2 ¹ . ಅನ್ನಿಕ್ಕಿಂತ ಮೊದ್ಲು ಮನುಷ್ಲ ಅಂದ್ರುಕೊಸ್ಕುರುಮು ದೇವುಡುಕಿ ವಿಜ್ಞಾಪುಲ್ನು ಪ್ರಾರ್ಥಮುಲುನಿ ಮನವಿಲುನಿ ಕೃತಜ್ಞತ ಸ್ತುತಿಲ್ನ ಸೇಯಲ ಅನಿ ಬೋದಿಸ್ತಾನು ² . ಮಾಕಿ ಸುಖಂ ಸಮದಾನಮ್ಲ ಉಂಟಾಯಿ ಮಾಮ ಪೂರ್ಣಮು ಭಕ್ತಿಯಿಚನು ಗೌರವಮುನಿಂಚಾನು ಕಾಲಮು ಕ್ಷೆಪಮು ಸೇಯನಮು ಅರಸುಲು ಅನಿ ಅಧಿಕಾರಿಕಾಯಿ ವಿಜ್ಞಾಪುಲ್ನಿ ಸೇಯಲ ³ . ಅಟ್ಟೆ ಸೇಸೇದಿ ಮಾ ರಕ್ಷಕುಡಯಿನ ದೇವುಡು ಸನ್ನಿದಿಲಾ ಮೆಚ್ಚುಕೆ ಆಯಿ ಯೋಗ್ಯಮಾಯಿ ವುಂಡಾದಿ ⁴ . ಅನ್ನಿ ಮನುಷ್ಯುಲು ರಕ್ವನುಮ್ನ ಹೊಂದ್ಕೊನಿ ಸತ್ಯಮು ಜ್ಞಾನುಮ್ನಿ ಸೇರಲ ಅನಿ ವಾಡು ಚಿತ್ತಮು ಆಯಿಂದಿ ⁵ . ಎದ್ಕಂಟೆ ದೇವುಡು ಒಕ್ಕೆ ದೆವುಡುಕು ಮನುಷ್ಯುಡುಕು ಮದ್ಯಸ್ತುಡು ವಾಡೊಕ್ಕಡೆ ವಾಡು ಮನುಷ್ಯನಾಡಿನ ಯೇಸುಡೇ ⁶ ವಾಡು ಅಂದ್ರುನಿ ವಿವೇಚುಮು ಅರ್ಥಕುಮಾಯಿ ಒಪ್ಪಿಸೆದ್ಸೆ ದಾನ್ ತಕ್ಕು ಸಮಯುಮ್ಲ ಸೋಪ್ಪೆಬೇಕಾಯಿನ ಸಾಕ್ಷಿ ⁷ . ಆ ಸಾಕ್ಷಿನಿ ಪ್ರಸಿದ್ದಿ ಪಡ್ಡಿಚ್ಸೇಕಾಯಿ ನಾನು ಸಾರೋಡಟ್ನಾಯಿ ಅನ್ಯಜನಲ್ನಿ ಬೊದಿಚ್ಚೊಡಾಯಿ ಸೇಮಿಚ್ಚೋಡಾಯಿತಿ ನಾನು ಎಟೋಡನೆದಿ ಸುಳ್ಳುಂ ಕಾದು ಸತ್ಯಮೇ ⁸ . ಇಟ್ಟುಂಡೇಟ್ನಾಯಿ ಮೊಗೋಳು ಅನ್ನಿ ಸ್ಥಳಮುಲ್ಲ ಕೊಪಮು ವಾಗ್ವದುಮು ಲೆನೋಲಾಯಿ ಭಕ್ತಿಪೂರ್ವಕ್ಮಾಯೇ ಸೈಲ್ನಿ ಎತ್ತಿ ಪ್ರಾಥಿಯಲ ಅನಿ ಅಪೇಕ್ಷಿಸ್ತಾನು ⁹ . ಅಟ್ಟೆ ಆಡೋಳು ಮಾನಸ್ತುಲಾಯಿ ನಟಕುಮು ಲೆನೇನು ಮರ್ಯದಿಕಿ ತಕ್ಮು ಒಟ್ಟುನಿ ಎಸ್ಕೊವಾಲ ಅನಿ ಅಪೇಕ್ಷಿಸ್ತನು ¹⁰ ವಾಳು ಜೆಡೆ ಚಿನ್ಮು ಮುತ್ಮು ಬೆಲೆವುಂಡ ವಸ್ತುಮ ಮುಂತದವುಲು ಇಂಚಿ ವಾಲ್ನಿ ಅಲಂಕಾರುಮು ಸೇಸ್ಕೊಕುನ್ನ ದೇವುಡ ಭಕ್ತಲು ಅನ್ಬಿಚ್ಚೋಸೆ ಆಡೊಳ್ಕಿ ಯುಕ್ತುಮಾಯಿಂಡೆ ಪ್ರಕರುಮು ಅಲಂಕಾರುಂ ಸೇಸ್ಕೊವಾಲ ¹¹ . ಆಡೋಳು ಮೌನುಮಾಯುಂಡಿ ಪೂರ್ಣ ವಿದಯುಲಾಯಿ ಉಪದೇಶಮುನಿ ಇನಾಲ ¹² . ಉಪದೇಶುಮು ಸೇಸೆದಾನಿಕಿ ಅವ್ನಿ ಮೊಗೊಳು ಮಿಂದ್ದ ಅಧಿಕರುಮು ನೆಡ್ಸೆದಾಂಕಿ ಆವ್ನಿ ಆಡೋಲ್ಕಿ ನಾನು ಅಪ್ಪಣಾಮ ಇಚ್ಚೆಟ್ಟಲೆ ¹³ . ವಾಳು ಮೌನಮಾಯುಂಡಾಲ ನಿರ್ಮಿತಮು ಆಯಿಂಡೋಡು ಆದಾಮುಡು ಕದ ಅಮಿಂದ ಅವ್ವಲು ¹⁴ . ಇದಿಕಾಕುನ್ನ ಆದಾಮುಡು ವಂಚನೆಕಿ ಪಡ್ಲೆದು ಆಡೋಳು ವಂಚನೆಕಿ ಪಡಿ ಅಪರಾದಿ ಆಯೇ ¹⁵ ಆಡೋಳು ಮಾನಸ್ಥುಲಾಯ ನಂಬುಕುಮ್ಲ ಪ್ರೀತಿಲ ಪರಿಶುದ್ದುಮ್ಲ ನೆಲೆಗೊಂಡುಂಟೆ ಬಿಡ್ಡುಲ್ನಿ ಪಡ್ಸೆನಪ್ಡು ರಕ್ಷಾಣಮು ಹೊಂದ್ತಾರು