¹ Paulus, Silawanus, Timotius, Tesalonika ro miyea re waimi wali Akho Hena le einye Yesus Kristus le einye, onomi fokha reimai haungembe. ² Meya helem foi Allah re wannele, maya nanemene, meai ebeli lehali einye haweyayembe. ³ Nebheinye bhene nekhaime khaliya iwgamea, hila rabho, khena bhuhea hesei, meai rabho halei Tuhan Yesus Kristus le einye, naei mekhai Akho Hena Allah le bhene yoinye. ⁴ Akha beakhe Allah le khena bhuhea heisei einye isaeyem bombe, rahbine bam Nea mare elembokhembe. ⁵ Injil khenane, meya meai bhokhore emei, ayea feauga bham, ma hila rang rabho randa, Roh Kudus le eisa maya maesai meya ndemeaningneai mai nolone mekhande, meai arene. ⁶ Meya mekhawge ro re miyea re yawgokhe, ma u mekhai, wa mekhai bhe haran nebhombe, na akho faukho einye, bhulo fela helem hubhamande, nebheibhe Roh Kudus yea rei mai, ela wakhe yemmile. ⁷ Nebheinye meya ma u mekhai harannebhombe. Makedonia ro miyea, Akhaya na ro miyea mai waline hamenayembe. ⁸ Weai wahi ra Allah na akho fewkho huweumiyende, Makedonia ne bham, neai mekhai Akhaya ne mo bham, neai mekhai mbai anuwau hine-hine. ⁹ Ne neajea mekhate meai a bhe mekhai elewate, nenda mekhai jea bhukaibokhe, Allah wali re nekhele kiyeare bhokho re mekhate. ¹⁰ Ne beinye erekho rakhekho, Allah le khelu Yesus Kristus Surga ra mendere, Neyea Yesus are wahire ikewme.