¹ Nekhe umalayikha anivonese ulukasi kawumi makasi kang'alaka kama bilauli. keve kitililikha ukhuhuma pa khideko sha enzi sha Nguluvi ni sha mwana ng'oolo ² Ukhulutila katikati ya mtaa kwa muji. khila pembe ya lulenga pavele ni libihi lya wumi, kwekwibaba aina lichumi ni chivili cha matunda, na libaba khila mwechi. Amatunda khwajili ya vuponaji wamatayifa. ³ Wala sipiva laana yeyoha khangi. Ikhideko sha enzi sha Nguluvi ni sha mwana ng'oolo ya khiva mukati mu muji, na vatumishi vamwene vakhamtumikhila. ⁴ Vakhamuvona sula yamwene, ni litawa lya mwene livapashanya pafipumila fyavo. ⁵ Siyakhwivokhilo khangi wala siyakhwiva na mahitaji ka mwanga kwatala au lichuva khwa sababu u mtwa Nguluvi imlikhaka juu yavo navene yavitawa milele na milele. ⁶ Umalayikha anjovie, "Amacho akakakhuaminikhana salwesi umtwa Nguluvi uva numbula cha vavilisi amuseng'ile umalayikha vamwene ukhuvavonesa avatumishi va mwene eyakhihumila hivi kalibuni.'' ⁷ "Lolake! Ndiyicha halaka! Akinikhilwe yula yeiyinatila amacho ka vuvilisi wa khitabu ikhi.'' ⁸ Unene, Yohana, ndio yendapulikhe nukhukavona amambo aka. Pendapuli nu khukavona, ndabinile panyiyune mbele ya makulu ka malayikha khumuabudu umalayikha yeanivonesiche amambo aka. ⁹ Anjovie, "Utane ukhita ewe! Unene ndivele mtumishi muyino, pamonga navalongovo avavilisi pamonga nava yeviyinatilila amachoka khitabu ikhi. Ukhuabudu u Nguluvi!" ¹⁰ Anjovie, "Utane ukhukonga umuhuli amacho ka vuvilisi, wa khitabu ikhi, maana umusikha kukalibwe. ¹¹ Yasiveli vahaki, ayendelelake ukhutanu khuva munya haki. Yavele mchafu khimaadili ayandelelake ukhuva mchafu khimaadili. Umunya haki ayendelelake ukhuva munya haki. Umuvalache ayendelelake ukhuva muvalache.'' ¹² ''Lolake! ndiyicha halaka. Uvujila wangu vuvele pamonga nani, ukhumulipa khila yumonga ukhulingana na sheakhifanyile. ¹³ Unene yune Alfa na Omega, mwanjo na mwisho. ¹⁴ Vakinikhilwe vala yevifuva imienda yavo ili kwamba vapate ihaki ya khulya ukhuhuma mulibihi lya wumi nu khuyingila ukhulutilapa mulyango. ¹⁵ Khwi vala khuna mabwa, vahavi, vasinzi, vavulakaji, vaabudu sanamu, na khila yeipenda na yeipenda naye ishuhudila amambo kavudesi. ¹⁶ Unene, Yesu, ndimusengile umalayikha vangu khuvashuhudila ukhuhusu amambo aka khumakanisa. Unene lilela lya lubabo lwa Davudi nondwi ya lukhela yeying'ala.'' ¹⁷ Umubepo nu bibi alusi vichova, "Wichake!" Nu mwene yeipulikha ichova wichake yeyoha yekwilapa ichake, na yeidobokha apate amakasi ka wumi bule. ¹⁸ Ndikhamshuhudila khila munu yeipulikha amacho kavu vilisi wa khitabu ikhi: Kama yeyoha iyongesa katika ako u Nguluvi akha muyengelehecha amapigo kekayandikhilwe mkhitabuikhi. ¹⁹ Kama munu yeyoha akhaka hecha amacho ka khitabu ikhi sha vuvilisi, u Nguluvi iheche isehemu yamwene mkhongo kwa wumi na mumuji umuvalache, ambakwe imola chekhe chiyandikhilwe mkati mkhitabu ikhi. ²⁰ Umwene yeishuhudi amambo aka ichova, "Ndiyo! ndiyi ng'aning'ani.'' Amina! Wichake mutwa Yeesu! ²¹ Ulukalwa mutwa uYeesu luvechake nu khila munu. Amina.