¹ ङेकि ङ्यिङ्ज्ये क्याबु तिबा , खिरे मेलेबा सेमला मा लोङुपला ङा दि जेर्मा पत्र टिगिन किउ । ² तेमे खिरेकि चेङि लिङलोम्बि क्याबु ताम ताङ प्रेरित तिबा नेमा बिदुप अरे चावा ताङ थार्वा तेरुप का तिबि सेम्ला तोङ् । ³ तोङला दि ताम स्ये कि , खिराङला मेलेबा किरुप तिबा तिङला खिराङला मेलेबा सिदाङ दाक्पि ओङसित ला ति यकिन्दाङ गिउ । ⁴ तेमे तिबिकि सिउ खोकि ओङुप गुबुति खेनि गाला? अरे पाबोमु माम्बोमु तिबा स्यिनि गाल , हिन्सिनाङ जोताङ गमा नेमा राङि खेरिक ताम तिबा ओङिन्दाङ किउ । ⁵ तोङलेमा के सुङनेमा द्येवाचेन ताङ जम्बुलिङ छ्यु नेमा जोबु जाइ सिरुप ताम तिबिकि दाक्पि सेमकि राङ ज्येक । ⁶ तेमे तिजो बेला जम्बुलिङ ति खोकि सुङ ताङ छ्यु नेमा छ्यि खाम तोर्नि गाल । ⁷ हिनिराङ दिजो बेला ति सुङ नेमा राङ जम्बुलिङ ताङ द्येवाचेन ति मे लागिला जोनि ज्ञ्याकु वाइ । दि द्येवाचेन ताङ जम्बुलिङ ति ठिम ला ताङ मोबा मेतुप मि तिबि लागिला जेम्बु हिन् । ⁸ ङ्ये ङ्यिङज्ये क्याबु तिबा दि ताम माज्येसा कि कन्ज्यक लागिला ङ्यिजिक ताङडा ज्यिग लो तगेराङ तङडा ज्यिग लो थक्यु । ⁹ दाक्पि (प्रतिज्ञा) लागिला कन्ज्यककि कोले क्यानि किउ सिनि लालिकि नासाम ताङसिनाङ कोले क्यानि मिकिउ । हिन्सिनाङ खिरे लागिला ङिङजे किरुप मि हिन् । खोकि खिरे नाङला सुङ मिसिन्सित सिरुप सेम किउ । हिन्सिनाङ खोकि तेरिग्ला सेम किरुप बेला तेर्क्यु । ¹⁰ हिन्सिराङ चावा ङिमा ति कुन्जेन ति तगेराङ क्यानि गिउ । बोमु ओर तानिराङ नाम्ला तोर्नि डिउ । मेकि तव टबा स्यिनि डिउ तेमे जम्बुलिङ यक् तिबा ङाङ थेनि गिउ । ¹¹ खेर ताम दुक राङ क्यानि तोरोन्दाङ डिउ तेमे चेङि ताङ ल्यामु मिजि ग्युरुपकि लागिला खाङ किगोक्यि ताङ च्येनोद मि ओङग्योकि । ¹² खीरेकि सेम्गि दिन्नेसुर कन्ज्यककि ओङुपला गुनि देगोच्यु । ति छ्यि नाम तिबा मे नेमा नष्ट जोग्येच्यु तेमे तत्व तिबा मे नेमा स्यिनि डिउ । ¹³ हिन्सिराङ खोकि का तगेराङ अरेकि साबा द्येवाचेन ताङ जम्बुलिङ छोल्ग्यु ते दिक्पा वातुप गिउ । ¹⁴ तिकि किसाला ङ्यिङज्ये क्याबु तिबा खिरेकि दि ताम तिबा गुनि वातुप मा मेतुप ताङ खो लो दिमुला दतुप तिबा खिरे थुपु चो क्यानि ल्हो । ¹⁵ अरे चावाकि तुनि थार्वा विन सिरुप सेम तोङ । चुक क्यानि अरे ङ्यिङ्ज्ये क्याबु नुक तिबा पावलकि बिदुप लाता तगे खिराङला दि ताम टिनि वाइ । ¹⁶ पावलकि तिकि खेरि टिबा तिबा दि ताम कला टिबु वाइ ते छ्या ङ्येतुप काबु चेक चेक ताम तिबाङ वाइ । मेस्येबु ताङ दासा ज्यिगला देतुप मि तिबा दि ताम तिबा च्यक्से जेउ , नुक क्यानि तिबिकि क्ष्यो जेन सुङ तिबा च्यक्से जोइदाङ दाक्पि मेलेबा खुन्गिउ । ¹⁷ तिकि किसाला ङे ङिज्येबु तिबा खिराङला दि ताम तिबा स्येबुकि सिसाला दाक्पि राङ दनि ज्यक , तेमे अराजक मि तिबि जिनोक जप तेमे खिराङला तेनि टि मोडोसित तेमे खिरेकि दाक्पि मोबा किरु डिकु ति तोङु मोस्योसित । ¹⁸ हिन्सिराङ चावा ताङ थार्बा तेरुप येशु ख्रिष्टकि काटिन ताङ च्यु खिराङ तिबा गमाला डोसित । खो ला राङ दिजो बेला चोबेलाङ सवा ओङसित । आमेन ।