¹² Yaz naih ndung hungc ori jav mbu nyouh, si yaz ma ori norngc zeiv gornv maakc jav, yaz gaan ori ningh gornv nyouh dori hminh goorngv wac, weic funz baanh dih ndorih duz hnquanf lorc taauv daauh. ¹³ Meih nyaangh slaei, daangv Zouv Nqungh Hungh sinv daih wav daauh nyaangh seiv, youc saang taauv meih. ¹ Yaz jiu bang munh gu, jav jaen funz Nqungh- Hungh sinv daih nyaangh wav ndormc munh gu, gornv naanh nyaangh seiv, si wav ndormc munh yaz slaangz yaamz saenz nqeif, ma gaan yaz muic lanh beiz saenz nqeif youc slaangz dih hnaangc. ² shungc weic saenz nqeif yaamz gornv baanh, youc yaamz gornv baanh slheiv qkuei. ³ Glorv Nqungh-Hungh gornv naanh nyaangh Doornz Yesu horh lenh baanh, shac buz, shac baengh ornz, funz baanh beiz duz saenz nqeif lanh youc slaangz lanh. ⁴ Yaz hnumc nyac haaif faatc naih ah ndormc nyaangh munh seiv faatc eix saenv Nqungh Fav, youc ningh horf nzuf yaz duz slipv daangv Zouv nyaangh wav ndormc wac. ⁵ Ov lae, naeiv ndih yaz nquinf nyouh ndormc ori zuc lanh slaangz lanh, naeiv ma zeic yaz jav saangf nqeic hunx nyouh ndormc, naeiv ndormc nqeic daangv yaamz gah ndangc ndih naih nzuc. ⁶ Slaangz Zouv gornv slaangz munh si naangc naeiv, baanh ori zuf eix saenv Zouv nyaangh nqeic, yaamz gornx wav ndih wav ndormc nqeic si ori zuc slaangz Zouv youc lanh slaangz lanh. ⁷ Naih jah munh nyaangh munh saeth ningh youh nqungh ndiv, naanh sliz ma shaamv zuc Zouv Yesu Gi-duc, nzac daih saangh daauh mbamh munh naeiv ndormc munh si kungh jah munh kungh youc gornv Zouv dih daam. ⁸ Nyouh ndormc ori zuc slaeu slimz, kuiv mbeiv nyouh aai nyaangh nqaamc bouz duih, haanc duz slip nzuf zuc nyeic. ⁹ Dori lanh ningh nqeih guz ma eiz Gi-duc nzaor nyaangh wac, wav daauh ma naih Nqungh-Hungh, hnaangc goorngv dori daauh eiz Giduc nzaor nyaangh wac, naanh naih Nqungh fav youc naih Nqungh fav nyaangh Doornz. ¹⁰ Si goorngv dori lanh daih youc ma nzonh neiv ndormc nzaor nyaangh wac, si ma duz slipc sliz nzac biaauv youc kuiv gornv sliz hlaanv wac. ¹¹ Hnaangc dori lanh gornv naanh goorngv wac, wav lanh gornv naanh sorngc hnyouc aai huc. ¹² Yaz hnaih ndung hungc ori jav hunx nyoruh, si yaz ma ori norngc zeiv gornv maakc jav, yaz gaan ori ningh daauf gornv maeih goorngv wac, weic hunz baanh dux dih ndorih nquaeic. ¹³ Maeih nyaangh on daangv Nqungh-hung seinv daih wav daauh nyaangh seiv youc saang daauf maeih.