ಆದ್ಯಯ-2, 3
1
ಸಮಯುಮ್ಲ ಯೇಸು ಸಭಾ ಮಂದಿರುರ್ಮ್ಕಿ ಪಾಯ್ನಪ್ಪ್ಡುಆನ ಸೈ ಬತ್ಪಾಯಿನ ಒಕ್ಡುoಡೆ.
2
ವಾಳು ಯೇಸು ಮಿಂದ ತಪ್ಪೋರ್ಬೀಯಾಲನಿ ಯೋಚ್ನುಮು ಸೇಸಿ ಸಬ್ಬತ್ ದಿನುಮ್ಲ ವಾಡ್ನಿ ಸ್ವಸ್ಥ್ಮು ಸೇಸ್ತಾಡೋ ಏಮೋ ಅನಿ ಯೇಸುನಿ ವಂಚಿಚ್ಚಿ ಸೂಸ್ತ ವುಂಡ್ರಿ.
3
ಯೇಸು ಸೈ ಬತ್ತ್ನೋಡ್ಕಿ - ಲೇಸಿ ಹತ್ರುಮ್ಕಿ ರಾ ಅನಿ ಸೊಪ್ಪಿ ವಾಳ್ಕಿ -
4
ಸಬ್ಬತ್ ದಿನುಮ್ಲ ಯಾವ್ದ್ನಿ ಸೇಸೇದಿ ನ್ಯಾಯ್ಮು ? ಪೈನಿನಿ ಸೇಸೆದೋ , ಕೇಡ್ನಿ ಸೇಸೆದೋ ? ಪ್ರಾಣುಮ್ನಿ ಉಳ್ಬಿಚ್ಚೇದೋ , ಸೀಸೇದೋ ? ಅನಿ ಸೋಪ್ನಪ್ಡು ವಾಳು ಊರ್ಕುಂಡ್ರಿ .
5
ಅಪ್ಡು ಯೇಸು ವಾಳ್ ಮನ್ಸು ರಾಯಯುಂಡೆದ್ನಿ ಕನಿ ದುಕ್ಮುಪಡಿ ಕೋಪ್ಮಿಂಚ ಸುತ್ಲ ವಾಳ್ನಿ ಸೂಸಿ ಆ ಮನುಷ್ಯುಡ್ಕಿ - ನೀ ಸೈನಿ ನೀಡು ಅನಿ ಸೊಪ್ಪೇ . ವಾಡು ನೀಡೆ , ಸೈ ಗುಣ್ಮಾಯೆ .
6
ಪರಿಸಾಯುಲು ಆಕ್ಟರ್ಕಿ ಪಾಯಿ ಅಪ್ಡೇ ಹೆರೋದ್ಯುಲ್ನಿ ಕೂಡ್ಕೋನಿ ಯೇಸುನಿ ಯಾವ್ ಉಪಾಯ್ಮಿಂಚ ಸೊಂಪ್ದಾಮು ಅನಿ ಯೇಸುಕಿ ವಿರೋದ್ಮಾಯಿ ಯೋಚ್ನುಮು ಸೇಸ್ಕೊನ್ರಿ .
7
ಯೇಸು ವಾಳ್ ಶಿಷ್ಯುಲು ಜೊತ್ಲ ಆ ಸ್ಥಳ್ಮ್ನಿ ಇಡ್ಸಿ ಸಮುದ್ರುಮು ಹತ್ರುಮ್ಕಿ ಪಾಯ್ರಿ.
8
ಗಲಿಲಾಯ್ಮಿಂಚ ಬಹುಜನ್ಮುಲು ಯೇಸು ಎನ್ಕ ಪಾಯ್ರಿ .ಇದ್ಕಾಕುನ್ನ ಯೇಸು ಇಟ್ಟಿಟ್ಟೆ ಕೆಲ್ಸುಮುಲ್ನಿ ಸೇಸ್ತಾಡನಿ ಇನಿ ಬಹುಜನ್ಮು ಯೂದಾಯ್ಮಿಂಚಾನು ಯೆರೂಸಲೆಮಿಂಚಾನು ಇದುಮಾಯ್ನಿಂಚಾನು ಯೋರ್ದೊನ್ ಸರ್ವುಮು ಆಕ್ಟರಿಂಚಾನು ತೂರ್ ಸೀದೋನ್ ಪಟ್ಟಣುಳ ಸುತ್ಮಿಂಚಾನು ಯೇಸು ದೆಗ್ರುಕಿ ವಚ್ರಿ .
9
ಜನಲು ಗುಂಪಾಯುoಡೆದಾನ್ನಿಂಚ ಪೈಮಿಂದ ಪಡಿ ನೂಕಾರನಿ ಯೇಸು ತನ್ಕಿ ಒಕ್ಟಿ ದೋಣಿ ಸಿದ್ದ್ಮಾಯುಂಡ್ನಿ ಅನಿ ಶಿಷ್ಯುಲ್ಕಿ ಸೊಪ್ಪೇ
10
ಅನೇಕುಲ್ನಿ ಸ್ವಸ್ಥ್ಮು ಸೇಸಿಂದಾನ್ನಿoಚ ರೋಗ್ಮುಪೀಡಿತ್ಲ್ಯಾಯಿನ ಅಂದ್ರುನಿ ವಾಡ್ನಿ ಮುಟ್ಟಲನಿ ಪೈನೆ ಪಡ್ತಾವುನ್ದ್ರಿ .
11
ಮಲಿ ದೈಮ್ಲು ಯೇಸುನಿ ಕನ್ನಪ್ಡಂತ ಯೇಸು ಪಾದುಮ್ಕಿ ಪಡಿ - ನುವ್ವ ದೇವುಡುಕುಮಾರುಡನಿ ಕೂಸ್ತವುಂಡೆ.
12
ಆಯ್ತೆ ಯೇಸು ಇಟ್ಟೆಡನಿ ಯೋಳ್ಕು ಪ್ರಕಟಿಯ್ಗುಡ್ದನಿ ವಾಳ್ಕಿ ಬಹು ನಿಜ್ಮಾಯಿ ಸೊಪ್ಪೇ .
13
ಆಮಿಂದ ಯೇಸು ಬೆಟ್ಟುಮ್ನಿ ಎಕ್ಕಿ ತನ್ಕಿ ಬೇಕಾಯೋಳ್ನಿ ಹತ್ರುಮ್ಕಿ ಪಿಲ್ಚ್ನಪ್ಪ್ಡು ವಾಳು ಯೇಸು ದೆಗ್ರುಕಿ ವಚ್ಚ್ರಿ .
14
15
ಯೇಸು ಪನ್ನೆಂಡು ಮಂದಿಲ್ನಿ ಆರ್ಪ್ಕೊನಿ ವಾಳು ತನ್ ದೆಗ್ರುಗ ವುಂಡಾಲನಿ ದೈಮುಲ್ನಿ ಇಡ್ಬಿಚ್ಚೆ ಅಧಿಕಾರ್ಮುವುಂಡೋಳಾಯಿ ಸುವಾರ್ತ್ಮುನಿ ಸಾರೇಕಿ ಯೇಸು ವಾಳ್ನಿ ಅಂಪಿಸ್ತಾಡನೇನು ಆ ಪನ್ನೆಂಡು ಮಂದಿಲ್ನಿ ಆರ್ಬಿಚ್ಚಿ ನೇಮಿಚ್ಚೆ .
16
ಪೇತೃಡನಿ ಪೇರ್ ಪೆಟ್ಟೆ .
17
ಜೆಬೆದಾಯುಡು ಕೊಡ್ಕಾಯಿನ ಯಾಕೊಬುಡ್ಕಿ ಯಾಕೊಬುಡು ತೊಂಬ್ಡಾಯಿನ ಯೋಹಾನುಡ್ಕಿ ಬೊವನೆರ್ಗೆಸ್ ಅಂಟೆ ಗುಡ್ಗಿನ ಮರಿಲು ಅನಿ ಪೇರ್ಪೆಟ್ಟೆ.
18
ಉಳ್ಸ್ನೋಳು ಯೋಳಂಟೆ , ಅಂದ್ರೆಯುಡು , ಫಿಲಿಪ್ಪುಡು , ಬಾರ್ತೊಲೋಮಾಯುಡು , ಮತ್ತಾಯುಡು , ತೋಮುಡು ,ಅಲ್ಫಾಯುಡು ಕೊಡ್ಕಾಯಿನ ಯಾಕೊಬುಡು , ತದ್ದಾಯುಡು , ಮತಾಭಿಮಾನುಡು ಅನೆ ಪೇರ್ಸೀಸ್ಕೊನಿನ ಸೀಮೊನುಡು ,
19
ಯೇಸುನಿ ಪಟ್ಟಿಚ್ಚಿನ ಇಸ್ಕರಿಯೂತ ಯೂದುಡು , ವೂಳೇ .
20
ಯೇಸು ಇಂಟ್ನೋನ್ಕಿ ವಚ್ನಪ್ಪ್ದು ಜನಲು ತಿರಿಕೋನಿ ನೆರ್ಸುಂಡೆದಾನ್ನಿಂಚ ಊಟುಮ್ಕಿ ಅವಕಾಶ್ಮಾವ್ಲೇದು .
21
ದೀನ್ನಿ ಇನಿ ವಾಡ್ ಬಂಧುಲು ವಾಡ್ಕಿ ತಿಕ್ ಪಟ್ಕೊನಿಂದಿ ಅನಿ ಸೊಪ್ಪಿ ಯೇಸುನಿ ಪಟ್ಟೆಕಿ ಪಾಯ್ರಿ .
22
ಇದ್ಕಾಕುನ್ನ ಯೆರೂಸಲೆಮಿಂಚ ವಚ್ಚುಂಡಿನ ಶಾಸ್ತ್ರಿಲು - ವೂಡ್ನಿ ಬೆಲ್ಜೆಬೂಲುಲು ಪಟ್ನಾರನಿ ವೂಡು ದೈಮುಲು ರಾಜುಡು ಸಹಾಯ್ಮಿಂಚ ದೈಮುಲ್ನಿ ಇಡ್ಬಿಸ್ತಾಡುಅನಿನು ಸೊಪ್ತಾವುಂಡ್ರಿ.
23
ವಾಡು ವಾಳ್ನಿ ಹತ್ರುಮ್ಕಿ ಪಿಲ್ಚಿ ವಾಳ್ಕಿ ಸಾಮ್ಯರೂಪ್ಮಾಯಿ ಸೊಪ್ಪಿನ್ದೆಮಂಟೆ - ಸೈತಾನುಡು ಸೈತಾನುಡ್ನಿ ಇಡ್ಬಿಚ್ಚೆದೇಮೀ?
24
25
ಓಕ್ ರಾಜ್ಯುಮ್ಲ ಭೇದ್ಮು ಪುಟ್ತೆ ಆ ರಾಜ್ಯುಮು ಉಳ್ಸೇಟ್ಲೆದು , ಓಕ್ ಇನ್ಟ್ಲ ಭೇದ್ಮು ಪುಟ್ತೆ ಆ ಇಂಟಾನು ನಿಲ್ಚೆಟ್ಲೆದು.
26
ದಾನ್ಲಕ್ನೆ ಸೈತಾನುಡು ಯೇಸುಕಿ ವಿರೋದ್ಮಾಯಿ ಲೇಸಿ ತನ್ಲ ಭೇಧ್ಮು ಪುಟ್ಟಿಚ್ಕೊಂಟೆ ವಾಡು ನಿಲ್ಚ್ಕೊಕುನ್ನ ನಾಶ್ಮಾಯಿ ಪಾತಾಡು .
27
ಅದ್ಕಾಕುನ್ನ ಒಕ್ಡು ಮೊದ್ಲು ಬಲಿಷ್ಟುಡ್ನಿ ಕಟ್ ಏಯ್ಕುನ್ನ ಆ ಬಲಿಷ್ಟುಡು ಇಲ್ನಿ ಹೊಕ್ಕಿ ವಾಡ್ ಸೊತ್ನಿ ಸುಲ್ಕೊನೆಕಿ ಆಯೆಟ್ಲೆದು , ಕಟ್ ಏಸಿನ್ಮಿಂದ ವಾಡ್ ಇನ್ಟ್ನಿ ಸುಲ್ಕೊನೋಡು .
28
29
30
28ವಾಳು - ವೂಡ್ಕಿ ದೈಮು ಪಟ್ಟಿಂದಿ ಅನಿ ಸೊಪ್ಪಿನ್ದಾನ್ನಿಂಚ ಯೇಸು ವಾಳ್ಕಿ - ಮೀಕಿ ಸತ್ಯುಮಾಯಿಸೊಪ್ತಾನು , ಮನುಷ್ಯುಲು ಎಂತ ದೂಷಿಸ್ತೇನು ವಾಳು ಸೇಸೆ ಅನ್ನಿ ಪಾಪಲ್ಕಿ ದೂಷನೆಳ್ಕಿ ಕ್ಷಮಾಪಣೆ ಉಂಟಾಯ್ತಾವಿ ,29 ಆಯ್ತೆ ಪವಿತ್ರಾತ್ಮುಡ್ನಿ ದೂಷಿಚ್ಚೋಳು ಎಪ್ಪ್ಡುಕಿ ಕ್ಷಮಾಪಣೆ ಹೊಂದೆಟ್ಲೆ , ವಾಡು ಶಾಶ್ವತ್ಮು ಪಾಪುಮ್ಲೇಕಿ 30 ಸೇರ್ನೋಡಾಯೇ ಅನಿ ಸೊಪ್ಪೇ .
31
ಜನಲು ಯೇಸು ಸುತ್ಲು ಕುಚ್ಚೋನುನ್ಡ್ನಪ್ಪ್ದು ಯೇಸು ತಲ್ಲಿನೂ ತೊಂಬ್ಡುಲು ವಚ್ಚಿ ಆಕ್ಟರ ನಿಂಪೋಡ್ಕೊನಿ ಯೇಸುನಿ ವಚ್ಚೆಕಿ ಅಂಪಿಚ್ಚ್ರಿ .
32
ಆ ಜನಲು ಯೇಸುಕಿ - ನೀ ತಲ್ಲಿನು ತೊಂಬ್ಡುನು ನಿನ್ನೀ ಹುಡ್ಕೊನಿ ವಚ್ಚಿ ಆಕ್ಟರ ನಿಲ್ಪಡ್ನಾರು ಸೂಡಿ ಅನಿ ಸೊಪ್ಪಿನ್ದಾನ್ಕಿ ಯೇಸು ವಾಳ್ಕಿ -
33
ಯೇಸು ವಾಳ್ಕಿ - ನಾಕಿ ತಲ್ಲಿನು ತೊಮ್ಮುಳು ಯೋಳು ? ಅನಿ ಸೊಪ್ಪಿ ತನ್ ಸುತ್ಮು ಕುಚ್ಚೋನುಂಡೋಲ್ನಿ ಸೂಸಿ-
34
ಇಗೋ ನಾ ತಲ್ಲಿ , ನಾ ತೊಂಬುಳ್ಳು .
35
ದೇವುಡು ಚಿತ್ಮುಲಾಕ ನಡ್ಸೋಡೆ ನಾಕಿ ತೊಂಬ್ಡುನು ಶೆಲ್ಲನು ತಲ್ಲಿನು ಆವಾಲ ಅನೆ.