ನೇ ಆಡುಘಲ್ ವನೇ ಹೂ ಶಕ್ತನ್ ಕ್ಕಿ . ¹⁸ .ಅಂಕಿದೆಲ್ಲೂ ವಾತ್ಯೋ ಎ ಸು ನ್ನತಿ ವಾರ್ಯ ಹಮ್ಮದಿಲಿನೆ ಆಕ್ಷೆಪಣೆ ಕರ್ ವನ್ನು ಮ್ಹೇಲಿನೇ -ಅಂಹೊಯ್ ತ್ತೋ ದೇವ್ ಬೀ ಸ್ರಾ ಲೋಕ್ ನೇ ಝಾನ್ ಆಲ್ವಾವನು ಅಮ್ಕಿನೆ ಇವ್ನು ಮನ್ ಸ್ಸ್ ಇನುಭನ್ನಿ ಫಿರ್ ಕಾಯೋ ಅಮ್ಕಿನೆ ದೇವ್ ನೇ ಕೊಂಡ್ ಆಡಿಯೋ . ಅಂತಿಯೋಕ್ಯ ಮೇ ಘಣಾ ಲೋಕ್ ಗ್ರಿಕರ್ ನಂಬೆಲ್ಲ ;ಬಾರ್ನಬ ಬೀ ಸೌಲನ್ ಬೀ ಹೇ ಭೋಧನೆಕರ್ಯ ;ಎ ಗಾಮೆ ಕ್ರೈಸ್ತರ್ ಅಮ್ಕಿನ್ ನಾಮ್ ಉತ್ಪತ್ತಿ ತೈಲೂ . ¹⁹ .ಸ್ತೆಫನು ವಿಷಯ ಮೇ ತೈಲು ಹಿಂಸಮ್ ತ್ತೀ ದಿಕಪಾಲ್ ತೈಲ ಯೇಹೂ ದ್ಯರ್ ನೇ ದ್ ನೋಹೈತ್ತೋ ಹಮ್ಮ್ ಚಿನೆಬಿ ದೇವ್ ನು ವಾಕ್ಯಂ ಕೆನಾಮ್ ಪೋಯಿ ನೀನೆ ಕುಪ್ರ ಅಂತಿಯೋಕ್ಯ ಪ್ರಾಂತ್ಯ ವಾರ್ಯ ವನ್ನೇ ತವಲಂಗ್ ಜಾ . ²⁰ .ಇವನಮೆ ಕುಪ್ರ ದ್ವೀಪಂ ವಾರ್ಯ ತ್ಹೊಡಾ ಕುರೆನ್ಯ ವಾರ್ಯ ತ್ಹೊಡಾ ಅಂತಿ ಯೋಕ್ಯ ಕನೆ ಆವಿನೆ ಗ್ರೀಕರ್ ನ ದೊಡ್ ಮೇ ವಾತ್ ಕರಿನೇ ಕರ್ತನ್ ತೈಲ್ಲೋ ಯೇಸುನು ವಿಷಯಂಮೇ ಸುವಾರ್ತೆ ಕಿದ್ದ . ²¹ .ಕರ್ತನ್ನು ಹಾತ್ ಇವ್ನೆ ಸಹಾಯಂ ಚೋ ತಿನುಕರಿ ಘಣಾ ಲೋಕ್ ನಂಬಿಲ್ಲಿನೇ ಕರ್ತನ್ ಭನ್ನಿ ಫಿರ್ ಕಯ . ²² .ಇವ್ನು ವಿಷಯಂ ವರ್ತಮಾನಂ ಯೆರೋಸಲೇಮೀ ಮೇ ಉತ್ತಾತ್ತೆ ಸಭೆವಾರ್ಯನ ಕಾನ್ ಮೇ ಪಡಿಯೂ ತಗಡಿ ಎ ಬಾರ್ನಬನೇ ಅಂತಿಯೋಕ್ಯಕನೆ ಮೊಕ್ಲಿಯ. ²³ .ಎ ಹಾರೋ ಪವಿತ್ರಾತ್ಮಮ್ ಭೆರೈಲೋ ನಂಬಿಕೆತ್ತಿ ಭೆರೈಲೋ ಚೋವತ್ತೋ ²⁴ .ತಿನುಕರಿ ಹೇ ಆವಿನೆ ದೇವನು ಕ್ರುಪಾಕಾರ್ಯಂ ದೋವನಿಘಡಿ ಖುಷಿಪಡಿನೆ -ತಮೇ ದೃಡಮನಸ್ಸ್ ತ್ತೀ ಕರ್ತನ್ ಮೇ ರೆಹೆವೋ ಅಮ್ಕಿನೆ ಇವ್ನೆ ಹಂದೂ ಬೀ ಬುದ್ದಿ ಕಿದೋ . ²⁵ .ತಗಡಿ ಘಣಾ ಭಾಂಡು ಕರ್ತನ್ ಮೇ ಭೆರಾಯಾ .ತಿನ್ನ ವ್ಹಾಯ್ ಬಾರ್ನಬನ್ ಸೌಲನ್ ನೇ ದೊತ್ತೆಂ ಹಿಂಡ್ ವನ್ನೇ ತಾರ್ಸಕ್ ನೇ ಧೈನೇ . ²⁶ .ಇನೆ ದುಯಿನೇ ಅಂತಿಯೋಕ್ಯಕನೇ ಬಲಾವಿನೇ ಆಯೋ .ತಿನವ್ಹಾಯ್ ಎ ಪೂರ್ತಿ ಏಕ್ ಹೋರ್ ಸಭೆವಾರ್ಯ ವ್ನ ದೊಡೆ ಭೆರೈನೇ ಘಣಾಲೋಕ್ ನೇ ಉಪದೆಶಂಕರ್ಯ .ಅಂತಿಯೋಕ್ಯಮೇ ದ್ ಶಿಷ್ಯರ್ ನೇ ಕ್ರೈಸ್ತರ್ ಅಮ್ಕಿನೆ ನಾಮ್ ಪಸ್ಟ್ ಆಯೂ . ಬಾರ್ನಬ್ ಸೌಲರ್ ಯೇರೂಸಲೆಮೀನೇ ದ್ರವ್ಯ ಸಹಾಯಂ ಲಿನೆ ದೈಲ್ಲೂ ;ಎ ಟಾಲ್ ಮೇದ್ ರಾಜೋ ತೈಲೋ ಹೇರೋದನ್ ಯಾಕೋಬನ್ ನೇ ಮಾರಿನಾವಿನೇ ಪೆತ್ರನೆ ಜೈಲ್ ಮೇ ಘಲಾಯೋ ;ದೇವ್ ದೂತನ್ ಪೆತ್ರನೇ ಮ್ಹೆಲಾಯೋ ;ರಾಜೋ ಮರಿದೈಲೂ . ²⁷ .ಎ ಕಾಲಂಮೇ ಪ್ರವಾದಿತೈಲಾ ತ್ಹೊಡ ಬಂಡು ಯೆರೂಸಲೆಮೀತ್ತಿ ಅಂಕಿಯೋ ಕ್ಯಕನೆ ಆಯಾ . ²⁸ .ಇವ್ನಮೇ ಆಗಬಅಂಕಿವ್ಯೋ ಏಕ್ಲೋ ಉಟ್ಟಿನೇ ಲೋಕಂ ಹಂದೂ ಬೀ ಮೊಟ್ಟು ಕ್ಷಾಮ ಆವೆ ಅಮ್ಕಿನೆ ಪವಿತ್ರಾತ್ಮಮ್ ಪ್ರೇರಣೆತ್ತೀ ದಿಖ್ಹಾಡಿಯೋ .ಎ ಕ್ಲೌದ್ಯ ಚಕ್ರವರ್ತಿನು ಕಾಲಂಮೇ ಚೋ ; ²⁹ .ತಗಡಿ ಎ ಶಿಷ್ಯರ್ ಮೇ ಪ್ರತಿಏಕ್ಲೋ ಯೂದಾಯ ಸೀಮೇಮೆ ವಾಸಂ ರಿವ್ಯ ಭಯವ್ನ ಇವ್ನು ಇವ್ನು ಶಕ್ತ್ಯನುತ್ತೀ ದ್ರವ್ಯ ಸಹಾಯಂ ಕರ್ ವನು ಅಮ್ಕಿನೆ ನಿಶ್ಚಯಂಕರಿಲ್ಲಿದ. ³⁰ .ಅಮ್ಮದ್ ಕರಿನೇ ಎ ಬಾರ್ನಬ ಸೌಲನ್ ನ್ನು ಹಾತ್ಮೆತ್ತಿ ಸಭೆನ ಮೊಟ್ಟವ್ನೆ ಮೋಕ್ಲಿಯ .