¹ ದೇವುಡು ಕುಮಾರುಡೈನ ಯೇಸು ಕ್ರಿಸ್ತುಡಿನ ವಿಷಯ್ಮಾಯ್ನ ಸುವಾರ್ತ್ಮು ಪ್ರಾರಂಭ್ಮು , ² ಇಗೋ ನಾನು ನಾ ದೂತುಡ್ನಿ ನೀ ಮುಂದ್ರ ಅಂಪಿಸ್ತ ³ , ನುವ್ವ ಪಾಯೇ ದಾವ್ನಿ ವಾಡು ಸರಿಸೇಸ್ತಾಡನೆನೂ ಕರ್ತುಡು ದಾವ್ನಿ ಸಿದ್ಮುಸೇಯಂಡ್ರಿ , ವಾಡ್ ಹಾದಿಲ್ನಿ ನೆಟ್ಗ ಸೇಯಂಡ್ರಿ ಅನಿ ಅಡ್ವಿಲ ಕೂಸೋಡ್ ಶಭ್ದ್ಮು ವುಂಡಾದಿ ಅನಿ ⁴ ಪ್ರವಾದುಡೈನ ಯೇಶಾಯುಡು ಗ್ರಂಥ್ಮುಲ ರಾಸುಂಡೆ ಪ್ರಕಾರ್ಮು ಯೋಹಾನುಡು ವಚ್ಚಿ ಜನಲ್ಕಿ - ಮೀರು ಪಾಪ್ಮು ಪರಿಹಾರ್ಮುಕಾಯಿ ದೇವುಡು ತೊಟ್ಗಿ ತಿರಿಕೋನಿ ದೀಕ್ಷಾಸ್ನಾನ್ಮು ಸೇಬಿಚ್ಕೊವಾಲನಿ ಸಾರಿಸೊಪ್ಪ್ತ ಅಡ್ವಿಲ ದೀಕ್ಷಾಸ್ನಾನ್ಮು ಸೇಸ್ತಾ ವುಂಡೆ . ⁵ ಅಪ್ಡು ಯೂದಾಯ್ಮು ಸೀಮೆ ಅಂತ ಯೆರೂಸಲೆಮೊಳoದ್ರು ವಾಡ್ ದೆಗ್ರುಕಿ ಪಾಯಿ ವಾಳ್ ವಾಳ್ ಪಾಪಲ್ನಿ ಸೊಪ್ಕೊನಿ ಯೋರ್ದೊನ್ ಏಟ್ಲಾ ವಾಡಿಂಚ ದೀಕ್ಷಾಸ್ನಾನ್ಮುಸೇಬಿಚ್ಕೊoಟವುಂಡ್ರಿ . ⁶ ಯೋಹಾನುಡು ಒಂಟ ಎಂಟುಕ್ಲಿನ ಹೊದಿಕೆನಿ ಏಸ್ಕೋನಿ ನಡುಮ್ಕಿ ತೊಗ್ಲಿನ ನಡ್ಮುಕಟ್ನಿ ಕಟ್ಕೊನುಂಡೆ , ವಾಡು ಮಿಡತೆನಿ ಕಾಡ್ ಜೇನ್ಲುನಿ ಅಹಾರ್ಮು ಸೇಸ್ತಾವುಂಡೆ . ⁷ ವಾಡು - ನಾಕಿಂತ ಶಕ್ತುಡು ನಾ ಎನ್ಕ ವಸ್ತಾಡು , ವಾಡ್ ಸೊಪ್ಲು ಬಾರ್ಲುನಿ ಒಂಕೋನಿ ಇಪ್ಪೇಕಿ ನಾನು ಯೋಗ್ಯುಡು ಕಾದು . ⁸ ನಾನು ಮೀಕಿ ನೂಳಿನ ಸ್ನಾನ್ಮು ಸೇಬಿಸ್ತಿ , ವಾಡಾರೋ ಮೀಕಿ ಪವಿತ್ರಾತ್ಮು ಸ್ನಾನ್ಮು ಸೇಬಿಸ್ತಾಡು ಅನಿ ಸಾರಿ ಸೊಪ್ಪೇ. ^{9 10 11} 9ಆ ದಿನಗಳಲ್ಲಿ ಯೇಸು ಗಲಿಲಾಯ ಸೀಮೆಗೆ ಸೇರಿದ ನಜರೇತೆಂಬ ಊರಿನಿಂದ ಬಂದು ಯೊರ್ದನ್ ಹೊಳೆಯಲ್ಲಿ ಯೋಹಾನನಿಂದ ದೀಕ್ಷಾಸ್ನಾನ ಮಾಡಿಸಿಕೊಂಡನು. 10ಕೂಡಲೇ ಯೇಸುವು ನೀರಿನೊಳಗಿನಿಂದ ಮೇಲಕ್ಕೆ ಬರಲು ಪರಲೋಕವು ತೆರೆಯಲ್ಪಟ್ಟು ದೇವರಾತ್ಮನು ಪಾರಿವಾಳದ ಹಾಗೆ ಆತನ ಮೇಲೆ ಇಳಿಯುವುದನ್ನು ಕಂಡನು. 11ಆಗ - <<ನೀನು ಪ್ರಿಯನಾಗಿರುವ ನನ್ನ ಮಗನು, ನಾನು ನಿನ್ನನ್ನು ಬಹಳವಾಗಿ ಮೆಚ್ಚಿದ್ದೇನೆ>> ಎನ್ನುವ ದೈವವಾಣಿ ಪರಲೋಕದಿಂದ ಕೇಳಿಸಿತು. ^{12 13} , ಅಪ್ಡೇ ಯೇಸು ದೇವುಡಾತ್ಮುಮು ಪ್ರೇರಿತ್ಮಾಯಿ ಅಡ್ವಿಕಿ ಪಾಯೇ . ವಾಡು ನಲ್ಪೈ ದಿವ್ಸ್ಮು ಅಡ್ವಿಲ ಮ್ರುಗಾಲ್ಲು ಜೊತ್ಲ ವುಂಡಿ ಸೈತಾನುಡಿಂಚ ಶೋಧಿಚ್ನೋಡಾಯೇ ಮಲಿ ದೇವುಡು ದೂತುಲು ವಾಡ್ಕಿ ಉಪ್ಚಾರ್ಮು ಸೇಸ್ರಿ . ^{14 15} ಯೋಹಾನುಡು ಸೆರೇಕಿ ಪಡಿನ್ಮಿಂದ ಯೇಸು ಗಲಿಲಾಯ್ಮು ಸೀಮೇಕಿ ವಚ್ಚಿ - ಕಾಲ್ಮು ಪರಿಪೂರ್ಣ್ಮು ಆಯೆ , ದೇವುಡು ರಾಜ್ಯುಮು ಸಮೀಪ್ಮಾಯೇ , ದೇವುಡು ತೊಟ್ಗಿ ತಿರಿಕೋನಿ ಸುವಾರ್ತ್ಮುನಿ ನಂಬಂಡ್ರಿ ಅನಿ ದೇವುಡು ಸುವಾರ್ತ್ಮುನಿ ಸಾರಿ ಸೊಪ್ಪಂಡ್ರಿ . ¹⁶ ಇಟ್ಟುಂಡೆನಪ್ಡು ವಾಡು ಗಲಿಲಾಯ್ಮು ಸಮುದ್ರುಮು ದೆಗ್ರುಲ ಪಾಯೇನಪ್ಡು ಸೀಮೊನುಡು ಸೀಮೊನುಡು ತೊಂಬ್ಡಾಯಿನ ಅಂದ್ರೆಯುಡು ಸಮುದ್ರುಮುಲ ವಲಾ ಏಸೆದ್ನಿ ಕನೆ . ^{17 18} ವಾಳು ಬೆಸ್ತುಲು . ಯೇಸು ವಾಳ್ಕಿ - ನಾ ಎನ್ಕ ರಾಂಡ್ರಿ , ಮನುಷ್ಯುಲ್ನಿ ಪಟ್ಕೊನೆ ಬೆಸ್ತುಲಾಯಿ ಮಿಮ್ಮುಲ್ನಿ ಸೇಸ್ತಾನು ಅನಿ ಸೊಪ್ತಾನೆ ವಾಳು ವಾಳ್ ವಲುಲ್ನಿ ಇಡ್ಸಿ ವಾಡ್ ಎನ್ಕ ಪಾಯ್ರಿ . ¹⁹ ಇಂಕ ಕೊಂಚ್ಮು ಮುಂದ್ರ ಪಾಯಿ ಜೆಬೆದಾಯುಡು ಕೊಡ್ಕಾಯಿನ ಯಾಕೊಬುಡ್ನಿ ವಾಡ್ ತೊಂಬ್ಡಾಯಿನ ಯೋಹಾನುಡ್ನಿ ಕನೆ . ²⁰ ವೂಳು ದೋಣಿಲ ವಾಳ್ ವಲುಲ್ನಿ ಸರಿಸೆಸ್ತ ವುಂಡ್ರಿ . ಕೂಡ್ಲನೆ ವೂಳ್ನಿ ಪಿಲ್ಚೆ . ವಾಳು ತಮ್ ತಂಡ್ರಿಯಾಯಿನ ಜೆಬೇದಾಯುಡ್ನಿ ಕೂಲಿಯಾಳುಲ ಸಂಗಡ್ಮು ದೋಣಿಲ ಇಡ್ಸಿ ವಾಡ್ ಎನ್ಕ ಪಾಯ್ರಿ . ²¹ ಆಮಿಂದ ವಾಳು ಕೆಪೆರ್ನೋಮ್ ಅನೆ ಊರ್ಕಿ ಸೇರ್ರೀ . ಅಪ್ಡೆ ಸಬ್ಬತ್ ದಿನುಮ್ಲ ಯೇಸು ಸಭಾಮಂದಿರುಮ್ಕಿ ಪಾಯಿ ಉಪದೆಶ್ಮು ಸೇಸೆ . ²² ಜನಲು ವಾಡ್ ಉಪ್ದೆಶುಮ್ಕಿ ಅತ್ಯಾಶ್ಚರ್ಯುಮು ಪಡ್ರಿ , ಎಂದ್ಕಂಟೆ ವಾಡು ಶಾಶ್ತ್ರಿಲಾಕ ಉಪದೇಶ್ಮು ಸೇಕುನ್ನ ಅಧಿಕಾರ್ಮು ಉಂಡೋಡ್ಲಾಕ ವಾಳ್ಕಿ ಉಪದೆಶ್ಮು ಸೇಸ್ತಾವುಂಡೆ . ²³ 23 ಅಪ್ಡು ವಾಳ್ ಸಭಾಮಂದಿರುಮ್ಲ ದೈಮು ಪಟ್ಟುoಡಿನ ಓಕ್ ಮನುಶ್ಯುಡುಂಡೆ . ²⁴ 24 ಆ ದೈಮು - ನಜರೇತಿನ ಯೇಸುವ , ಮಾ ಗೊಡವ ಮೀಕೆಂದ್ಗು ? ಮಮ್ಮುಲ್ನಿ ನಾಶ್ಮು ಸೇಸೇಕಿ ವಸ್ತ್ವಾ ? ನಿನ್ನೀ ತಿಲ್ಸ್ನಾಮು , ನುವ್ವ ದೇವುಡು ಪ್ರತಿಷ್ಟಿತುಡು ಅನಿ ಕೂಸಿ ಸೊಪ್ಪೇ . ^{25 26} ಯೇಸು ದಾನ್ನಿ ಗದ್ರಿಚ್ಚಿ - ಊರ್ಕುಂಡು , ವೂಡ್ನಿ ಇಡ್ಸಿ ಪೋ ಅನ್ನಪ್ಡು ಆ ದೈಮು ವಾಡ್ನಿ ವದ್ದಾಡ್ಬಿಚ್ಚಿ ಅಬ್ಬರಿಚ್ಚಿ ಕೂಸಿ ಇಡ್ಸಿ ಪಾಯೇ . ²⁷ ಅಂದ್ರು ಬೆರ್ಗಾಯಿ - ಇದೆಮುಂಡಚ್ಚು ? ಇದಿ ಕೊತ್ ಉಪದೆಶ್ಮು . ವೂಡು ಅಧಿಕಾರ್ಮಿಂಚ ದೈಮ್ಲುಕು ಅಪ್ಪಣ್ಮು ಇಸ್ತಾಡು , ಅವಿ ವಾಡ್ ಮಾಟ್ಲುನಿ ಇಂಟಾವಿ ಅನಿ ವಾಳ್ ವಾಳ್ಳ ವಿಚಾರ್ಮು ಸೇಸ್ಕೊನ್ರಿ . ²⁸ ಅಪ್ಡೇ ವಾಡ್ ಸುದ್ದಿ ಗಲಿಲಾಯ್ಮು ಸೀಮೇಲ ಯಾನ್ಯಾನನು ಹಬ್ಬೆ. ²⁹ ಆಮಿಂದ ವಾಳು ಸಭಾಮಂದಿರ್ಮಿಂಚ ಹೊರ್ಟಿ ಯಾಕೊಬುಡು ಯೋಹಾನುಡು ಸಂಗಡ್ಮು ಸೀಮೊನುಡು ಅಂದ್ರೆಯುಡು ಇಂಟ್ಕಿ ವಚ್ಚ್ರಿ . ³⁰ ಆನ ಸೀಮೊನುಡು ಅತ್ತ ಜರ್ಮೊಚ್ಚಿ ಪೊಂಗೊನುಂಡಿನಪ್ಡು ವಾಳು ದಾನ್ ಸಂಗತಿನಿ ಯೇಸುಕಿ ತಿಲ್ಬಿಚ್ರಿ . ³¹ ಯೇಸು ದೆಗ್ರುಕಿ ವಚ್ಚಿ ದಾನ್ ಸೈನಿ ಪಟ್ಕೊನಿ ಲೇಪಿನಪ್ಡು ಜರ್ಮು ದಾನ್ನಿ ಇಡ್ಸಿ ಪಾಯೇ , ಆದಿ ವಾಳ್ಕಿ ಉಪ್ಚಾರ್ಮು ಸೇಸೆ . ³² ರಾತ್ರಾಯಿ ಪದ್ದು ಮುಳ್ಗಿನ್ಮಿಂದ ಜನಲು ಪೈಲ ನೆಟ್ಗಲೇನೋಳoದ್ರುನಿ ದೈಮು ಪಟ್ನೋಲ್ನಿ ಯೇಸು ದೆಗ್ರುಕಿ ತೊಡ್ಕೊನೋಚ್ರಿ . ³³ ಊರಂತ ವಾಕ್ಲಿ ಮುಂದ್ರ ಒಟ್ಟುಗೂಡುoಡೆ . ³⁴ ಅಪ್ಡು ಯೇಸು ತರ್ತರ್ಮಾಯಿನ ರೋಗಲಿಂಚ ಪೈಲ ನೆಟ್ಗಲೇನಿನ ಬಹುಜನಲ್ನಿ ವಾಸಿ ಸೇಸಿ ಅನೇಕ್ಮು ದೈಮುಲ್ನಿ ಇಡ್ಬಿಚ್ಚೆ . ಮಲಿ ತಾನು ಇಟ್ಟೋಡನಿ ಅವ್ಕಿ ತಿಲ್ಸಿಂದಾನ್ನಿಂಚ ಯೇಸು ಅವುಲ್ನಿ ಮಾಟ್ಲಾಡೆಕಿ ಇಡಿಲೇ . ³⁵ ಮುಂಜಾನ್ಮು ಇಂಕ ಮೊಬ್ಬುಣ್ಣಪ್ಡು ಯೇಸು ಲೇಸಿ ಪಾಯಿ ಅಡವಿಯ ಸ್ಥಳುಮ್ಕಿ ಪಾಯಿ ದೇವುಡ್ನಿ ಪ್ರಾರ್ಥಿಸ್ತ ವುಂಡೆ . ³⁶ ಸೀಮೊನುಡು ವಾಡ್ ಜೊತ್ಲ ವುನ್ದ್ನೋಳು ವಾಡ್ನಿ ಎನ್ಕಪಡಿ ಕನಿ - ಅಂದ್ರು ನಿನ್ನೀ ಹುಡ್ಕ್ತಾವುಂಡಾರು ಅನಿ ಯೇಸು ವಾಳ್ಕಿ - ³⁷ ಮಾಮು ಸಮೀಪುಮ್ಲ ವುಂಡೆ ಬೇರ ಊರ್ಲುಕಿ ಪದಾಮು , ಆನಾನು ನಾನು ಸುವಾರ್ತೆನಿ ಸಾರಲ , ದೀನ್ಕಾಯೇ ನಾನು ಹೊರ್ಟಿ ವಚ್ನಾನು ಅನಿ ಸೊಪ್ಪೇ. ³⁸ ದೀನ್ಕಾಯೇ ನಾನು ಹೊರ್ಟಿ ವಚ್ನಾನು ಅನಿ ಸೊಪ್ಪೇ. ³⁹ ಆಮಿಂದ ಯೇಸು ಗಲಿಲಾಯ್ಮುಲ ಅಂತ ಪಾಯಿ ವಾಳ್ ಸಭಾಮಂದಿರ್ಮುಲ ಸುವಾರ್ತುಮುನಿ ಸಾರ್ತಾ ದೈಮ್ಲುನಿ ಇಡ್ಬಿಸ್ತ ವುಂಡೆ. ⁴⁰ ಒಕ್ಕ ಕುಷ್ಠರೋಗಿಡು ಯೇಸು ದೆಗ್ರುಕಿ ವಚ್ಚಿ ಯೇಸು ಮುಂದ್ರ ಮೊಣಕಾಲೂರಿಕೋನಿ - ನೀಕಿ ಮನ್ಸುಂಟೆ ನನ್ನೀ ಶುಧ್ಮು ಸೇಸ್ತಾವು ಅನಿ ಬೇಡ್ಕೊನೆಕಿ ಯೇಸು ಕನಿಕರ್ಮು ಪಟ್ಟಿ ಸೈನೀಡಿ ವಾಡ್ನಿ ಮುಟ್ಟಿ - ⁴¹ ನಾಕಿ ಮನ್ಸುಂಡಾದಿ , ಶುಧ್ಮಾವು ಅನೆ. ⁴² ಅಪ್ಡೇ ವಾಡ್ ಕುಷ್ಟ್ಮು ಪಾಯಿ , ವಾಡು ಶುಧ್ಮಾಯೇ . ^{43 44} ಪ್ಡು ಯೇಸು ವಾಡ್ಕಿ - ಯೋಳ್ಕು ಏಮಿ ಸೊಪ್ಪೋದ್ದು ಸೂಡಿ , ಆಯ್ತೆ ಪಾಯಿ ಯಾಜಕುಡ್ಕಿ ನೀ ಪೈ ಸೂಬಿಚ್ಚಿ ಮೋಶೇಡು ನೇಮಕ್ಮು ಸೇಸುಂಡೆದ್ನಿ ಅರ್ಪಿಚ್ಚಿ ನೀ ಶುಧ್ಧಾಚಾರುಮ್ನಿ ನೆರ್ವೆರಿಯ್ಯಿ ಆದಿ ಜನಲ್ಕಿ ಸಾಕ್ಷಿ ಆವ್ನಿ ಅನಿ ಕಂಡಿತ್ಮಾಯಿ ಸೊಪ್ಪಿ ವಾಡ್ನಿ ಅಂಪಿಡ್ಸೆ . ⁴⁵ ಆಯ್ತೆ ವಾಡು ಹೊರ್ಟಿಪಾಯಿ ಆ ಸಂಗತಿನಿ ಬಹಳ್ಮಾಯಿ ಸಾರಿ ಹಬ್ಬಿಚ್ಚಿದಾಂಕಿ ಯೇಸು ಬಹಿರಂಗ್ಮಾಯಿ ಇಂಕ ಯಾವ್ ಊರ್ಲೇಕು ಪೋಯೇಕಾಕುನ್ನ ಆಕ್ಟರ ಅಡ್ವಿ ಸ್ಥಳುಮ್ಲ ವುಂಡೆ . ಮಲಿ ಜನಲು ನಾಲ್ಗು ತೊಟ್ಟಿನ್ಚಾನು ವಾಡ್ ದೆಗ್ರುಕಿ ವಸ್ತವುಂಡ್ರಿ .