लिउ १
1
थियोेफिलस, ङे:कि तङ्ला टिबु थेप्कि येशुला यार मातेक्पा साक् खोकि किरुप् ताङ् लोपुप् स्युबु ताम्तिबा तेरिग् स्येनिवे ।
2
खोकि दाम्बुप् लोमा तिबाला थु चेङि थ~नि खोकि का बिन्सिमा दिन्दक् गालुप् हिन् ।
3
खोकि दुक्पा खुरुप् तिङ्ला हिन् सि थुपुप् ता~तिबा क्षा देन्दिन् तिबि चाला वसुङ् । खो ती ङिमा खाल्ङि साक् तबि चाला क्षार्नि कन्ज्यक्कि ग्याखाप्कि कला स्येसुङ् ।
4
खोकि तिबाला ठेइँवतुप् ठला खोकि तिबाला यरुस्लेम माताङ्बा क्यानि पापिकि कि्यउ सिनि सिक्याबु तिला गुनि देत् सिनि सिक्यासुङ् ।
5
तिकि कला खोकि "खिरेकि ङे~ खानेसुर युहन्नाकि क्षु थनि बप्तिस्मा बिन्सुङ् सिक्याबु ती कोनि वसिनाङ् चेःक् तिङ्ला राङ् खिराङ्ला थु चेङि थ~नि बप्तिस्मा तेर्क्यित ।" सिनि सिक्यासुङ् ।
6
तिबा क्षाज्यिक् ठेनि वतुप् ठला तिबिकि "चोवो, खाङ् ख्यरेकि इस्राएल् ग्याल्खाप् लोङ् राङ् ज~प् तुजे ती दिराङ् हिन् ?" सिनि खोला टिसुङ् ।
7
खोकि तिबाला "पापिकि खरे ङार थनिराङ् चि~नि वतुप् तुज्येतिबा क्षा ङेतुप् लाका ती खिरे ती मिन् ।
8
थु चेङि खिरे खाला लेप्सिमा खिराङ्ला ङार् थोम्नि खिराङ् दि यरुस्लेमला, यहुदियाला, सामरियाला ताङ् जाम्बुलिङ्कि तेरि सिनाङ् नामु साक् ङे कि किदुक स्येतुप्तिबा च्युङ्गित ।" सिनि सिक्यासुङ् ।
9
येशुकि दि ता~म्तिबा स्येनि सिन्सिमा, तिबिकि यार् ल्हाइँ वतुप् ठला खोला यार् तेःक्सुङ् ते:मे: मुक्मिकि र्हिप्सुङ् ।
10
खो डोइँ वतुप् ठला तिबिकि देःवाच्ये:न्कि थाकाला लेःमु क्या~नि ल्हाइँ वतुप् ठला क्षालु कार्मु कोन्दुप् मि मेरा ङिचक् तिबि चा~ला क्षार्सुङ् ।
11
तेमे तिबिकि "अोइ गालिल्कि मितिबा, खिराङ् च्यिले टाङि लानि दे:वाच्ये:न् ल्हानि देक्यि? दे:वाच्ये:न्ला डोइँ वतुप् येशुला खिरे:कि चुक् क्यानि थोङ्निवे: तुक् क्यानि राङ् लङ्नि गित।" सिनि सिक्यासुङ् ।
12
तिकि तिङ्ला तिबा यरुस्लेमकि चालाराङ् खेलुप् जैतुन् पम्दक् नेसुर् यरुस्लेम् थाका लक्सुङ् ।
13
तिबा ती ग्युर्नि लेम् ख्योल्सिमा खप्राङ् देतुप् दारि नाङ्ला स्युसुङ् । तिबा ति पत्रुस्, युहन्ना, अन्द्रियास्, फिलिप्, थोमा, बारथोलोमाइ, मत्ति, अल्फायस्कि पुज्युङ् याकुब्, ज्येन्ज्यिग् सिमोन् ताङ् याकुब्कि पुज्युङ् यहुदा ती नक् ।
14
तिबा ति ते: सेम् च्यिग् राङ् च्युङ्नि सँ~ ताम्नि देसुङ् । येशुकि हामा मरियम् ताङ् ज्येन पुम्पेजा तिबाङ् तिबि दालाराङ् नक् ।
15
ती ङि~न्ला तो~ मिन्सिन् मे:रा ग्याज्यिक् ताङ् खाल्ज्यिकक्(१२०) कि पार्ला पत्रुस खक् लासुङ्
16
ते:मे: "नुक्तिबो, येशुला जि्म्बुप्ला र~ क्यिरुप् यहुदाकि कला दाउदकि खानेसुर थु चेङिकि तङ्ला राङ् ताम् क्यानि वतुप् क्षोकि थेप्कि सुङ् ती छेगोबु वतुप् राङ् हिन् ।
17
च्यिलासिसिन् ती ती अरे: पार्नेसुर राङ् च्यिक नक् ते:मे: खोला ङेगोबु लाका ति ङेसुङ् ।
18
(ती मिकि खरे क्याबु लाका मे:ले:बा नेुसुर जोबु टाङ्गा थनि स्यिङ् ज्यिक् ङ्योसुङ् । ते:मे: खरे: गो~ ती पिचे:र्मा क्यानि ल्हुम्नि जुबु ति टु~म्सुङ् तेःमे: गे:मा - टताक् थे~न्सुङ् ।
19
ती ता~म् ति यरुस्लेम्ला देतुप् मि तेर्कि हाक्कोसुङ् ते:मे ती स्यिङ्कि मि~न् ती खप्रे: ताम्ला अखेल्दमा सिनि ता~सुङ् तिकि तेन्दक ति "ठाक्कि स्यिङ्" हिन् ।
20
च्यिले: सिसिन् "तिकि स्यि~ङ् ती खाङ्साङ् मे:तुप् थेरि जोनि तेः सु~साङ् मेदेस्यित् ते:मे: तिकि अो~ङ् ती राङ्सा मिकि लाङ्स्यित् । सिनि लुतिबि थेप्ला टिनिवे: ।
21
तिकि क्यिसाला युहन्नाकि बप्तिस्मा बिन्दुप् ङिमानेसुर् खोला अरे: चानेसुर् यार् माते:क्पा साक्,
22
चोवो येशु अोरुङ् ता~नि फि ताङ् ना~ङ् क्यिरुप् ठला अोरुङ्ला र~ क्यिरुप् मितिबि पार्नेसुर् अोरुङ्ता~नि खो स्येप् ताङ् सेन्बु ला~बु थोङ्गुप् वुङ्गोक्यित ।"
23
तिबिकि बारसाबास् सिरुप् योसेफ् (तिकि मि~न् ति युस्तस् साङ् नक्) ताङ् मियास् मेरा ङि कि नाङ्ला च्यिक देम्बुप् नावा क्यासुङ्।
24
तिबिकि सँ ताम्नि "ख्योरुङ् चोवोला तेरिग् मितिबि सेम्गि नाङ्गि ताम् दिबा क्षा वे, तिकिक्यिसाला दि मेरा ङिकि पार्नेसुर् सुला दाम्निवे: सिरुप् ति क्षा तेन् ।
25
यहुदाकि दिक्पा क्यानि खरे दासाला गाल्सिमा तङ्बा गालुप् लाका ताङ् अोङ् ती तिकि लाङ्स्यित् ।" सिनि सिक्यासुङ् ।
26
तिबिकि खप्रे मि~न्ला स्यो ग्याप्सुङ् ते:मे: स्यो ती मत्तियास्कि मि~न्ला थेन्सुङ् ते:मे: तिला लो~मा च्यु~च्यिक्कि दाला ङोसुङ् ।