1 ¹ .ಸಬೇನು ಮಾಟೊ ಎ ಸತ್ಯಂ ತಿ ಪ್ರೀತ್ ಸೇತೆ ಪ್ರೀಯಾ ಗಾಯಾನೆ ಲಕೇತೆ ಚಾತ್ ಅಂಕೆಕ್ ಲೆ. ² .ಪ್ರೀಯೋ , ತು ಅತ್ಮಮಂನು ವಿಷಯಂನೆ ಅಬಿವೃದಿ ಹೊಂದೆಲೂ ಪ್ರಕಾರಂ ಹನ್ ದ್ ವಿಷಯಂ ಮೆಬೀ ಅಬಿವೃದಿ ವೋನ್ ದಿನೇ ಸುಕ್ಷೆಮಂತೀ ರೇವಾನು ಕೀನೆ ಪ್ರರ್ಥನಾಕರು . ³ .ಸಹೋದರರು ತಗಡೆ ತಗಡೆ ಮಾರ್ ಪಾಯ್ ಹಾವೀನೆ ತರುಮೆ ಸೇತೆ ಸತ್ಯಂನು ಬಾನ್ ತಿ ಮಲಂಕರಿನೇತು ಸತ್ಯವಂತ ತೈನೆ ಸಾಲ ನರೋ ಅಂಕಿನೆ ಕೆ ತಗಡೆ ಹೂ ಗನೂ ಕುಷಿಪಡು . ⁴ .ಮಾರ್ ದಿಕ್ರಾ ಸತ್ಯಂಅನುಸರಿಸಿನೆ ಸಾಲ ನಾರಾ ತಾಯ್ ಲಾಸೇ ಕೀನೆ ಹಂದೋನುತಿ ಗನು ತೈಲು ಸಂತೋಷಂ ಮನೆ ಕೈಮರೆ . ⁵ .ಪ್ರೀಯೋ ಪರ್ಚಂ ಕೈಮರ್ತೆ ಸಹೋದರನೆಬೀ ತು ಸತ್ ಕಾರಂ ಕರೋನುಮೆ ನಂಬೆತಿನೆ ಯೋಗ್ಯಂ ತೈನೆ ಸಾಲೋ . ⁶ .ಇವ್ ನೆ ತು ದೇವ್ ನು ಸೇವಕರ್ನೆ ಯೋಗ್ಯಂತೈಲು ರೀತಿತಿ ಸಾಗಾ ಮೋಕ್ಲ್ಯೋಕ್ ಲೆ ಆರುರೆ . ⁷ .ಚಾತ್ ನೆ ಅಂಕೆಕ್ ಲೆ ಎ ಕ್ರಿಸ್ತೋನು ನಾಮ್ ಪ್ರಸಿದಿಪಡಿಸೋನುವಲ್ ತಿ ದಯ್ ಲಾಸೇ ವುರಿ ಅನ್ಯ ಲೋಕ್ ತಿ ಚಾತ್ ಬೀ ಲೀಲೆನರೋ ನೊಯ್. ⁸ .ಇನುವಲ್ತಿ ಹಮೆ ಸತ್ಯಮ್ ನೆ ಸಹಕಾರಿ ತಾಯಂ ಯಾವನೇ ಬೆರಾವಿಲೆಥೆ ಗ್ಯನಂಮೆ ಸಿದ್ಯೆ ಸಭೇನೆ ತೋಡಾ ವಾತ್ ಲಚೋವತೋ ;ತೆ ಸಬೇನ ಮೆಸೆತೀನೆ ಆವೊನುಕಿನೆ ಸೆತೆ ದೀಯೋ ತ್ರೆಪ್ ಹಮರುವಾತ್ ಅಂಗಿಕರಿಸ್ತೋತೀ . ⁹ .ಇನುವಲ್ ತಿ ಹೂ ಅವೇಕ್ ಲೆ ಎ ಕರೇತೆ ಕೃತ್ಯ೦ನು ವಿಷಯಂಮೆ ಅನ್ ದಾನೆಬೀ ಹದ್ ನ್ ಕರ್ಲೆಂ. ¹⁰ .ಎ ಅರಟೆ ಮಾರ್ನಾರು ತೈನೆ ಹಮರು ವಿಷಿಯಂಮೆ ಕರಾಬ್ ಕರಾಬ್ ವಾತ್ ಕರೇ ಅಬಸ್ ನಾ ತೈಯೀತೆ ಎ ಸಹೋದರರ್ ಬೇರಾವೀಲೆಂ ಅಂಕಿನೆ ರೇತಿನೆ ಅಡಿಕರಿನೆ ಇವ್ ನೆ ಸಬೇನುಮೆತಿ ಬಹೀಷ್ಕಾರಂಕರೆ . ¹¹ .ಪ್ರೀಯೊ ತು ಕರಾಬ್ ವಾಟ್ ನೆ ದಾಯಿನಂ ಅಸಾಲ್ ವಾಟ್ ಅನುಸರಿಸಿಲೆ ; ಅಸ್ಲ್ ಕೆರ್ನರೋ ದೇವ್ ತಿ ವುಬ್ದೇಲೋಸೆ .ಕರಾಬ್ ಕೆರ್ನರೋ ದೇವ್ ನೆ ದುಯ್ ಲೋನೊಯ್ . ¹² .ದೇಮೆತ್ರಿಯೋ ಆರೋ ಕಿನೆ ಅನ್ ದಾ ತಿಬೀ ಸಾಕ್ಷತ್ ಸತ್ಯಂ ತಿಬೀ ಸಾಕ್ಷಿ ಹೊಂದೆಲೋಸೆ ಹಮೆ ಬೀ ಇನು ವಿಷಯಂನೆ ಸಾಕ್ಷಿ ಕೆನಾರಾ ತೈಲಸಿದಿಯೆ ; ಹಮರು ಸಾಕ್ಷಿ ಸತ್ಯಂ ತೈಲು ಕೀನೆ ತುನೆ ಮಾಲಂ.''