¹ Nayu malayikha uvakhahano atovile italumbeta ya mwene. Ndawene inondwi ukhuhuma khushanya yeyavele yibinile pa inyi. Ulutondwi lwapevilwe ifungulo cha mulindi chechi yelekhela khu mulindi lyesi uveli nu mwisho. ² Afungwe umilindi kwekusivili nu mwisho, ni lyosi likhadama khushanya khwa sufu ukhuhuma mkati mu mulindi kama lyosi ukhuhuma mu khipembelo khikomi ilichuva na mafundi kakewikhe fikhava ng'isi khwa sababu ya lyosi lyelihuma mumalindi. ³ Mkati mumulindi cha humile imanji ukhwicha khushanya khu inyi, na chene chapevilwe ingufu kama yila iya inge juu ya inyi. ⁴ Vachovelilwe ukhutanu ukhusulu amatundu katika inyi au imimea yeyoha ya khijani au libihi isipokuwa tu avanu yesivaveli nu muhuli kwa Nguluvi pa fipumila fyavo. ⁵ Sivapevilwi uluhusa lukhuvavulaka avanu avo, bali ukhuvatesa tuu khwa michi yihano. Uvuhungu wavo wavele kama wa khulumwa ni ingepechiluma avanu. ⁶ Katika fikono ifyo avanu vilonda ikhifo, lakhini sivikhakhipata. Vidobokha ukhufwa likhini ikhifo khikhavanyila. ⁷ Imanya cha wanine ni falasi chechiandahilwe khwa fita. Khumitwe fyanyene khwavele khinu kama taji ya sahabu ni sula chavo chavele kama vanadamu. ⁸ Vavele ni njwili kama cha vadala na mino kama ka lisimba. ⁹ Vavele nififuva kama fifuva fya shuma ni savuti ya mapabatilo kavo yavele kama savuti ya ngamiya njolofi cha fita ni ngamiya ya chechinyila ukhubita khufita. ¹⁰ Vavele ni mikhila yeyiluma kama inge; katika mikhila yavo vavele ni ngufu ya khusulu avanu khwamiechi yihano. ¹¹ Vavele nave kama mutwa juu ya malayikha va mulindi lyesi veli nu mwisho. Ilitawa lya mwene khwa khiebraniya Abadoni, na khwa khiyunani ilitawa Apolioni. ¹² Ole ya khwanja yilutile lolake! Baada ya iyi khuna fifo fivili fiyi cha. ¹³ Malayikha vasita atovile italumbeta ya mwene, na ndikhapuli isavuti yihuma mukona ya masabahu ya sahabu ambayo vivele mbele ya Nguluvi. ¹⁴ Savuti yamuchovye umalayikha va sita yeaveleni talumbeta, "Muvalekhekele vamalayikha vatayi ambavo vafungilwe palulenga lukhomi lu Eflata.'' ¹⁵ Malayikha vala vatayi yevavele vaandahilwe khwa saa iyo maalumu, ikhikono isho mwechi ukwenu mwakha ukwe valekhilwe vavulakwe selusi ya vanadamu. ¹⁶ Idadi ya vasilikhani yevavele pashanya pa falasi vavele 200, 000, 000. Ndapulikhe iidadi yavo. ¹⁷ Ede ndio shendawene ifalasi katika maono kangu na vala yevahovi pashanya pavo: Ififuva fyanyene fyavele fudung'u kama mwoto, bluu yeyisipyeli ni njano yeyisipyeli. Imitwe ya falasi ya wanine ni mitwe ya masimba, na mumilomo yavo kwa humile umwoto, ilyosi ni salfa. ¹⁸ Selusi ya vanadamu vavulakilwe na mapigo kadatu: umwoto, lyosi, safa yeya hamaka mumilomo yavo. ¹⁹ Khwa khuva ingufu ya falasi yavele mumilomo yavo khwa khuva imikhila yavo yavele kama maayokha, vavele nimifwe ambayo vatumilaka ukhuvalemacha avanadamu. ²⁰ Avanu yevasike, vala ambavo vavele sinanavavulakwa na mapigo aka, siva hongichi amatendo kavo kevavele vafanyile, wala sivilekhilwi ukhuabudu amajini ni miungu ya sahabu, hela, shaba, makanga na mabihi finu ambafyo sifiwesa ukhulola, ukhupulikha au ukhukenda. ²¹ Wala sivahongi chi uvuuwaji wavo, uvuhavi wavo, uvushelati wavo au injila chavo cha vuhichi.