5 ¹ . ವೃದ್ದುಲ್ಕಿ ಗದರೀಕುನ್ನ ತಂದ್ರಿಅನಿ ಬಾವಿಂಚು ಬುದ್ದಿನಿ ಸೊಪ್ಪು ² . ಯೌವನಸ್ತುಲ್ಕಿ ಅನ್ನ ದೊಂಬುಳ್ಳು ಅನಿ ವೃದ್ದುಂ ಆಡೋಳ್ಳಿ ತಲ್ಲಿಲನಿ ಯೌವನ ಆಡೊಳ್ಳಿ ಪೂರ್ಣಮು ಶುದ್ದುಮ ಭಾಮ್ಮಿಂಚ ಅಕ್ಕ ಶೆಲ್ ಗಾಳು ಅನಿ ಎಣಿಚಿ ವಾಳಕಿ ಬುದ್ದಿನಿ ಸೊಪ್ಪಿ ³ ದಿಕ್ ಲೇಸಿನ ವಿದುವುಲ್ಕಿ ರಕ್ಷಿಯ್ಯಿ ಆಯ್ತೆ ಬಕ್ ವಿದುವುಕಿ ಬಿಡ್ಡುಳಾಯಿನಿ ⁴ ವುಂಡೆ ವಾಳೆ ಮೊದ್ಲು ವಾಳ್ ಇಂಟೋಳ್ಳಿ ಭಕ್ತಿನಿ ಸೂಬಿಚ್ಚೆದಾನಿಕಿ ತಂದ್ರಿ ತಲ್ಲಿಕಿ ಪ್ರತ್ಯುತ್ತರ್ಮು ಇಚ್ಚೇದಾನ್ಕು ಸೇರ್ಸ್ಕೊನಿ ⁵ . ಇದಿ ದೇವುಡು ದೃಷ್ಟಿಲ ಮೆಚ್ಚಿಕೆಯಾಯಿಂದಿ ದಿಕ್ ಲೆಕುನ್ನ ವಿದವೆ ದೆವುಡುಮಿಂದ ನಿರೀಕ್ಷೆನಿ ಪೆಟ್ಕೋನಿ ಪೆದ್ನ ಮಾಟಾಲ ವಿಜ್ಞಾಪನುಲ ಪ್ರಾರ್ಥನುಮ್ಲ ವುಂಟಾಡಿ . ⁶ . ಆಯ್ತೆ ಭೋಗಿ ಆಯುಂಡೆ ವಿದುವೆ ಉದುಕುಂಡೆ ನಪ್ಪು ಸಚ್ಚಿನೆದೆ. ⁷ . ವಿದುವೇಲು ಕಷ್ಟಮುಕಿ ಗುರಿ ಆಯ್ನಟ್ಗ ಈ ಆಚ್ಲೆಲ್ಕಿ ಸೇಯಿ ⁸ . ಯೋವುಡಾಯಿನಿ ಸ್ವಂತ ಜನಲುನಿ ವಿಶೇಷ್ಮಾಯಿ ವಾಳ್ ಇಂಟೋಳ್ಳಿ ರಕ್ಷಿಕುನ್ನ ಪಾತೆ ವಾಳು ಕ್ರಿಸ್ತ ನಂಬಿಕೆನಿ ತಿರಸ್ಕರಿಸ್ಕೊಡು ನಂಬಲೇನೋದುಕ್ಕಿಂತ ಕಡೆಯೋಡು ಆಯ್ನಾಡು ⁹ . ವಯುಸ್ಲೆ ಅರವೈಕಿ ಕಡಿಮೆ ಲೇನಿನ ವಿದುವೇನಿ ವಿದುವುಲ ಪಟ್ಟಿಕಿ ಸೇರ್ಪಚ್ಚು ¹⁰ . ಅಟ್ಟೆದಿ ಒಕ್ದು ಮೊಗುಡುಕಿ ಮಾತ್ರುಮು ಪೆಂಡ್ಲಾಮು ಆಯುಂಡೆ ಸತ್ಕ್ರಿಯೇನಿ ಸೆಸೇದನಿ ಪೇರ್ ಸಿಸ್ಕೊನಿಂದಿ ಆಯುಂಡಾಲ ಅಂಟೆ ಬಿಡ್ದುಳ್ನಿ ಸಾಕಿದವುನಿ ಸಂಕಟದಾನ್ಕಿ ಸಹಾಯಮು ಸೇಸದವುನಿ ಅನ್ನಿ ಸತ್ಕರ್ಯಮುನಿ ಆಸಕ್ತಿ ಉಂಟೆಟಾಯಿ ಆಯುಂಡಾಲ ¹¹ . ಪ್ರಾಯದ ವಿದವೆಯನ್ನಿ ಪಟ್ಟಿಲ್ನಿ ಸೇರಿಚೆ ವದ್ದು ವಾಳಿ ಮದಿಸಿ ಕ್ರಿಸ್ತನಿಕಿ ಸೇರದೆ ಪೆಳ್ಳಿ ಸೇಸ್ಕೋ ಆಸೆ ಪಡ್ತಾವು ¹² . ವಾಳ್ಕಿ ತಾವು ಮೊದ್ಲು ಇಚ್ಚ ಭರವಸೆಕಿ ತಪ್ಪಿದಾನಿ ಅವಮಾನಕಿ ಲೋಗಾಯಿಂಟೆ ¹³ . ಇದಿ ಕಾದಂಟೆ ವಾಳಿ ಗೃಹಗೃಹನಿ ತಿರುಗುತ್ತ ಉಂದಿ ಸೊಂಬೇರಿತನವನಿ ಕಲಿಚಾಡು ¹⁴ . ಇಟ್ಟುಂಡೆದಾನಿಂಚ ಪ್ರಾಯಲು ವಿದವೇನಿ ಪೆಳ್ಳಿ ಸೆಸೇಗನಿ ಬಿಡ್ದುಳ್ನಿ ಹೆತ್ತು ಮನೆನಿ ಯಾಜಮಾನಿಯಾಯಿನಾ ನಾಕಿ ಮಂಚ್ಚು ಡಾಕಿ ತೋಚಿಸ್ತಾದಿ ಹಾಟ್ಲೆ ಸೇಸೆದಿಂಕ ವಿರೋದಿಮ್ಲ ನಿಂದೆಗಿ ಅವಕಾಸಂ ಲೇದು ¹⁵ . ಕೆಲುವುಡು ಮಾರ್ಗಮ್ ತ್ಯಜಿಸಿ ಸೈತಾನನನ್ನಿ ಹಿಂಬಾಲಿಚ್ಚಡು ¹⁶ . ನಂಬುವವಳ್ಕಿ ಸ್ತ್ರೀಯ ಅಧಿನಲ್ಲಾ ವಿದವೆನಿ ಉಂಟೆ ದಾನ್ಕಿಯ ವಾಳ್ಕಿ ಸಂರಕ್ಷಿಚಾಡು ಸಭೆಯು ದಿಕ್ಕುಲೆದು ವಿದವೆರಿಕ ಸಹಾಯಮ್ ಸೇಸ್ತಾಡು ಅಂದಿ ದಾನ್ಕಿಯು ಆ ಭಾರವನ್ನಿ ಸಭೆಕಿ ಪೈನ ಇಚ್ಚವದ್ದು ¹⁷ . ಬಾವುಂದ ಅಧಿಕಾರುಮು ಸೇಸ್ಕ ಸೇಭೆನಿ ಹಿರಿಯರನ್ನಿ ವಾಲೆಗನಿ ವಿಶೇಷಮಾಗಿ ಪ್ರಸಂಗಮ್ಲು ಉಪದೆಶಮ್ಲು ಕಷ್ಟಪಟ್ತಾಡು ವಾಳ್ಕಿ ಇಮ್ಮುಡಿಯಾಯಿ ಯೋಗ್ಯರನಿ ಎಣಿಸಾಡು ¹⁸ . ಕಣಮ್ನಿ ತುಳಿಚ ದನನಿ ಬಾಯ್ನಿ ಮುಚ್ಚಕಾದುನಿ ಆಳು ತನ್ನಿ ಕೂಲಿಕಿ ಯೋಗ್ಯ ಮಾಯಿಂತ್ತೆಲೂ ಶಾಸ್ತ್ರಲ್ಲಾ ಸೋಪ್ಪಿo ಚ್ಚಾಡು ¹⁹ . ಸಭೆಕಿ ಹಿರಿಯನಿ ಪೈನಾ ಯಾರಾದರು ದೂರಾಮ್ ಸೋಪ್ಪಂಟೆ ಇಬ್ರುನಿ ಮೂವರ್ನೀ ಸಾಕ್ಷಿಲು ಹೊರತಾಗಿ ಅದನ್ನಿ ಮನಸಿಕಿ ತಿಸ್ಗವದ್ದು ²⁰ . ಪಾಪಮ್ಲು ನಡೆಯು ವಾಳ್ಕಿ ಅಂದರ ಮುಂದೆನಿ ಗದರಿಚು ²¹ . ವಾಳ್ಕಿಂಕ ಅಂದ್ರುಕು ಭಯಮು ಉಂಟಾಡು ನಾ ವಿಚಾರುಮು ಸೇಸೆನಿ ಮೊದ್ಲೇ ತಪ್ಪುನಿ ಹೊರಸದೆಯೂ ಪಕ್ಷಪಾತಾದಿಂಕ ಎಮಿ ಸೇಯಾದೆನಿ ನೀನು ಸೊಪ್ಪಿನ ಮಾಟ್ಲಾನಿ ಪ್ರಕಾರುಮು ದೇವುಡು ಎದುರ್ನಿ ಕ್ರಿಸ್ತ ಯೆಸುವಿನಿ ಎದುರಲು ಆಯ್ಕೆ ಸೇಸ್ತಾಡುಲು ದೇವದೂತುಡು ಎದುರ್ನಿ ಖಂಡಿತಮಾಗಿ ಸೋಪ್ಪಾಡು ²² . ಅವಸರಿಯಿಂಕ ಯಾರ ಶಿರಲು ಪೈನಾ ಕೈ ಪೆಟ್ಟಿ ಸಭೆಲೂ ಉದ್ಯೋಗಲೋ ನೇಮಿಚವದ್ದು ಹಾಟ್ಲೆ ನೇಮಿಚಿನಿ ಮತ್ತೊಬ್ಬಡುಕಿ ಸೇಸೇನ ಪಾಪಿಲ್ಲೂ ಣ ಪಾಲುಗಾರನೆನಾನಿ ಕಂಡಿ ವಚ್ಚಾಡು ನಾ ಶುದ್ದನಾಯಿ ಹಾಟ್ಲೆ ಸೂಸಿಕೋ ²³ . ಇನ್ನಿ ಪೈನಾ ನೀರೆನಿ ಮಾತ್ರುಮು ತಾಗೊದಾವ್ನುನ್ನ ನಿನ್ನಿ ಅಜೀರ್ಣಿಚ್ಚಿ ಮಲ್ಲಿ ನೀಕಿ ಅಪ್ಪಪ್ಡ ಉಂಟಾಯಿನ ಅಸ್ವಸ್ತತ್ಮು ಪರಿಹಾರ್ಮುಕಾಯಿ ದ್ರಾಕ್ಷಾರಸಮು ಅನ್ನಿ ಕೊಂಚಮಾಯಿ ತಿಸ್ಕೋ. ²⁴ . ಕೆಲವುಂಡು ಪಾಪಕೃತ್ಯಲು ಪ್ರಸಿದ್ದಮಾಗಿಂದಿ ವಾಳು ಕಿಂತವರನ್ನಿ ಮೊದ್ಲ ತಿಲ್ಚಿಯ್ಯಿ ಬೇರೆ ಕೆಲವುಡು ಪಾಪಕೃತ್ಯಲು ಮರೆಯಾಯಿಂಡಾಲ ತರುವಾಯಿ ತಿಳಿಚಿವಸ್ತಾದಿ . ²⁵ .ಹಾತ್ಲೆಯೇ, ಕೆಲುವುಲು ಸತ್ಕ್ರಿಯಲು ಪ್ರಸಿದ್ದವಾಯ್ಕವಿ ಬೇರೆ ಕೆಲುವುಲು ಸತ್ಕ್ರಿಯಲೂ ಅಪ್ರಸಿದ್ದಮಾಯುಂಡ್ರಿ ಮರೆಯಾಯ್ನನ್ನ ವುಂಡೆಟ್ಲೆ.