1 ¹ .ಹಮರು ಬಾಪ್ ತೈಲೋ ದೆವ್ಮೆಬೀ ಕರ್ತೋ ತೈಲೋ ಯೇಸು ಕ್ರಿಸ್ತೋಮೆಬೀ ಸೇತೆ ಥೆಸೆಲೋನಿಕಾನು ಚರ್ಚ್ ನೇ ಪವ್ಲ್ ಸಿಲ್ವಾನ್ ತಿಮೊಥೆಯ ಅಂಕೆತೆ ಹಮೇ ಲಚೇತೆ ಚಾತ್ ಅಂಕೆಕ್ಲೆ- ² .ಬಾಪ್ ತೈಲೋ ದೆವ್ತಿಬೀ ಕರ್ತೋ ತೈಲೋ ಯೇಸು ಕ್ರಿಸ್ತೋತಿಬೀ ತಮ್ನೆ ಕ್ರುಪೆಬೀ ಶಾಂತಿಬೀ ಥವೋದೆ . ³ .ಸಹೋದರಾವ್ , ಹಮೇ ಚಾಗ್ಡೆಬೀ ತಮರು ವಿಷಯಮ್ಮೆ ದೇವ್ನೆ ಕೃತಜ್ಞಾತ ಸ್ತುತೀ ಕರೋನೆ ಸಿದ್ದಮ್ ತೈಲಸಿದ್ಯೇ .ಅಮ್ ಕರೋನು ಯೋಗ್ಯಂ ; ಚಾತ್ನೆ ಅನ್ಕೆಕ್ಲ್ ತಮಾರು ನಂಬಿಕೆ ಘನ್ನು ಅಭಿರುದ್ದೀ ಹೊಂದ್ತೊನೆ ಅವೇ, ಪರಸ್ಪರಮ್ ತೈಲು ಪ್ರೀತಿ ತಮರ್ಹಂದಾವ್ಮೆಬೀ ಘನ್ನು ಥಾತುನೆಆವೆ . ⁴ .ಅಮ್ಸೆತಾರ್ ತಮ್ನೆ ಆವೇಲುಸೆತೇ ಹಂದಾ ಹಿಮ್ಸೆಮೆಬೀ ತಮೇ ಅನ್ಬೋವಿಸೋರತೆ ಸಂಕ್ಕಟಮೆಬೀ ದಖಡಿನಾವೆಲು ತಮಾರು ತಾಳ್ಮೆ ನಂಬಿಕೇನೆ ಹದ್ದನ್ಕರಿನೆ ತಮಾರು ವಿಷಯಮ್ತೈನೆ ಹೆಚ್ಚಳಪಡಿನೆ ದೆವ್ನು ಚರ್ಚ್ನುಮ್ಹೆ ಹಮೆದ್ ವಾತ್ಕರ್ಯೇ. ⁵ .ದೇವ್ ನ್ಯಾಯಂ ತೈಲು ತಿರ್ಪ್ ಕರೆ ಅಂಕಿನೆ ತಮರು ತಾಳ್ಮೆ ಸ್ಪಸ್ಟಮ್ ತೈಲು ನಿದರ್ಸನಂ ತೈಲುಸೆ.ಚು ದೆವ್ನು ರಾಜ್ಯಮ್ನು ವಂತಿ ತಮೆ ಕಸ್ಟಮ್ ಅನುಬೋವಿಸೋಕೀ ಇನೇ ತಮೆ ಯೋಗ್ಯಂ ಥವೊನುಕಿನೇ ದೆವ್ನು ಅಭಿಪ್ರಾಯಾಂ . ⁶ .ಸಂಕಟ ಮ್ ಕರ್ನಾರನೆ ಇವ್ನೆಬೀ ಸಂಕಟಂ ಬೀ ಸಂಕಟಂ ಕರ್ನಾರತೈಲ ತಮ್ನೆ ಹಮಾರ್ದೊಡೆ ಉಪಾಶಮನಮ್ ಆಲೋನು ದೆವ್ನು ಲೆಕ್ಕಮ್ಮೆ ನ್ಯಾಯಂ ತೈಲೂಸೆ ಅಕ್ಲುದ್ . ⁷ .ಆಲೇ ಅಂಕೆಕ್ಲೆ ಯೇಸು ಕರ್ತೋ ಇನು ಶಕ್ತಿ ದಖಾಡೆತೆ ದೆವೊಧುತೋ ಭೆರೈಲೋತೈನೆ ಸಿಲ್ಗಾಯ್ತೇ ವಯ್ನ್ದೆಮೆ ಆಕಾಶಮ್ತಿ ಪ್ರತ್ಯಕ್ಷಂ ಥಾಯ್ತೆಕಾಲಮ್ಮೆ ಏ ಆಲೇ . ⁸ ತಗ್ಡೆ ಹಮಾರು ಕರ್ತೋ ತೈಲೋ ಯೇಸುಸ್ವಾಮೀ ದೆವ್ನೆ ಮಾಲಂನಾಕರ್ಲಿದೆಲಾನೆಬೀ ಇನು ಸುವಾರ್ತೇನೆ ಕಾನ್ ನಾ ಆಲೆಲಾನೆಬೀ ಪ್ರತಿಕಾರಂ ಆಲೇ . ⁹ .ಎ ದಿನ್ಮೆ ಎ ಇನು ಪವಿತ್ರರ್ ನು ಮುಲಕಮ್ತಿ ಪ್ರಬವಂ ಹೊಂದ್ನಾರೋ ತೈನೆಬೀ ಹಮೇ ತಮ್ನೆ ಕಿದೇಲು ಸಾಕ್ಷಿ . ¹⁰ .ನಮ್ಬೇಲಾ ಹಂದಾನು ಮೂಲಕಮ್ತಿ ಇನು ವಿಷಯಂ ಮೇ ಆಶ್ಚರ್ಯಂ ವುಬ್ಲಾವ್ ನಾರೋ ತೈನೆಬೀ ಆವೇ ತಗಡೆ ಯೆವಾಹರ್ಕಾ ಕರ್ತೋನು ಸಂಮುಖಮ್ನೆಬೀ ಇನು ಪರಕ್ರಮಂ ವೈಬಾವಂ ನೆಬೀ ದೂರ್ತೈನೆ ನಿತ್ಯನಾಶನಂ ಅಂಕೆತೆ ದಂಡನೆ ಅನುಬವಿಸೇ . ¹¹ .ಎ ದೀನ್ ಹಮೇ ಹಾಮು ದೊತಾ ತಮಾರ್ವೊಲ್ತಿ ಪ್ರಾರ್ಥನೆ ಕರಿನೆ - ಹಮಾರ್ ದೇವ್ ತಮ್ನೆ ಬಲಾಯೋತಿನೆ ಎದ್ ತಮ್ನೆ ಯೋಗ್ಯರ್ ಕಿನೇ ಗನೋನುಕಿನೇ ಬೀ ಸತ್ಕ್ರಿಯೇಮೆ ಸಂತೋಷೋತೇ ತಮಾರು ಸಕಲಮ್ನು ಆಲೋಚನೆ ನಮ್ಬಿಕೆನು ಫಲಂ ತೈಲು ತಮಾರು ಕಾಂ ಶಕ್ತಿ ಪುರ್ವಕಂ ತೈನೆ ಸಿದ್ದಿನೆ ಲವೊನುಕಿನೆ ಬೇಡಿಲೆಮ್ . ¹² .ಹೋಯ್ತೋ ಹಮಾರ್ ದೆವ್ನು ವುರಿ ಕರ್ತೋ ತೈಲೋ ಯೆಸುಕ್ರಿಸ್ತೋನು ಕ್ರುಪೆತಿ ತಮಾರು ಮುಲಕಂ ಹಮರುಕರ್ತೋ ಥೈಲೋಯೇಸು ಸ್ವಾಮಿನು ನಾಮ್ನೆ ಮಹಿಮೆ ಥಾಯ್ ;ಇನು ಮೂಲಕಮ್ ತಮ್ನೆಬೀ ಮಹಿಮೆ ಥಾಯ್ .